ഓഹരി വിപണിയില്‍ നേട്ടത്തോടെ വ്യാപാരം.... ബോംബെ സൂചിക സെന്‍സെക്‌സ് 200 പോയിന്റ് നേട്ടത്തോടെയാണ് വ്യാപാരം ആരംഭിച്ചത്. നിഫ്റ്റി 25,000 പോയിന്റ് പിന്നിടുകയും ചെയ്തു. ആഗോള വിപണികളിലുണ്ടായ നേട്ടമാണ് ഇന്ത്യയിലും പ്രതിഫലിച്ചത്.


ബി.എസ്.ഇ സെന്‍സെക്‌സ് 334.83 പോയിന്റ് നേട്ടത്തോടെ 82,076.17ലാണ് രാവിലെ 9.21ന് വ്യാപാരം നടക്കുന്നത്. നിഫ്റ്റി 104.70 പോയിന്റ് നേട്ടത്തോടെ 25,055.85ലാണ് വ്യാപാരം.

നിഫ്റ്റിയില്‍ മാരുതി സുസുക്കി, കോള്‍ ഇന്ത്യ, ഹിന്‍ഡാല്‍കോ, ജെ.എസ്.ഡബ്യു, പവര്‍ഗ്രിഡ് എന്നിവയാണ് നേട്ടമുണ്ടാക്കിയ കമ്പനികള്‍.
എം ആന്‍ഡ് എം, ബി.പി.സി.എല്‍, ?ഹീറോ മോട്ടോര്‍കോര്‍പ്, സണ്‍ ഫാര്‍മ, ഐഷര്‍ മോട്ടോഴ്‌സ് എന്നിവ നഷ്ടമുണ്ടാക്കി.

അതേസമയം, സ്വര്‍ണവിലയിലും ഇന്ന് വര്‍ധനയുണ്ടായിട്ടുണ്ട്. ഗ്രാമിന് 50 രൂപയുടെ വര്‍ധനയാണ് രേഖപ്പെടുത്തിയത്. ഒരു ഗ്രാം സ്വര്‍ണത്തിന്റെ വില 6450 രൂപയായി ഉയര്‍ന്നു. പവന്റെ വില 51,600 രൂപയായി ഉയര്‍ന്നു.