മൊബൈല് 'നമ്പര് പോര്ട്ടിംഗ്' വേഗത്തിലാക്കാന് ട്രായി
ഒരു ടെലികോം കമ്പനിക്ക് പകരം മറ്റൊന്ന് തെരഞ്ഞെടുക്കുമ്പോള് സേവനം ലഭിക്കാന് വൈകുന്നതായിന് പരിഹാരം കണ്ടെത്താനുള്ള ശ്രമത്തിലാണ് ടെലികോം നിയന്ത്രണ സംവിധാനമായ ട്രായ്. കൂടുതല് സേവനം ലഭിക്കുന്ന മറ്റു ടെലികോം കമ്പനികളെ തേടി മൊബൈല് ഉപഭോക്താക്കള് പോകുന്നത് സാധാരണമാണ്. എന്നാല് ഒരു ടെലികോം കമ്പനിക്ക് പകരം മറ്റൊന്ന് തെരഞ്ഞെടുക്കുമ്പോള് സേവനം ലഭിക്കാന് കാലതാമസം വരുന്നുണ്ട്. ഇതിന് പരിഹാരമായാണ് ട്രായിയുടെ പുതിയ നീക്കം.
ഒരേ സര്ക്കിളിന് കീഴിലുള്ള മറ്റൊരു ടെലികോം കമ്പനിയുടെ സേവനങ്ങള്ക്ക് വേണ്ടിയാണ് ഉപഭോക്താവ് പോര്ട്ട് ചെയ്യുന്നതെങ്കില് രണ്ടുദിവസത്തിനുളളില് പുതിയ കമ്പനിയുടെ ഉപഭോക്താവായി മാറുന്നതിനുളള സംവിധാനമാണ് ട്രായി പരിഷ്ക്കരിക്കുന്നത്. ഒരു സര്ക്കിളില് നിന്ന് മറ്റൊരു സര്ക്കിളിലേക്കാണ് പോര്ട്ട് ചെയ്യുന്നതെങ്കില് നാലുദിവസത്തിനകം പുതിയ കമ്പനിയുടെ വരിക്കാരനാകാനുള്ള സൗകര്യവും ട്രായി ഒരുക്കും. ഇതിന് പുറമേ പോര്ട്ടിങ്ങുമായി ബന്ധപ്പെട്ട് ടെലികോം കമ്പനികള് തെറ്റായ വിവരങ്ങള് കൈമാറിയാല് ആ കമ്പനിക്കെതിരെ 10000 രൂപയുടെ പിഴ ചുമത്താനാണ് ട്രായിയുടെ പുതിയ തീരുമാനം.
https://www.facebook.com/Malayalivartha