ഏവരെയും വിസ്മയിപ്പിക്കുന്ന മോഡലുകളുമായി മാത്രമേ വൺ പ്ലസ് സ്മാർട്ഫോണുകൾ നിരത്തിലിറങ്ങുന്നുള്ളു. വിലയിൽ അല്പം കൂടുതലാണെങ്കിലും ഫീച്ചേഴ്സിന്റെ ലഭ്യത വിലയിരുത്തുമ്പോൾ വൺ പ്ലസ് ഫോണുകൾ എപ്പോളും മുന്നിൽ തന്നെയാണ്. ഇത്തവണയും വൺ പ്ലസ് ഇന്ത്യയിൽ പുതിയൊരു മോഡൽ അവതരിപ്പിച്ചിരിക്കുകയാണ്.

വണ്‍ പ്ലസ് 5ടി ലാവ റെഡ് എന്ന സ്മാർട്ഫോണാണു പുതുതായി അവതരിപ്പിച്ചിരിക്കുന്നത്. ഫോണിനുള്ള രജിസ്ട്രേഷന്‍ ജനുവരി 11 മുതല്‍ ആമസോണില്‍ ആരംഭിച്ചു.37,999 രൂപയാണ് ഫോണിന് വില. ജനുവരി 20 മുതല്‍ ഫോണിന്റെ വില്‍പന ആരംഭിക്കും. ഫോണ്‍ വാങ്ങാന്‍ താല്‍പര്യമുള്ളവര്‍ക്ക് ആമസോണില്‍ നോട്ടിഫിക്കേഷന്‍ ഓണ്‍ ആക്കിവെക്കാവുന്നതാണ്.

6 ഇഞ്ച് അമോലെഡ് FHD ഡിസ്പ്ലെയോടെയാണ് ഫോണ്‍ എത്തുന്നത്. 3300 mAh ബാറ്ററിയാണ് ഫോണിന്റെ കരുത്ത്. ഒക്ടാകോര്‍ സ്നാപ്ഡ്രാഗണ്‍ 835 SoC പ്രോസസര്‍, 8GB റാം, 128 GB സ്റ്റേറേജ്, ആന്ഡ്രോയ്ഡ് 7.1.1 നുഗട്ട്, 16MP/20MP ഡ്യുവല്‍ റിയര്‍ ക്യാമറ, 16MP സെല്‍ഫി ക്യാമറ എന്നിവയാണ് മറ്റ് സവിശേഷതകള്‍. 2017 നവംബറിലാണ് ലാവ റെഡ് കളറിലുള്ള ഫോണ്‍ വണ്‍പ്ലസ് 5 ടി ചൈനയില്‍ അവതരിപ്പിച്ചത്.