സംസ്ഥാനത്ത് സ്വര്‍ണവില വീണ്ടും കുറഞ്ഞു. ഗ്രാമിന് 10 രൂപയുടെയും പവന് 80 രൂപയുടെയും കുറവാണ് വെള്ളിയാഴ്ച രേഖപ്പെടുത്തിയത്. ഇതോടെ സ്വര്‍ണവില ഗ്രാമിന് 4,305 രൂപയായും പവന് 34,440 രൂപയായും വില കുറഞ്ഞു. സംസ്ഥാനത്ത് ഇന്നലെയും സ്വര്‍ണവില കുറഞ്ഞിരുന്നു.

ഗ്രാമിന് 20 രൂപയുടെയും പവന് 160 രൂപയുടെയും കുറവാണ് വ്യാഴാഴ്ച രേഖപ്പെടുത്തിയത്. കഴിഞ്ഞ 18ന് രേഖപ്പെടുത്തിയ പവന് 35,040 രൂപയും ഗ്രാമിന് 4,380 രൂപയുമാണ് ഇതുവരെയുള്ള സര്‍വകാല റിക്കാര്‍ഡ് വില.