ഓഹരി വിപണിയില്‍ നേട്ടത്തോടെ തുടക്കം.... സെന്‍സെക്സ് 363.80 പോയന്റ് ഉയര്‍ന്ന് 61,110ലും നിഫ്റ്റി 99 പോയന്റ് നേട്ടത്തില്‍ 18,111ലുമാണ് വ്യാപാരം
ഏഷ്യന്‍ വിപണികളിലെ നേട്ടമാണ് രാജ്യത്തെ വിപണിയിലും പ്രതിഫലിച്ചത്. അതോടെ നിഫ്റ്റി 18,100 കടന്നു. സെന്‍സെക്സ് 61,000വും. സെന്‍സെക്സ് 363.80 പോയന്റ് ഉയര്‍ന്ന് 61,110ലും നിഫ്റ്റി 99 പോയന്റ് നേട്ടത്തില്‍ 18,111ലുമാണ് വ്യാപാരം ആരംഭിച്ചത്.

നിഫ്റ്റി ഉയര്‍ന്ന നിലവാരത്തില്‍നിന്ന് മൂന്നുശതമാനംമാത്രം താഴെയാണിപ്പോള്‍. ഈ സാഹചര്യത്തില്‍ ആഭ്യന്തര നിക്ഷേപ സ്ഥാപനങ്ങള്‍ വന്‍തോതില്‍ ഓഹരികള്‍ വിറ്റൊഴിയാനുള്ള സാധ്യതയുണ്ട്. റീട്ടെയില്‍ നിക്ഷേപകര്‍ ലാഭമെടുക്കാനുള്ള സാധ്യയും അദ്ദേഹം തള്ളിക്കളയുന്നില്ല.

ഡോ.റെഡ്ഡീസ് ലാബ്, പവര്‍ഗ്രിഡ് കോര്‍പ്, മഹീന്ദ്ര ആന്‍ഡ് മഹീന്ദ്ര, എന്‍ടിപിസി, ടിസിഎസ്, സണ്‍ ഫാര്‍മ, ഇന്‍ഡസിന്‍ഡ് ബാങ്ക്, ഇന്‍ഫോസിസ്, കൊട്ടക് മഹീന്ദ്ര ബാങ്ക്, ഏഷ്യന്‍ പെയിന്റ്സ്, ഹിന്ദുസ്ഥാന്‍ യുണിലിവര്‍, ടെക് മഹീന്ദ്ര, റിലയന്‍സ് ഇന്‍ഡസ്ട്രീസ്, എച്ച്ഡിഎഫ്സി ബാങ്ക് തുടങ്ങിയ ഓഹരികളാണ് നേട്ടത്തില്‍.

വിദേശ നിക്ഷേപകര്‍ തിങ്കളാഴ്ച വീണ്ടും അറ്റവാങ്ങലുകാരായി. 4,179 കോടി രൂപയുടെ ഓഹരികളാണ് ഇവര്‍ വാങ്ങിയത്. മ്യൂച്വല്‍ ഫണ്ടുകള്‍ ഉള്‍പ്പടെയുള്ള ആഭ്യന്തര നിക്ഷേപ സ്ഥാപനങ്ങളാകട്ടെ 1,107 കോടി രൂപയുടെ ഓഹരികള്‍ വിറ്റൊഴിയുകയും ചെയ്തു.


സെക്ടറല്‍ സൂചികകളില്‍ നിഫ്റ്റി മെറ്റല്‍ ഒഴികെയുള്ളവ നേട്ടത്തിലാണ്. ബാങ്ക്, ഫാര്‍മ സൂചികകള്‍ ഒരുശതമാനത്തോളം ഉയര്‍ന്നു.