കേരള പോസ്റ്റല് സര്ക്കിളില് 2203 ഒഴിവ്: ഓണ്ലൈന് അപേക്ഷ ജൂണ് അഞ്ചിനകം,നിയമനം കരാര് അടിസ്ഥാനത്തിൽ
കേരള പോസ്റ്റല് സര്ക്കിളില് ആര്.എം.എസ് ഉള്പ്പെടെ വിവിധ ഡിവിഷനുകളിലേക്ക് ബ്രാഞ്ച് പോസ്റ്റ്മാസ്റ്റര്മാരെയും , അസിസ്റ്റന്റ് ബ്രാഞ്ച് പോസ്റ്റ്മാസ്റ്റര്മാരെയും.
ഗ്രാമീണ് ഡാക് സേവകരെയും തെരഞ്ഞെടുക്കുന്നു. കരാര് അടിസ്ഥാനത്തിലാണ് നിയമനം. 2203 ഒഴിവുകളാണുള്ളത്. പത്താംക്ളാസ്സ്/ തത്തുല്യം ആണ് യോഗ്യത. വിജ്ഞാപനം https://indiapostgdsonline.gov.in എന്ന വെബ്സൈറ്റില് ലഭ്യമാണ്.
അപേക്ഷകര് 10ാം ക്ലാസുവരെയെങ്കിലും പ്രാദേശിക/മലയാളഭാഷ പഠിച്ചിരിക്കണം. സൈക്കിള്/മോട്ടോര് സൈക്കിള്/സ്കൂട്ടര് സവാരി അറിഞ്ഞിരിക്കണം. പ്രായപരിധി 18-40. സംവരണ വിഭാഗങ്ങള്ക്ക് ചട്ടപ്രകാരം പ്രായപരിധിയില് ഇളവുണ്ട്. അപേക്ഷ ഫീസ് 100 രൂപ. പട്ടികജാതി/വര്ഗം, ഭിന്നശേഷിക്കാര്, വനിതകള് എന്നീ വിഭാഗങ്ങളില്പെടുന്നവര്ക്ക് ഫീസില്ല. ക്രെഡിറ്റ്/ഡെബിറ്റ് കാര്ഡ്, നെറ്റ് ബാങ്കിങ് മുഖാന്തരം ഓണ്ലൈനായി ഫീസ് അടക്കാം.കൂടാതെ സൈനിക ക്ഷേമ വകുപ്പിന്റെ കീഴിലുള്ള കെക്സ്കോണിന്റെ തിരുവനന്തപുരത്തെ ഓഫീസില് ഒരു ക്ലാര്ക്കിന്റെ താത്കാലിക ഒഴിവുണ്ട്.
50 വയസില് കവിയാത്തവരും (01 മെയ് 2022 ന് ) ആര്മി / നേവി / എയര്ഫോഴ്സ് ഇവയിലെതെങ്കിലും കുറഞ്ഞത് 15 വര്ഷത്തെ ക്ലറിക്കല്, കമ്ബ്യൂട്ടര് പരിജ്ഞാനം എന്നിവയുമുള്ളവര്ക്ക് അപേക്ഷിക്കാം. നിയമനം എഴുത്തു പരീക്ഷയുടെയും കൂടിക്കാഴ്ചയുടെയും അടിസ്ഥാനത്തിലായിരിക്കും.
വെള്ളക്കടലാസില് തയാറാക്കിയ അപേക്ഷകള് മേല്വിലാസം, ഫോണ് നമ്ബര്, ഇ-മെയില്, യോഗ്യത തെളിയിക്കുന്ന പ്രവൃത്തിപരിചയ സര്ട്ടിഫിക്കറ്റുകളുടെ പകര്പ്പുകള് സഹിതം ഡയറക്ടര്, സൈനിക് വെല്ഫയര്, കേരള സ്റ്റേറ്റ് എക്സ് സര്വീസ്മെന് കോര്പ്പറേഷന്, ടി.സി - 25/838, അമൃത ഹോട്ടലിന് എതിര്വശം, തൈക്കാട്, തിരുവനന്തപുരം എന്ന വിലാസത്തില് 15 ന് വൈകിട്ട് 5 നകം തപാലിലോ kex_con @yahoo.co.in ലോ ലഭിക്കണം. ഫോണ്: 0471 2320771/2320771.
പ്രോജക്ട് എന്ജിനിയര് ഒഴിവ്
സംസ്ഥാനത്തെ ഒരു അര്ധ സര്ക്കാര് സ്ഥാപനത്തില് ഒരു പ്രോജക്ടുമായി ബന്ധപ്പെട്ട് പ്രോജക്ട് എന്ജിനിയര് തസ്തികയില് എസ്.സി വിഭാഗത്തില്പ്പെട്ടവര്ക്കായി സംവരണം ചെയ്തിട്ടുള്ള ഒരു താത്കാലിക ഒഴിവുണ്ട്. 01-01-2022 ന് 46 വയസു കവിയാന് പാടില്ല(നിയമാനുസൃത വയസിളവ് സഹിതം). 35000 രൂപയാണ് പ്രതിഫലം. എം.ടെക് -ഇലക്ട്രോണിക്സ് ആന്ഡ് കമ്മ്യൂണിക്കേഷന്/എം.ടെക്-ഇലക്ട്രിക്കല് എന്ജിനിയറിംഗ്/എം.ടെക്-അപ്ലൈഡ് ഇലക്ട്രോണിക്സ് ആന്ഡ് ഇന്സ്ട്രുമെന്റേഷന് ആണ് യോഗ്യത. പുന:സ്ഥാപിക്കാന് കഴിയുന്ന ഊര്ജ്ജവുമായി ബന്ധപ്പെട്ട മേഖലയിലെ രണ്ട് വര്ഷത്തില് കുറയാത്ത പ്രവര്ത്തി പരിചയം വേണം.
ഉദ്യോഗാര്ഥികള് പ്രായം, വിദ്യാഭ്യാസ യോഗ്യത എന്നിവ തെളിയിക്കുന്നതിനുള്ള അസ്സല് സര്ട്ടിഫിക്കറ്റുകളുമായി 13 നകം ബന്ധപ്പെട്ട പ്രൊഫഷണല് ആന്ഡ് എക്സിക്യൂട്ടീവ് എംപ്ലോയ്മെന്റ് എക്സ്ചേഞ്ചില് നേരിട്ട് ഹാജരാകണം. നിലവില് ജോലി ചെയ്യുന്നവര് ബന്ധപ്പെട്ട മേധാവിയില് നിന്നുള്ള എന്.ഒ.സി ഹാജരാക്കണം.
ബീറ്റ് ഫോറസ്റ്റ് ഓഫീസര് അപേക്ഷ ക്ഷണിച്ചു
വനം വന്യജീവി വകുപ്പിലെ ബീറ്റ് ഫോറെസ്റ്റ് ഓഫീസര് തസ്തികയിലേക്ക് പട്ടിക വര്ഗ്ഗ ഉദ്യോഗാര്ത്ഥികളില് നിന്ന് പി. എസ്്.സി അപേക്ഷ ക്ഷണിച്ചു. കാറ്റഗറി നമ്ബര് 92/2022(പാര്ട്ട് -1, 60%പൊതു വിഭാഗം )93/2022 (പാര്ട്ട് -2 40% ഒഴിവിലേക്ക് വനം വകുപ്പില് ദിവസ വേതനാടിസ്ഥാനത്തില് ജോലി ചെയ്യുന്ന താത്ക്കാലിക ജീവനക്കാര്ക്കായി സംവരണം ചെയ്തത്). ഓരോ ജില്ലയിലേക്കും അതതു ജില്ലയില്നിന്നുള്ള ഉദ്യോഗാര്ത്ഥികളെ മാത്രമേ പരിഗണിക്കുകയുള്ളൂ.മെയ് 18 നകം അപേക്ഷ സമര്പ്പിച്ച എല്ലാ ഉദ്യോഗാര്ത്ഥികളും സര്ട്ടിഫിക്കറ്റുകള് പി. എസ്്.സി പ്രൊഫൈലില് അപ്ലോഡ് ചെയ്യേണ്ടതാണെന്നു ജില്ലാ ഓഫീസര് അറിയിച്ചു.
https://www.facebook.com/Malayalivartha