ഹ്രസ്വകാല സൈനിക സേവനത്തിന് താൽപര്യമുള്ള യുവാക്കൾക്ക് അഗ്നിപഥ് റിക്രൂട്ട്മെന്റ് റാലിയിൽ പങ്കെടുക്കാൻ അവസരം
അഗ്നിപഥ് റിക്രൂട്ട്മെന്റ് റാലിയിൽ പങ്കെടുക്കാൻ യുവാക്കൾക്ക് അവസരം. ഹ്രസ്വകാല സൈനിക സേവനത്തിന് താൽപര്യമുള്ളവർക്കുവേണ്ടി നടത്തുന്ന അഗ്നിപഥ് റിക്രൂട്ട്മെന്റ് റാലി കേരളത്തിൽ നടത്തുന്നു. നവംബർ 15 മുതൽ 30 വരെ കൊല്ലം ലാൽ ബഹദൂർ ശാസ്ത്രി സ്റ്റേഡിയത്തിൽ വച്ച് റിക്രൂട്ട്മെന്റ് റാലി നടത്തും.
ഇതിനായുള്ള ഓൺലെെൻ രജിസ്ട്രേഷൻ ഓഗസ്റ്റ് ഒന്നിന് തുടങ്ങും. ഓഗസ്റ്റ് 30 വരെ ഉദ്യോഗാർത്ഥികൾക്ക് അപേക്ഷിക്കാം. www.joinindianarmy.nic.in എന്ന വെബ്സൈറ്റിലൂടെയാണ് അപേക്ഷിക്കേണ്ടത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നീ ജില്ലകളിൽ നിന്നുള്ള യുവാക്കൾക്കാണ് അവസരം.
അഗ്നിവീർ ട്രേഡ്സ്മെൻ, അഗ്നിവീർ ടെക്നിക്കൽ, അഗ്നിവീർ ജനറൽ ഡ്യൂട്ടി, എന്നീ വിഭാഗങ്ങളിൽ അപേക്ഷിക്കുന്നവർ പത്താം ക്ലാസ്സ് പാസായിരിക്കണം. അഗ്നിവീർ കാറ്റഗറിയിലേക്ക് അപേക്ഷിക്കാൻ എട്ടാം ക്ലാസ്സാണ് യോഗ്യത. അഗ്നിവീർ ക്ലർക്ക്/സ്റ്റോർ കീപ്പർ ടെക്നിക്കൽ എന്നീ വിഭാഗങ്ങൾ സേനയിൽ എൻറോൾ ചെയ്യുന്നതിനാണ് കൊല്ലത്ത് റാലി സംഘടിപ്പിക്കുന്നത്.
രജിസ്റ്റർ ചെയ്ത ഉദ്യോഗാർഥികളുടെ അഡ്മിറ്റ് കാർഡുകൾ 2022 നവംബർ ഒന്ന് മുതൽ 10 വരെ അപേക്ഷകരുടെ ഇമെയിലിലേക്ക് അയക്കും.
https://www.facebook.com/Malayalivartha