ഇത് ടെക്നോളജിയുടെ വളർച്ച ! ; 60 മെഗാപിക്സലിനോടൊപ്പം ആര്ട്ടിഫിഷ്യല് ഇന്റലിജന്സും കോർത്തിണക്കി പുതിയ സ്മാര്ട്ട് ഫോണ്
ടെക് ലോകത്തിനൊരു സന്തോഷ വാർത്ത എത്താൻ പോവുകയാണ്. എന്താണെന്നല്ലേ?...60 മെഗാപിക്സലിന്റെ ക്യാമറ സ്മാര്ട്ട് ഫോണ് വിപണിയില് എത്താന് പോവുന്നു എന്നത് തന്നെയാണ് ആ സന്തോഷ വാർത്ത. ട്യൂറിംഗ് ഫോൺ കാഡെൻസ (Turing Phone Cadenza) എന്ന കമ്പനിയാണ് 60 മെഗാപിക്സലിന്റെ സ്മാര്ട്ട് ഫോണ് വിപണിയില് എത്തിച്ചിരിക്കുന്നത്.
വോയ്സ് ഓണ് സാങ്കേതിക വിദ്യയുമായി വരുന്ന ഈ ഫോണ് ശബ്ദനിര്ദ്ദേശങ്ങള് കൊണ്ട് ഓണ് ചെയ്യാനും ഓഫ് ചെയ്നും കഴിയും. മാത്രമല്ല, വോയ്സ് കമാന്ഡുകള് വഴി ഫോണ് അണ്ലോക്ക് ചെയ്യുവാനും സാധിക്കും.
1440x2560 പിക്സല് റെസല്യൂഷനില് 5.8 ഇഞ്ച് ക്വാഡ് എച്ച്ഡി ഡിസ്പ്ലേയുമായാണ് കഡെന്സയുടെ വരവ്. സ്നാപ്ഡ്രാഗന്റെ ഏറ്റവും പുതിയ വേര്ഷനായ സ്നാപ്ഡ്രാഗൺ 830 ലാണ് ഇത് പ്രവര്ത്തിക്കുന്നത്. 8 ഉം 12 ജിബിയുടെ റാം വേരിയേഷനുകൾ ,1 ടിബി വരെ വര്ദ്ധിപ്പിക്കാവുന്ന മെമ്മറി എന്നിവ ഇതിന്റെ ആന്തരിക സവിശേഷതകളാണ്. മൈക്രോ എസ്ഡി കാര്ഡ് ഉപയോഗിച്ച് 500 ജിബി വര്ധിപ്പിക്കാനും കഴിയും.
ഇതിന്റെ ഏറ്റവും വലിയ സവിശേഷത ഇതിന്റെ ക്യാമറ തന്നെയാണ്. 60 മെഗാപിക്സലാണ് പിന്ക്യാമറ, ഇതുപയോഗിച്ച് ഐമാക്സ് 6 കെ വിഡിയോകള് വരെ ചിത്രീകരിക്കാന് കഴിയും. കൂടാതെ 20 മെഗാപിക്സല് ഡുവല് മുന്ക്യാമറയും നല്കിയിട്ടുണ്ട്.
ആര്ട്ടിഫിഷ്യല് ഇന്റലിജന്സോടെയുള്ള ടൂറിങ്ങിന്റെ സ്വന്തം സ്വോര്ഡ്ഫിഷ് ഓപ്പറേറ്റിങ് സിസ്റ്റത്തിലാണ് കഡെന്സയുടെ പ്രവര്ത്തനം. ഗ്രാഫേന്, ഹൈഡ്രജന് സെല്ലുകളാല് നിര്മ്മിതമായ കൂറ്റന് 100 ഡബ്ല്യൂ എച്ച് ബാറ്ററിയാണ് ഈ സൂപ്പര് ഫോണിന് കരുത്ത് പകരുന്നത്. വിപണിയിൽ ഈ ഫോണിന് പ്രതീക്ഷിക്കുന്ന വില 62000 രൂപയാണ്.
https://www.facebook.com/Malayalivartha