ഓഹരി വിപണിയില്‍ നഷ്ടത്തോടെ തുടക്കം.... സെന്‍സെക്സ് 89 പോയന്റ് താഴ്ന്ന് 61,031ലും നിഫ്റ്റി 26 പോയന്റ് നഷ്ടത്തില്‍ 18,119ലുമാണ് വ്യാപാരം.

മുക്കാല്‍ശതമാനം നിരക്ക് വര്‍ധന വിപണി പ്രതീക്ഷിക്കുന്നു. ഫെഡ് കര്‍ശന നയം തുടര്‍ന്നേക്കുമെന്നാണ് വിലയിരുത്തല്‍. മികച്ച പ്രവര്‍ത്തനഫലങ്ങളാണ് രാജ്യത്തെ സൂചികകള്‍ക്ക് കരുത്തേകുന്നത്.

മഹീന്ദ്ര ആന്‍ഡ് മീഹന്ദ്ര, റിലയന്‍സ് ഇന്‍ഡസ്ട്രീസ്, ഇന്‍ഡസിന്‍ഡ് ബാങ്ക്, ബജാജ് ഫിനാന്‍സ്, ടിസിഎസ്, എച്ച്ഡിഎഫ്സി, നെസ് ലെ ഇന്ത്യ, എസ്ബിഐ, ഏഷ്യന്‍ പെയിന്റ്സ് തുടങ്ങിയ ഓഹരികളാണ് നഷ്ടത്തിലാണ്.

ടാറ്റ സ്റ്റീല്‍, എല്‍ആന്‍ഡ്ടി, ഐടിസി, എച്ച്സിഎല്‍ ടെക്, ഐസിഐസിഐ ബാങ്ക്, കൊട്ടക് മഹീന്ദ്ര ബാങ്ക്, ഡോ.റെഡ്ഡീസ് ലാബ് തുടങ്ങിയ ഓഹരികള്‍ നേട്ടത്തിലുമാണ്.

വിദേശ നിക്ഷേപകര്‍ ചൊവ്വാഴ്്ച 2,610 കോടി രൂപയുടെ നിക്ഷേപം നടത്തിയപ്പോള്‍ രാജ്യത്തെ മ്യൂച്വല്‍ ഫണ്ടുകള്‍ ഉള്‍പ്പടെയുള്ള വന്‍കിട നിക്ഷേപകര്‍ 730 കോടി രൂപ പിന്‍വലിക്കുകയും ചെയ്തു.

സെക്ടറല്‍ സൂചികകളില്‍ നിഫ്റ്റി മെറ്റല്‍, മീഡിയ, എഫ്എംസിജി തുടങ്ങിയവ നേട്ടത്തിലും ഐടി, ഓട്ടോ, പൊതുമേഖലാ ബാങ്ക് സൂചികകള്‍ നഷ്ടത്തിലുമാണ്.