ഓഹരി വിപണികളില്‍ നേട്ടത്തോടെ വ്യാപാരം... ബോംബെ സൂചിക സെന്‍സെക്‌സ് 80,000 പോയിന്റ് പിന്നിട്ടു. ചരിത്രത്തിലെ ഏറ്റവും വലിയ നേട്ടമായ 80,039 പോയിന്റിലാണ് സെന്‍സെക്‌സിന്റെ വ്യാപാരം.

നിഫ്റ്റി 169 പോയിന്റ് ഉയര്‍ന്ന് 24,292 പോയിന്റിലെത്തി. നിഫ്റ്റിയിലും മികച്ച നേട്ടമാണ് ഇന്ന് ഉണ്ടായത്. സെന്‍സെക്‌സില്‍ ഏറ്റവും കൂടുതല്‍ നേട്ടമുണ്ടാക്കിയത് എച്ച്.ഡി.എഫ്.സി ബാങ്കാണ്. 2.51 ശതമാനം നേട്ടത്തോടെ 1774.05 രൂപയിലാണ് ഓഹരികള്‍ വ്യാപാരം നടത്തുന്നത്.

നിഫ്റ്റി മിഡ്ക്യാപ്, സ്‌മോള്‍ ക്യാപ് ഇന്‍ഡക്‌സുകളും ഇന്ന് നേട്ടമുണ്ടാക്കി. സെക്ടറുകളില്‍ ഐ.ടി ഒഴികെ ബാക്കിയെല്ലാം നേട്ടത്തിലാണ്.

ചൊവ്വാഴ്ച നേരിയ നഷ്ടത്തോടെയാണ് ഇന്ത്യന്‍ ഓഹരി വിപണികള്‍ വ്യാപാരം അവസാനിപ്പിച്ചത്.