ഇന്ത്യന്‍ വാഹനവിപണിയില്‍ തരംഗമാവാന്‍ പുതിയ ഇ ക്ലാസ് നിരത്തിലെത്തിച്ച് മെഴ്‌സിഡെസ്. കമ്പനിയുടെ പെര്‍ഫോമന്‍സ് ഡിവിഷനായ എ.എം.ജിയുടെ കരുത്തിലാണ് ഇ 63 എസ് 4മാറ്റിക്കാണ് കമ്പനി നിരത്തിലെത്തിക്കുന്നത്. ബെന്‍സിന്റെ ഇ ക്ലാസിലെ ഉയര്‍ന്ന വകഭേദമാണ് പുതിയ മോഡല്‍. കേവലം 3.5 സെക്കന്‍ഡില്‍ 0100 കിലോ മീറ്റര്‍ വേഗത കൈവരിക്കാന്‍ എ.എം.ജി ഇ ക്ലാസിന് കഴിയും. 1.5 കോടിയാണ് ഇന്ത്യയിലെ ഷോറും വില. ബി.എം.ഡബ്‌ളിയു എം.5 ആണ് ഇ ക്ലാസിനോട് നേരിട്ടേറ്റുമുട്ടുന്ന ഒരേയൊരു മോഡല്‍.

സാധാരണ ഇ ക്ലാസുമായി താരത്മ്യം ചെയ്യുമ്പോള്‍ വലിയ മാറ്റങ്ങളൊന്നും എക്‌സറ്റീരിയറില്‍ ഇല്ല. ലളിതമായ കാരക്ടര്‍ ലൈനുകളാണ്. എ.എം.ജി മോഡലുകളില്‍ കാണുന്ന തനത് ഗ്രില്ലാണ്. ഫ്രണ്ട് ബംപറില്‍ ചെറിയ മാറ്റങ്ങളുണ്ട്. വീല്‍ ആര്‍ച്ചുകള്‍ കുറച്ച് കൂടി വലുതായിട്ടുണ്ട്. 20 ഇഞ്ച് അലോയ് വീലുകളാണ് കിടിലന്‍ ലുക്ക് കാറിന് സമ്മാനിക്കുന്നത്. വലിപ്പമേറിയ എയര്‍ ഇന്‍ടേക്കും സ്‌പോര്‍ട്ടി എക്‌സ്‌ഹോസ്റ്റുമാണ് നല്‍കിയിരിക്കുന്നത്.

4.0 ലിറ്റര്‍ ട്വിന്‍ ടര്‍ബോ 8 എന്‍ജിനാണ് പുത്തന്‍ ഇ ക്ലാസിന് കരുത്ത് പകരുന്നത്. 603 ബി.എച്ച്.പി പവറും 850 എന്‍.എം ടോര്‍ക്കും എന്‍ജിന്‍ നല്‍കും. മണിക്കൂറില്‍ 249 കിലോ മീറ്ററാണ് പരമാവധി വേഗത. ഡ്യുവല്‍ ക്ലച്ചോട് കൂടി ഒമ്പത് സ്പീഡ് ട്രാന്‍സ്മിഷനും കാറിലുണ്ട്. എ.എം.ജി പെര്‍ഫോമന്‍സ് വിഭാഗത്തിലുള്ള ആള്‍ വീല്‍ െ്രെഡവ് സിസ്റ്റവും നല്‍കിയിട്ടുണ്ട്.