പുതിയ R15 V3.0 ബൈക്കിനെ ഇന്ത്യയിലെത്തിക്കാനുള്ള ഒരുക്കത്തിലാണ് യമഹ. വരവിന് മുന്നോടിയായി പുതിയ യമഹ R15 V3.0 മോട്ടോര്‍സൈക്കിളിന്റെ ബുക്കിംഗ് ഡീലര്‍ഷിപ്പുകള്‍ ആരംഭിച്ചതായി റിപ്പോര്‍ട്ട്.

ഔദ്യോഗിക വരവിന് മുൻപായി മൂന്നാം തലമുറ R15 V3.0 ബൈക്കിന്‍റെ ചിത്രങ്ങൾ ക്യാമറയിൽ പതിഞ്ഞിരിക്കുകയാണ്. R15 ന്‍റെ അവതരണം ഉടൻ തന്നെയുണ്ടാകുമെന്നാണ് ഈ ചിത്രങ്ങൾ സൂചിപ്പിക്കുന്നത്. 2018 ഫെബ്രുവരി മാസം പുതിയ R15 V3.0 മോട്ടോര്‍സൈക്കിളിനെ യമഹ വിപണിയില്‍ അവതരിപ്പിക്കും.

5,000 രൂപയാണ് യമഹ R15 V3.0 യുടെ ബുക്കിംഗ് തുക. അവതരണത്തിന് പിന്നാലെ മോട്ടോര്‍സൈക്കിളിന്റെ വിതരണം ആരംഭിക്കുമെന്നാണ് സൂചന.

R15 V3.0 ഇന്ത്യൻ പതിപ്പിൽ അപ്സൈഡ് ഡൗൺ ഫോർക്കുകൾ ഉൾപ്പെടുത്തിയിട്ടില്ല എന്നാണ് ചിത്രങ്ങളിൽ നിന്നും വ്യക്തമാകുന്നത്. പകരം നിലവിലുള്ള ടെലിസ്കോപിക് ഫോർക്കുകളാണ് നൽകിയിരിക്കുന്നത്. എബിഎസ് ഫീച്ചറും മോട്ടോര്‍സൈക്കിളില്‍ ഇടംപിടിക്കില്ലെന്നാണ് സൂചന.

IRC ടയറുകളിലാണ് R15 V3.0 യുടെ രാജ്യാന്തര പതിപ്പ് ഒരുങ്ങുന്നത്. എന്നാല്‍ ഇന്ത്യന്‍ വരവില്‍ എംആര്‍എഫ് ടയറുകളായിരിക്കും മോട്ടോർസൈക്കിളിൽ ലഭ്യമാവുക.

ഇന്ത്യൻ മോഡലിൽ സ്ലിപ്പർ ക്ലച്ചിന്‍റെ അഭാവവും ഉണ്ടായേക്കാം. ഏറെ അഗ്രസീവ് ലുക്ക് പകരുന്ന ഡിസൈൻ ശൈലിയാണ് ബൈക്കിൽ പിന്തുടർന്നിരിക്കുന്നത്.

മറ്റൊരു പ്രധാന ഹൈലേറ്റ് എന്നുപറയാൻ പുതിയ 155.1സിസി ലിക്വിഡ് കൂൾഡ് സിങ്കിൾ സിലിണ്ടർ എൻജിനാണ്. 19.04ബിഎച്ച്പിയും 14.7എൻഎം ടോർക്കുമാണ് ഈ എൻജിനുല്പാദിപ്പിക്കുന്നത്. 6 സ്പീഡ് ഗിയർബോക്സും ഇടംതേടിയിട്ടുണ്ട്. 11 ലിറ്ററാണ് R15 V3 യുടെ ഇന്ധനശേഷി. 137 കിലോഗ്രാമാണ് മോട്ടോര്‍സൈക്കിളിന്റെ ഭാരം.

ഏറെ അഗ്രസീവായ ഡിസൈന്‍ ശൈലിയാണ് മോട്ടോര്‍സൈക്കിള്‍ പിന്തുടരുന്നത്. മൂര്‍ച്ചയേറിയ എല്‍ഇഡി ഡ്യൂവല്‍-ഹെഡ്‌ലാമ്പുകള്‍ അഗ്രസീവ് ഡിസൈന്‍ ശൈലിയെ കാര്യമായി സ്വാധീനിക്കുന്നുണ്ട്. ഏതാണ്ട് 1.2 ലക്ഷത്തോളം വരും ഇന്ത്യയിലെ R15 ന്‍റെ വില.