സ്മാർട്ഫോൺ ആരാധകാരെ എപ്പോഴും ഞെട്ടിക്കുന്ന മോഡലുകളാണ്​ സാംസങിന്റെ ഗാലക്​സി എസ്​ സീരീസ് ഫോണുകൾ. ഓരോ വട്ടവും പുതിയ സവിശേഷതകളുമായാണ് സാംസങ് മോഡലുകൾ നിരത്തിലറങ്ങുന്നത്. ഇറങ്ങിയവയിൽ ഒട്ടുമിക്ക എല്ലാ മോഡലുകളും വിപണിയിൽ നമ്പർ ഒൺ ആയി മാറുകയുമുണ്ടായി. 2017ലെ ഫ്ലാഗ്ഷിപ്പ്​ ഒാഫ്​ ദി ഇയര്‍ ആയി പല ടെക്​ സൈറ്റുകളും മറ്റും തി​രഞ്ഞെടുത്തത്​ ഗാലക്​സി എസ്​ 8 പ്ലസ്​ ആയിരുന്നു.

2018 ല്‍ ആരാധകര്‍ കാത്തിരിക്കുന്ന ഫ്ലാഗ്​ഷിപ്പ് മോഡൽ ആണ് സാംസങ് ഗാലക്സി​ എസ്​ 9 ഉം എസ്​ 9 പ്ലസും. എന്നാൽ ഫെബ്രുവരി 25ന്​ ഗാലക്​സി അണ്‍പാക്​ഡ് 2018 എന്ന​ ഇവന്‍റിലൂടെ അവതരണം നടത്താന്‍ ക്ഷണക്കത്തുകളടിച്ച്‌​ വിതരണം ചെയ്​തു തുടങ്ങിയ സാംസങ്ങിനെ ഞെട്ടിച്ച്‌​ പുതിയ ഫോണിന്റെ ചോര്‍ന്ന ദൃശ്യങ്ങള്‍ പ്രചരിക്കുന്നു. സാമൂഹിക മാധ്യമങ്ങളിലും യൂട്യൂബിലും പുതിയ ഫോണിന്റെ വീഡിയോ ലഭ്യമാണ്​.

പ്രചരിക്കുന്ന ദൃശ്യങ്ങളുടെ അടിസ്ഥാനത്തിൽ എസ്​ 8 നെ അപേക്ഷിച്ച്‌​ ചെറുതാണ്​ എസ്​ 9. ​പക്ഷെ വീതിയും കനവും കൂടുതലാണ്​. എസ്​ 9 പ്ലസും​ മുന്‍​ മോഡലിനെ അപേക്ഷിച്ച്‌​ ചെറുതാണ്​. കാമറയില്‍ ഐ.എസ്​.ഒ സെല്‍, ടെട്രാ സെല്‍ ടെക്​നോളജിയും സ്​മാര്‍ട്ട്​ ഡബ്ല്യൂ ഡി ആര്‍ ഫീച്ചറും പരീക്ഷിക്കുന്ന സാംസങ്​ സര്‍വ മേഖലയിലും മികച്ച ഒൗട്ട്​പുട്ട്​ നല്‍കുന്ന രീതിയിലാണ്​ എസ്​ 9 മോഡലുകള്‍ അവതരിപ്പിക്കുന്നത്​. സ്​പീഡ്​ ടെക്​നോളജിയും ഒപ്​റ്റിക്കല്‍ ഇമേജ്​ സ്​റ്റെബ്​ലൈസേഷനുമൊക്കെ ക്യാമറയ്ക്ക് മികവ്​ പകരും. ഫെബ്രുവരി 25ന്​ നടക്കുന്ന ചടങ്ങിലൂടെ ഫോണിന്റെ മറ്റ്​ വിവരങ്ങള്‍ ലഭ്യമാവും.

വീഡിയോ കാണൂ...