ജിയോയെ തളക്കാന് സൗജന്യ ഒഫറുമായി എയര് ടെല്
ഇന്ത്യന് മൊബൈല് താരിഫ് രംഗത്ത് വന് മാറ്റത്തിന് തുടക്കം കുറിച്ച ജിയോയുടെ കടന്നു വരവോടു കൂടി ടെലികോം കമ്പനികളുടെ മത്സരം ഉപഭോക്താക്കള്ക്ക് അനുഗ്രഹമായി മാറുകയാണ്. ജിയോയുടെ 1699 രൂപയുടെ 365 ദിവസ പ്ലാനില് അണ്ലിമിറ്റഡ് വോയ്സ് കോളും പ്രതിദിനം 1.5 ജിബി ഡാറ്റയും ഉപയോഗിക്കാവുന്ന ഓഫറാണ് ജിയോ പ്രഖ്യാപിച്ചിരുന്നത്. ഇതിന് മറുപടിയായി എയര്ടെല്ലും രംഗത്തെത്തി.
റോമിങിലും ലോക്കലിലും രാജ്യത്തിനകത്ത് അണ്ലിമിറ്റഡ് കോളുകള്, പ്രതിദിനം 100 എസ് എം എസും ഒരു ജിബി ഡാറ്റയും. കൂടാതെ എയര്ടെല് ടിവിയുടെ പ്രീമിയം സബ്സ്ക്രിപ്ഷന് പാക്കേജ് കാലാവധിയായ ഒരു വര്ഷത്തേക്ക് തീര്ത്തും സൗജന്യമായി ലഭിക്കുകയും ചെയ്യും. അണ്ലിമിറ്റഡ് കോളുകളുടെ കാര്യത്തില് ഒരു പരിധിയും നിശ്ചയിച്ചിട്ടില്ലെന്നതാണ് പാക്കേജിന്റെ മറ്റൊരു പ്രത്യേകത. എന്നാല് എയര്ടെല്ലിന് മുമ്പെ മത്സരത്തിനിറങ്ങിയ ബി എസ് എന് എല്ലും വോഡഫോണും ഇതിന് സമാനമായ പാക്കേജുകള് അവതരിപ്പിച്ചിട്ടുണ്ട്. 1312 രൂപയുടെ റീച്ചാര്ജ് പ്ലാനാണ് ബി എസ് എന് എല് മുന്നോട്ടു വച്ചിട്ടുള്ളത്. അണ്ലിമിറ്റഡ് വോയ്സ് കോളും 5ജിബി ഡാറ്റയും 1000 എസ് എം എസും ഉള്പ്പെടുന്നതാണ് ഓഫര്. വോഡഫോണിന്റെ 1499 രൂപയുടെ പാക്കേജ് ഒരു വര്ഷത്തേക്ക് അണ്ലിമിറ്റഡ് കോളുകളും പ്രതിദിനം 100 എസ് എം എസും ഒരു ജിബി ഡാറ്റയും നല്കുന്നുണ്ട്. വോഡഫോണിന്റെ പ്ലേ ആപ്പും ഈ കാലയളവില് സൗജന്യമായിരിക്കും. എന്തായാലും ഇന്ത്യന് മൊബൈല് താരിഫ് രംഗത്ത് വന് മാറ്റമാണ് ജിയോയുടെ കടന്നു വരവോടു കൂടി ഉണ്ടായിട്ടുള്ളത്.
https://www.facebook.com/Malayalivartha