കൂടുതൽ വേഗതയും മൾട്ടി യൂസർ ലോഗിനുമുള്ള ഫേസ്​ ഐ.ഡിയും മറ്റ്​ അതിനൂതന സംവിധാനങ്ങളുമായി ആപ്പിൾ ഒാപറേറ്റിങ്​ സിസ്റ്റം ഐ.ഒ.എസ്​ 12ാമൻ അവതരിച്ചു. ആപ്പിളി​​ന്റെ 2018 ലെ ‘വേൾഡ്​ വൈഡ്​ ഡെവലപ്പേഴ്​സ്​ കോൺഫറൻസി’ലായിരുന്നു കൂൾ ഫീച്ചറുകളുമായി ​iOS 12ാമനെ പരിചയപ്പെടുത്തിയത്​.

പരിഷ്കരിച്ച ഫേസ്​ ഐ.ഡി

​ആപ്പിളി​ന്റെ നവീകരിച്ച ഐ.ഒ.എസ്​ 11 ഉമായി എത്തിയ സ്​മാർട്ട്​ഫോണായിരുന്നു ഐ.ഫോൺ എക്​സ്​. നോച്ച്​ ഡിസ്​പ്ലേയും മറ്റനേകം ഫീച്ചറുകളും കുത്തിനിറച്ച്​ വന്ന എക്​സിന്​ പക്ഷെ പ്രതീക്ഷിച്ച ആധിപത്യം വിപണിയിൽ നേടാൻ സാധിച്ചില്ല. വീമ്പ്​ പറഞ്ഞ ഫേസ്​ ഐ.ഡി പ്രതീക്ഷക്കൊത്ത്​ ഉയരാത്തതായിരുന്നു കാരണം. വേഗതയില്ല. ഇരുട്ടിൽ പ്രതികരിക്കുന്നില്ല എന്നിങ്ങനെ പരാതി പ്രളയം. ഉപയോഗിച്ചവർ ഫിംഗർ പ്രിൻറില്ലാത്ത എക്​സിനെ പഴി പറയാനും തുടങ്ങി.

എന്നാൽ ആ പ്രശ്​നങ്ങളെല്ലാം പരിഹരിച്ചാണ്​ ​iOS 12ന്റെ വരവ്​. നിലവിൽ ​iOS 12 ബീറ്റാ വേർഷൻ ​ഐഫോൺ എക്​സിൽ ഇൻസ്റ്റാൾ ചെയ്​തവർക്ക്​ ഫേസ്​ ഐ.ഡിയിൽ വന്ന മാറ്റം അനുഭവിച്ചറിയാവുന്നതാണ്​.

പുതിയ ‘ആൾട്ടർനേറ്റ്​ ഇൻ അപ്പിയറൻസ്​’ എന്ന സംവിധാനത്തിലൂടെ നമ്മുടെ വ്യത്യസ്​ത രൂപങ്ങളിൽ നമുക്ക്​ ഫേസ്​ ​ഐ.ഡി രജിസ്റ്റർ ചെയ്യാം. അതോടൊപ്പം മറ്റൊരാളുടെ മുഖം തിരിച്ചറിയാനുള്ള സംവിധാനവും ഉൾപ്പെടുത്തിയിട്ടുണ്ട്​. ഇനി നിങ്ങളോടൊപ്പം നിങ്ങളുടെ സുഹൃത്തി​​​ന്റെ മുഖവും ഐ.ഡിയായി ഉപയോഗിക്കാം എന്നർഥം.

രൂപത്തിനനുസൃതമായ പുതിയ മെമോജി

​iOS 11ലെ അനിമോജികൾ ​ഐഫോൺ ഉപയോക്​താക്കൾക്ക്​ പ്രിയങ്കരമായിരുന്നു. തുടക്കത്തിൽ ഒരു ഡസനോളം അനിമോജികൾ മാത്രമായിരുന്നുവെങ്കിലും പുതിയ അപ്​ഡേഷനുകളിലൂടെ എണ്ണം വർധിപ്പിച്ചു. അനിമോജികളെ മറികടക്കുന്ന പുതിയ സൂത്രമാണ്​ മെമോജികൾ. ഒരോ ഉപഭോക്​താക്കളെയും ലക്ഷ്യം വെച്ചുകൊണ്ട്​ കൂടുതൽ പേഴ്​സണലൈസ്​ഡ്​ ആയ സംവിധാനമാണിത്​.

നമുക്ക്​ നമ്മുടെ രൂപത്തിന്​ അനുസരിച്ച്​ ​മെമോജികൾ ഉണ്ടാക്കാം. സാംസങ്ങി​ലെ എ.ആർ ഇമോജികളോട്​ സാമ്യം തോന്നുമെങ്കിലും ആപ്പിൾ കൂടുതൽ മികച്ച രീതിയിൽ തന്നെയാണ്​ മെമോജികളെ അവതരിപ്പിച്ചിരിക്കുന്നത്​. മുടി, കണ്ണുകൾ, താടി, മീഷ, എന്നുവേണ്ട എല്ലാം മാറ്റം വരുത്തി നമ്മുടെ രൂപത്തിനനുസരിച്ച്​ ക്രമീകരിക്കാം.

കൂടുതൽ മികവുറ്റ സിരി

ഒാരോ അപ്​ഡേഷനിലും ആപ്പിൾ മറക്കാതെ മോഡി കൂട്ടുന്ന സംവിധാനമാണ്​ സിരി ഡിജിറ്റൽ അസിസ്​റ്റൻഡ്​. സിരിയോട്​ സംസാരിച്ച്​ കുഴഞ്ഞവർക്കായി ​iOS 12ാമനിൽ ആപ്പിൾ പുതു ഫീച്ചർ അവതരിപ്പിച്ചിട്ടുണ്ട്​. തുടർച്ചയായി സന്ദേശങ്ങൾ നൽകാതെ തന്നെ കാര്യങ്ങൾ ചെയ്യാനായി സിരിയെ ​പ്രാപ്​തമാക്കിയിരിക്കുകയാണ്​ ​iOS 12ൽ. അതിനായി ‘‘ഷോർട്ട്​കട്ട്​സ്​’ എന്ന പുതിയ ആപ്പ്​ ഉപയോഗിക്കാം. പരിധിയില്ലാതെ നിങ്ങളുടെ ശബ്​ദത്തിൽ സംഭാഷണങ്ങൾ പകർത്താനാകുന്ന സംവിധാനമാണ്​ ഉൾപ്പെടുത്തിയിരിക്കുന്നത്​.

ഉദാഹരണമായി പുതിയ സംവിധാനത്തിലൂടെ നിങ്ങളുടെ ലൊ​ക്കേഷൻ കണ്ടുപിടിച്ച്​​ നിർദേശം നൽകാൻ സിരിക്ക്​ സാധിക്കും. കലണ്ടറിൽ രേഖപ്പെടുത്തിയ മീറ്റിങ്​ വിവരങ്ങൾക്കനുസരിച്ച്​​ സിരി വാണിങ്​ നൽകും. തിയറ്ററിൽ കയറു​മ്പോൾ ‘ഡു നോട്ട്​ ഡിസ്റ്റർബ്​’ മോഡിലേക്ക്​ പോകാനുള്ള നിർദേശം തരും. തുടങ്ങി സിരി സർവ്വ മേഖലകളിലും സഹായവുമായി എത്തും.

ഗ്രൂപ്പ്​ ഫേസ്​ ടൈം

ആപ്പിളിന്റെ സ്വന്തം ഫേസ്​ ടൈമിൽ ഇനി 32 പേർക്ക്​ ഒരുമിച്ച്​ വീഡിയോ കോൾ ചെയ്യാം. എല്ലാവരെയും ഒരുമിച്ച്​ ചേർക്കുന്നതിന്​ പകരം ഒരോരുത്തരും ലഭ്യമാവുന്ന​ നേരത്ത്​ ഫേസ്​ ടൈമിൽ ചേർക്കാൻ പറ്റുന്ന വിധത്തിലാണ്​ ​iOS 12ൽ ഇത്​ സജ്ജീകരിച്ചിരിക്കുന്നത്​. വാട്ട്​സാപ്പ്​ അവരുടെ ഏറ്റവും പുതിയ അപ്​ഡേഷനിൽ ​െഎ.ഒ.എസുകാർക്ക്​ സമാന സംവിധാനം അവതരിപ്പിച്ചിരുന്നു.

എ.ആർ കിറ്റ്​

റിയൽ ആൻഡ്​ ഡിജിറ്റൽ ലോകത്തെ ബന്ധിപ്പിക്കുന്ന പുതിയ സംവിധാനമാണ്​ എ.ആർ കിറ്റ്​. നാം കാമറയിൽ പകർത്തുന്ന ദൃശ്യങ്ങളിലേക്ക്​ 3D യിലുള്ള ജീവികളെയും സാധനങ്ങളെയും നമുക്ക്​ പ്ലേസ്​ ചെയ്യാൻ സാധിക്കും. ഇതിനായി മെഷർ എന്ന ആപ്ലിക്കേഷനും ആപ്പിൾ iOS 12ൽ ഉൾ​​പ്പെടുത്തിയിട്ടുണ്ട്​.

ഫോട്ടോസ്

പകർത്തിയതും പങ്കുവെച്ചതുമായ ചി​ത്രങ്ങൾ ഒരുമിച്ച്​ എളുപ്പത്തിൽ കാണാവുന്ന പുതിയ വിൻഡോ​ ഫോട്ടോസിൽ ഉൾപ്പെടുത്തിയിരിക്കുന്നത്​ ‘ഫോർ യു’ എന്ന പേരിൽ. ഐ ക്ലൗഡ്​ ഉപയോഗിച്ച്​ എളുപ്പത്തിൽ ചിത്രങ്ങൾ ഷെയർ ​െചയ്യാനാവും എന്ന പ്രത്യേകതയുടെ ഇൗ സംവിധാനത്തിനുണ്ട്​. നമ്മുടെ ചിത്രങ്ങളിലുള്ള ആളുകളെയും സാധനങ്ങളെയും തിരിച്ചറിഞ്ഞ്​ വേർതിരിക്കുന്ന സംവിധാനം കൂടുതൽ മെച്ചപ്പെടുത്തിയിട്ടുണ്ട്​.

മെച്ചപ്പെട്ട സുരക്ഷ

iOS 11നെ അപേക്ഷിച്ച്​ കൂടുതൽ മികച്ച സുരക്ഷ പുതിയ ഒാപറേറ്റിങ്​ സിസ്റ്റം പ്രധാനം ചെയ്യുമെന്ന്​ ആപ്പിൾ അവകാശപ്പെടുന്നു. പ്രത്യേകിച്ച്​ സഫാരി ബ്രൗസർ. സോഷ്യൽ മീഡിയയിലൂടെ നമ്മെ കഷ്​ടപ്പെടുത്തുന്ന മീഡിയ ​പ്ലഗിൻസും കുക്കീസ്​ ബേസ്​ഡ്​ ട്രാക്കർമാരും നമ്മുടെ വിവരങ്ങൾ ചോർത്തുന്നതിൽ നിന്നും തടയും. പാസ്​വേർഡുകൾ സുരക്ഷയോടെ സൂക്ഷിക്കുന്നതിന്​ ​ഐഫോണുകളിലും പുത്തൻ സംവിധാനങ്ങൾ വരും.