2019ല്‍ ലോകത്ത് ആദ്യമായി 5ജി ഫോണ്‍ വിപണിയില്‍ എത്തിക്കും എന്ന് പ്രഖ്യാപിച്ചിരുന്ന വണ്‍പ്ലസിന്റെ 5ജി ഫോണിന്റെ ചിത്രം ചോര്‍ന്നു. വണ്‍പ്ലസിന്റെ സി ഇ ഒ അടക്കമുള്ളവര്‍ പങ്കെടുത്ത ഒരു ഉന്നത മീറ്റിംഗില്‍ 5ജി ഫോണിനെ പരിചയപ്പെടുത്തുന്ന ഫോട്ടോയാണ് ചോര്‍ന്നത്. 

ടെക് ലോകത്തെ രഹസ്യങ്ങള്‍ പുറത്തുവിടുന്ന ടെക് ഹാക്കര്‍ ട്വിറ്റര്‍ അക്കൗണ്ടായ @ഹവെമിഅഴമൃംമഹ24 ആണ് ഈ ചിത്രം പുറത്തുവിട്ടത്. ഇതില്‍ ഫോണിന്റെ പ്രോട്ടോടൈപ്പ് സി ഇ ഒ പീറ്റ് ലീയുടെ കൈയ്യിലും മറ്റൊന്ന് യോഗം ചേരുന്ന മേശയിലും കാണാം. സ്‌ക്രീനില്‍ ഫോണിന്റെ ചിത്രവുമുണ്ട്. ചുവപ്പ് നിറത്തിലുള്ള ഫോണിന്റെ പിന്നില്‍ റൗണ്ട് ആകൃതിയിലുള്ള ക്യാമറ ഐലന്റും കാണാം. ചിത്രം പുറത്തുവിട്ട ജീവനക്കാരനെ വണ്‍പ്ലസ് പിരിച്ചുവിട്ടതായാണ് സൂചന. 

ചൈനീസ് കമ്പനികളായ ഷവോമി, ഹ്വാവേ തുടങ്ങിയവയും 5ജി സ്മാര്‍ട്‌ഫോണുകള്‍ അടുത്ത വര്‍ഷം വിപണിയില്‍ എത്തിക്കുമെന്ന് വാര്‍ത്തയുണ്ട്. നിലവില്‍ ലഭ്യമായ ഹൈസ്പീഡ് 4ജിയെക്കാള്‍ ഇരട്ടി വേഗത വാഗ്ദാനം ചെയ്യുന്നതാണ് 5ജി നെറ്റ്‌വര്‍ക്ക്.