സ്പെഷൽ എജ്യുക്കേഷനിൽ ബിഎഡ് ഉണ്ടായിട്ടും നിങ്ങൾ ജോലി തേടി വലയുന്നുണ്ടോ? എങ്കിൽ ഇതാ നിങ്ങൾക്കൊരു സുവർണ്ണാവസരം... അഞ്ഞൂറിലേറെ തൊഴിൽ അവസരങ്ങളുമായി ഡൽഹി സർക്കാർ...
ഡൽഹി സബോർഡിനേറ്റ് സർവീസസ് സിലക്ഷൻ ബോർഡിന്റെ വിവിധ തസ്തികകളിലേക്ക് അപേക്ഷകൾ ക്ഷണിക്കുന്നു. ആകെയുള്ള ഒഴിവുകൾ 547 ആണ്. അപേക്ഷിക്കേണ്ട അവസാന തീയതി ഓഗസ്റ്റ് 27 ആണ്. ഡൽഹി സർക്കാർ വകുപ്പുകളിലാണ് അവസരം.
364 ഒഴിവുമായി ട്രെയിൻഡ് ഗ്രാജ്വേറ്റ് ടീച്ചർ–സ്പെഷൽ എജ്യുക്കേഷൻ ടീച്ചർ.അതിനായുള്ള വിദ്യാഭ്യാസ യോഗ്യത ഏതൊക്കെയെന്നാൽ ബിരുദം, ബിഎഡ് (സ്പെഷൽ എജ്യുക്കേഷൻ) അല്ലെങ്കിൽ ബിഎഡ്, സ്പെഷൽ എജ്യുക്കേഷനിൽ 2 വർഷ ഡിപ്ലോമ അല്ലെങ്കിൽ സ്പെഷൽ എജ്യുക്കേഷനിൽ പിജി പ്രൊഫഷണൽ ഡിപ്ലോമ അല്ലെങ്കിൽ റീഹാബിലിറ്റേഷൻ കൗൺസിൽ ഒാഫ് ഇന്ത്യ അംഗീകരിച്ച തത്തുല്യ യോഗ്യത. അപേക്ഷകരുടെ പ്രായം 30 കവിയരുത്. ശമ്പളം 9,300–34,800+ഗ്രേഡ് പേ 4600.
54 ഒഴിവുമായി എജ്യുക്കേഷനൽ & വൊക്കേഷനൽ ഗൈഡൻസ് കൗൺസലർ. അതിനായുള്ള വിദ്യാഭ്യാസ യോഗ്യത ഏതൊക്കെയെന്നാൽ സൈക്കോളജിയിൽ പിജി, ഗൈഡൻസ് & കൗൺസലിങ്ങിൽ ഡിപ്ലോമ എന്നിവയാണ്. പ്രായം 30 കവിയരുത്. ശമ്പളം 9,300–34,800+ഗ്രേഡ് പേ 4800.
27 ഒഴിവുമായി പിജിടി–ഇംഗ്ലിഷ് അതിനായുള്ള വിദ്യാഭ്യാസ യോഗ്യത ഏതൊക്കെയെന്നാൽ ഇംഗ്ലിഷിൽ പിജി, ട്രെയിനിങ്/എജ്യുക്കേഷനിൽ ബിരുദം/ഡിപ്ലോമ (അർഹർക്ക് ഇളവ്). ശമ്പളം 9,300–34,800+ഗ്രേഡ് പേ 4800.
100 രൂപയാണ് അപേക്ഷ ഫീസ്. പട്ടികവിഭാഗം, ഭിന്നശേഷിക്കാർ, വിമുക്തഭടൻ, സ്ത്രീകൾക്കു ഫീസില്ല. ഡൽഹിയിൽ നടത്തുന്ന കംപ്യൂട്ടർ അധിഷ്ഠിത പരീക്ഷ, സ്കിൽ ടെസ്റ്റ് / ശാരീരികക്ഷമതാ പരീക്ഷ / ഡ്രൈവിങ് ടെസ്റ്റ് (ബാധകമായവർ) എന്നിവ മുഖേനയാണ് തിരഞ്ഞെടുപ്പ് നടത്തുന്നത്. കൂടുതൽ വിവരങ്ങൾക്കായി https://dsssb.delhi.gov.in എന്ന വെബ്സൈറ്റ് സന്ദർശിക്കുക.
https://www.facebook.com/Malayalivartha