ഷവോമിയുടെ പുതിയ ഫോണ്‍ റെഡ്​ മീ വൈ 2 ഇന്ത്യന്‍ വിപണിയില്‍. വ്യാഴാഴ്​ച ഡല്‍ഹി നടന്ന ചടങ്ങിലാണ്​ ഫോണ്‍ കമ്പനി പുറത്തിറക്കിയത്​. ചൈനയിലിറക്കിയിയ എസ്​ 2 വി​​ന്റെ ഇന്ത്യന്‍ വകഭേദമാണ്​ വൈ 2. ആര്‍ട്ടിഫിഷ്യല്‍ ഇന്‍റലിജന്‍സ്​ കരുത്തേകുന്ന 16 മെഗാപിക്​സലി​​ന്റെ മുന്‍ ക്യാമറയാണ്​ ഫോണി​​ന്റെ പ്രധാന സവിശേഷത.

രണ്ട്​ വേരിയന്‍റുകളിലാവും ഷവോമിയുടെ പുതിയ ഫോണ്‍ വിപണിയിലെത്തുക. 3 ജി.ബി റാമും 32 ജി.ബി ​സ്​റ്റോറേജുമുള്ള വേരിയന്‍റിന്​ 9,999 രൂപയും 4 ജി.ബി റാമും 64 ജി.ബി ​സ്​റ്റോറേജുമുള്ള വേരിയന്‍റിന്​ 12,999 രൂപയുമായിരിക്കും വില. ഡാര്‍ക്ക്​ ഗ്രേ, ഗോള്‍ഡ്​, റോസ്​ എന്നീ നിറങ്ങളില്‍ ഫോണ്‍ വിപണിയിലെത്തും. ആമസോണ്‍ ഇന്ത്യ, ​എം.ഐ.കോം, എം.ഐ സ്​റ്റോറുകള്‍ എന്നിവ വഴി ജൂണ്‍ 12 മുതല്‍ ഫോണ്‍ വില്‍പ്പനക്കെത്തും.

എം.ഐ.യു.ഐ 9.5 അടിസ്ഥാനമാക്കിയുള്ള ആന്‍ഡ്രോയിഡ്​ 8.1 ഒറിയോയാണ്​ വൈ 2വി​ന്റെ ഒാപ്പറേറ്റിങ്​ സിസ്​റ്റം​. 5.99 ഇഞ്ച്​ എച്ച്‌​.ഡി പ്ലസ്​(720x1440 പിക്​സല്‍) ഡിസ്​പ്ലേയില്‍ 269 പി.പി.ഐയാണ്​ പിക്​സല്‍ ഡെന്‍സിറ്റി. 2 ജിഗാഹെഡ്​സി​ന്റെ സ്​നാപ്​ഡ്രാഗണ്‍ 625 Soc പ്രൊസസറാണ്​ കരുത്ത്​ പകരുന്നത്​.

12, 5 മെഗാപിക്​സലുകളുടെ ഇരട്ട പിന്‍കാമറകളാണ്​ ഉള്ളത്​. 16 മെഗാപികസ്​ലി​​ന്റെ മുന്‍ ക്യാമറയും നല്‍കിയിരിക്കുന്നത്​​. ആര്‍ട്ടിഫിഷ്യല്‍ ഇന്‍റലിജന്‍സ്​ അടിസ്ഥാനമാക്കിയുള്ള ബ്യൂട്ടി 4.0, ഫേസ്​ അണ്‍ലോക്ക്​ എന്നി സംവിധാനങ്ങളും ഫോണില്‍ ഉള്‍പ്പെടുത്തിയിട്ടുണ്ട്​. 3080 എം.എ.എച്ചാണ്​ ബാറ്ററി.

വൈ 2 വിന്​ മുൻപ്​ ഷവോമി നോട്ട്​ 5, നോട്ട്​ 5 പ്രോ എന്നീ മോഡലുകള്‍ വിപണിയിലെത്തിച്ചിരുന്നു. ഇരുമോഡലുകള്‍ക്കും വിപണിയില്‍ മികച്ച പ്രതികരണമാണ്​ ലഭിക്കുന്നത്​. ഫ്ലാഷ്​ സെയിലുകളിലെല്ലാം ചൂടപ്പം പോലെയാണ്​ വിറ്റഴിയുന്നത്​.