വിപ്രോ മുതല് ഓയില് ആന്ഡ് നാച്ചുറല് ഗ്യാസ് കോര്പ്പറേഷന് ലിമിറ്റഡ് വരെയുള്ള വിവിധ സ്ഥാപനങ്ങൾ ജോലി തേടുന്നവർക്കായി സുവർണ അവസരങ്ങള് !ഒരോ ജോലിയ്ക്കും വ്യത്യസ്തമായ വിദ്യാഭ്യാസ യോഗ്യത; ഇപ്പോൾ തന്നെ അപേക്ഷിക്കാം
സുവർണ അവസരം വിവിധ സ്ഥാപനങ്ങളിൽ ജോലി സാധ്യത.കാബിനറ്റ് സെക്രട്ടേറിയറ്റില് ട്രെയിനി പൈലറ്റിന്റെ ആറ് തസ്തികകളിലേക്ക് ഇന്ത്യന് സര്ക്കാര് നിയമനം നടത്തുന്നു.
20 നും 30 നും ഇടയില് പ്രായമുള്ള ഡിജിസിഎയില് നിന്ന് കൊമേഴ്സ്യല് പൈലറ്റ് ലൈസന്സോ ഹെലികോപ്റ്റര് പൈലറ്റ് കൊമേഴ്സ്യല് ലൈസന്സോ ഉള്ള ഉദ്യോഗാര്ത്ഥികള്ക്ക് ഈ തസ്തികയിലേക്ക് അപേക്ഷിക്കാം.
ഓഫ്ലൈന് മോഡിലൂടെ മാത്രമേ അപേക്ഷകള് സ്വീകരിക്കുകയുള്ളൂ. അപേക്ഷകര്ക്ക് davp.nic.in എന്ന വെബ്സൈറ്റിൽ നിന്ന് ഫോമുകള് ഡൗണ്ലോഡ് ചെയ്യാം. തിരഞ്ഞെടുക്കപ്പെട്ട ഉദ്യോഗാര്ത്ഥികള്ക്ക് എല്ലാ മാസവും 56,100 രൂപയും 2016 ലെ CCS നിയമങ്ങള് അനുസരിച്ചുള്ള അലവന്സുകളും ലഭിക്കും.കൂടാതെ വിപ്രോയിൽ
ഗ്രാജ്വേറ്റ് എന്ജിനീയര് ട്രെയിനി, സര്വീസ് ഡെസ്ക് അനലിസ്റ്റ്, ഡെവലപ്പര് എന്നീ തസ്തികകളിലേക്ക് വിപ്രോ അപേക്ഷ ക്ഷണിച്ചു. കമ്പനി പുറപ്പെടുവിച്ച വിജ്ഞാപനത്തില് ജോലിക്കായി അപേക്ഷിക്കാനുള്ള അവസാന തീയതി പരാമർശിച്ചിട്ടില്ല.
അതിനാല്, ഉദ്യോഗാര്ത്ഥികള് എത്രയും വേഗം അപേക്ഷിക്കുന്നതാണ് അഭികാമ്യം. ഗ്രാജ്വേറ്റ് എഞ്ചിനീയര് ട്രെയിനി തസ്തികയിലേക്ക് അപേക്ഷിക്കുന്ന ഒരാള്ക്ക് എഞ്ചിനീയറിംഗ് ബിരുദം ഉണ്ടായിരിക്കണം. ഏത് ബിരുദധാരിക്കും സര്വീസ് ഡെസ്ക് അനലിസ്റ്റ് തസ്തികയിലേക്ക് അപേക്ഷിക്കാം, ഡെവലപ്പര് തസ്തികയിലേക്ക് കമ്പ്യൂട്ടര് സയന്സോ അനുബന്ധ ബിരുദമോ ഉള്ള ആളുകള്ക്ക് മാത്രമേ അപേക്ഷിക്കാന് അര്ഹതയുള്ളൂ.
എന്ടിപിസി 55 തസ്തികകളിലേക്ക് അപേക്ഷ ക്ഷണിച്ചു. കമ്പൈന്ഡ് സൈക്കിള് പവര് പ്ലാന്റ്-ഒ ആന്ഡ് എം എക്സിക്യൂട്ടീവ് തസ്തികയിലേക്ക് 50ഉം ഓപ്പറേഷന്സ്-പവര് ട്രേഡിംഗ് എക്സിക്യൂട്ടീവ് തസ്തികയിലേക്ക് 4ഉം, ബിസിനസ് ഡെവലപ്മെന്റ്-പവര് ട്രേഡിംഗ് എക്സിക്യൂട്ടീവ് തസ്തികയിലേക്ക് ഒന്നും ഒഴിവുകളാണ് ഉള്ളത്.
അപേക്ഷിക്കുന്ന ഉദ്യോഗാര്ത്ഥികള് 35 വയസ്സിന് താഴെ പ്രായമുള്ളവരായിരിക്കണം. മേൽപ്പറഞ്ഞ തസ്തികകളിലേക്ക് തിരഞ്ഞെടുക്കപ്പെട്ടാല് ഉദ്യോഗാര്ത്ഥികള്ക്ക് പ്രതിമാസം 90,000 രൂപ ശമ്പളം ലഭിക്കും.
https://www.facebook.com/Malayalivartha