പ്രിലിമിനറി, മെയിന്‍ പരീക്ഷ, എഴുത്തുപരീക്ഷ, ഇന്റര്‍വ്യു എന്നിവ അഭിമുഖീകരിക്കണം. പ്രിലിമിനറി പരീക്ഷ ജൂണ്‍ അഞ്ചിന് ദേശീയതലത്തില്‍ നടത്തും. സിവില്‍ സര്‍വ്വീസസ് പ്രിലിമിനറി തന്നെയാണ് ഫോറസ്റ്റ് സര്‍വ്വീസിനുമുള്ളത്. ഇന്ത്യന്‍ ഫോറസറ്റ് സര്‍വ്വീസ് വിജ്ഞാപനം ഡൗണ്‍ലോഡ് ചെയ്ത് നിര്‍ദ്ദേശാനുസരണം പ്രിലിമിനറി പരീക്ഷക്ക് ഇപ്പോള്‍ (http://ifs.nic.in/) അപേക്ഷിക്കാം.

ഫീസ് 100 രൂപയാണ്.

വനിതകള്‍ക്കും എസ്‌സി/എസ്ടി/പിഡബ്ല്യുബിഡി വിഭാഗങ്ങള്‍ക്കും ഫീസില്ല. എസ്ബിഐയുടെ വിസ/മാസ്റ്റര്‍/റുപേ/ ക്രഡിറ്റ്/ഡബിറ്റ് കാര്‍ഡ് അല്ലെങ്കില്‍ നെറ്റ് ബാങ്കിങ് വഴി ഫീസ് അടക്കാം.അനിമല്‍ ഹസ്ബന്‍ഡറി ആന്റ് വെറ്ററിനറി സയന്‍സ്, ബോട്ടണി, കെമിസ്ട്രി, ജിയോളജി, മാത്തമാറ്റിക്‌സ്, ഫിസിക്‌സ്, സ്റ്റാറ്റിസ്റ്റിക്‌സ്, സുവോളജി, അഗ്രികള്‍ച്ചര്‍, ഫോറസ്ട്രി, എന്‍ജിനീയറിങ്/ടെക്‌നോളജി വിഷയങ്ങളിലൊന്നില്‍ അംഗീകൃത ബാച്ചിലേഴ്‌സ് ബിരുദമുണ്ടാകണം...

ഫൈനല്‍ യോഗ്യതാ പരീക്ഷയെഴുതുന്നവര്‍ക്കും വ്യവസ്ഥകള്‍ക്ക് വിധേയമായി അപേക്ഷിക്കാം. ഫോറസ്റ്റ് സര്‍വീസ് മെയിന്‍ പരീക്ഷക്ക് മുമ്പ് യോഗ്യതാ സര്‍ട്ടിഫിക്കറ്റ് ഹാജരാക്കിയാല്‍ മതി. പ്രായപരിധി 2022 ഓഗസ്റ്റ് ഒന്നിന് 21-32 വയസ് ആകണം.എസ്‌സി/എസ്ടി/പിഡബ്ല്യുബിഡി/വിമുക്തഭടന്മാര്‍ മുതലായ സംവരണവിഭാഗങ്ങള്‍ക്ക് ചട്ടപ്രകാരം പ്രായപരിധിയില്‍ ഇളവ് ലഭിക്കും. മെഡിക്കല്‍, ഫിസിക്കല്‍ ഫിറ്റ്‌നസ് ഉണ്ടായിരിക്കണം. പരീക്ഷ: പ്രിലിമിനറിയില്‍ യോഗ്യത നേടുന്നവര്‍ക്ക് മെയിന്‍ പരീക്ഷയെഴുതാം. മെയിന്‍ എഴുത്തുപരീക്ഷയില്‍ ആറ് പേപ്പറുകളുണ്ടാവും.

പേപ്പര്‍-1 ജനറല്‍ ഇംഗ്ലീഷ്, 300 മാര്‍ക്ക്, പേപ്പര്‍-2 പൊതുവിജ്ഞാനം- 300 മാര്‍ക്ക്, പേപ്പര്‍ 3-4 തെരഞ്ഞെടുത്ത ഓപ്ഷണല്‍ വിഷയങ്ങളെ ആസ്പദമാക്കിയുള്ള ചോദ്യങ്ങള്‍, ഓരോ പേപ്പറിനും 200 മാര്‍ക്ക് വീതം. ലഭ്യമായ 16 ഓപ്ഷണല്‍ വിഷയങ്ങളില്‍നിന്നും രണ്ടെണ്ണം തെരഞ്ഞെടുക്കാം.

ഇന്റര്‍വ്യു/പേഴ്‌സണാലിറ്റി ടെസ്റ്റ്-300 മാര്‍ക്ക്. പരീക്ഷയുടെ വിശദാംശങ്ങളും സെലക്ഷന്‍ നടപടികളും വിജ്ഞാപനത്തിലുണ്ട്. ഇന്ത്യന്‍ ഫോറസ്റ്റ് സര്‍വ്വീസില്‍ നിലവില്‍ 151 ഒഴിവുകളാണ് റിപ്പോര്‍ട്ട് ചെയ്തിട്ടുള്ളത്.