ഹിന്ദിയിലും ഇംഗ്ലീഷിലും മികച്ച പരിജ്ഞാനമുള്ളവരാണോ നിങ്ങൾ? എങ്കിൽ ആകർഷകമായ ശമ്പളത്തോടുകൂടി കേന്ദ്ര സർവീസിൽ ട്രാൻസ്ലേറ്ററാകാം..
കേന്ദ്ര സർക്കാരിൽ ജൂനിയർ ഹിന്ദി ട്രാൻസ്ലേറ്റർ, ജൂനിയർ ട്രാൻസ്ലേറ്റർ, സീനിയർ ഹിന്ദി ട്രാൻസ്ലേറ്റർ (ഗ്രൂപ്പ് ബി, നോൺ ഗസറ്റഡ്) തസ്തികകളിലേക്ക് എസ്എസ്സി അപേക്ഷകൾ ക്ഷണിച്ചു. രണ്ടു ഘട്ടങ്ങളായിട്ടാണ് പരീക്ഷകൾ നടത്തുന്നത്. ഒന്നാംഘട്ട പരീക്ഷ കംപ്യൂട്ടർ അധിഷ്ഠിതമായിട്ടാണ്. രണ്ടാംഘട്ടമായി വിവരണാത്മക പരീക്ഷയുമുണ്ട്. ഒക്ടോബർ മാസത്തിലാണ് പരീക്ഷ നടക്കുന്നത്.കോഴിക്കോട്ടും തിരുവനന്തപുരത്തും കേന്ദ്രമുണ്ട്. കൂടുതൽ വിശദശാംശങ്ങൾക്കായി www.ssckkr.kar.nic.in എന്ന വെബ്സൈറ്റ് സന്ദർശിക്കുക. അപേക്ഷിക്കാനുള്ള അവസാന തീയതി ഓഗസ്റ്റ് 4. ആദ്യം www.ssc.nic.in വഴി ഒറ്റത്തവണ റജിസ്ട്രേഷൻ പൂർത്തിയാക്കിയശേഷം അപേക്ഷിക്കുക.
അപേക്ഷകരുടെ വിദ്യാഭ്യാസ യോഗ്യത ഇനി പറയുന്നു: ഇംഗ്ലിഷ്/ഹിന്ദി എംഎ. ഡിഗ്രിക്ക് ഇംഗ്ലിഷ്/ഹിന്ദി കംപൽസറി/ ഇലക്ടീവ് വിഷയമോ പരീക്ഷാ മാധ്യമമോ ആയിരിക്കണം. . മറ്റു പിജിയുള്ളവർക്കു ഡിഗ്രിക്ക് ഇംഗ്ലിഷ്/ഹിന്ദി മാധ്യമമോ കംപൽസറി/ഇലക്ടീവ് വിഷയമോ പരീക്ഷാ മാധ്യമമോ ആയിരിക്കണം. ട്രാൻസ്ലേഷൻ ഡിപ്ലോമ / സർട്ടിഫിക്കറ്റ് കോഴ്സ് (ഇംഗ്ലിഷിൽനിന്നു ഹിന്ദിയിലേക്കും തിരിച്ചും). അല്ലെങ്കിൽ സർക്കാർ, പൊതുമേഖലാ സ്ഥാപനങ്ങളിൽ ട്രാൻസ്ലേഷൻ ജോലികളിൽ (മേൽപറഞ്ഞ രീതിയിൽ) സീനിയർ ഹിന്ദി ട്രാൻസ്ലേറ്റർക്കു 3 വർഷവും ജൂനിയർ ട്രാൻസ്ലേറ്റർക്കു 2 വർഷവും പരിചയം ഉണ്ടായിരിക്കണം.
അപേക്ഷകരുടെ പ്രായപരിധി 18–30 വരെയാണ്. ജൂനിയർ ഹിന്ദി ട്രാൻസ്ലേറ്റർ, ജൂനിയർ ട്രാൻസ്ലേറ്റർക്ക് ശമ്പളം 35,400–1,12,400 രൂപ വരെയാണ്. സീനിയർ ഹിന്ദി ട്രാൻസ്ലേറ്റർക്ക് 44900–1,42,400 രൂപയുമാണ് ശമ്പളം. 100 രൂപയാണ് അപേക്ഷ ഫീസ്. വനിതാ / എസ്സി /എസ്ടി / ഭിന്നശേഷി / വിമുക്തഭട അപേക്ഷകർക്കു ഫീസില്ല.
https://www.facebook.com/Malayalivartha