ഐടിഐ കഴിഞ്ഞവർക്ക് തൊഴിൽ അവസരങ്ങളുമായി രാജാ രാമണ്ണ സെന്റർ ഫോര് അഡ്വാൻസ്ഡ് ടെക്നോളജി.. ട്രേഡ് അപ്രന്റിസിന് നൂറിലേറെ ഒഴിവുകൾ.. ആരും അവസരങ്ങൾ പാഴാക്കരുതേ...
ആണവോർജ വകുപ്പിനു കീഴിലെ മധ്യപ്രദേശ് രാജാ രാമണ്ണ സെന്റർ ഫോര് അഡ്വാൻസ്ഡ് ടെക്നോളജിയിൽ ട്രേഡ് അപ്രന്റിസ് ഒഴിവുകൾ. 113 ഒഴിവുകളാണ് ആകെയുള്ളത്. ഒരു വർഷ പരിശീലനം അവർ തന്നെ തരുന്നു.
ഓൺലൈനായി അപേക്ഷിക്കേണ്ട അവസ്സാന തീയതി ഓഗസ്റ്റ് 17.
വെൽഡർ (ഗ്യാസ് & ഇലക്ട്രിക്), ഫിറ്റർ, മെഷിനിസ്റ്റ്, ടേണർ, ഡ്രാഫ്റ്റ്സ്മാൻ (മെക്കാനിക്കൽ), മെക്കാനിക് റഫ്രിജറേഷൻ & എസി, ഇലക്ട്രിഷ്യൻ, ഇലക്ട്രോണിക്സ് മെക്കാനിക്/ ഇൻസ്ട്രുമെന്റ് മെക്കാനിക്/ മെക്കാനിക് കൺസ്യൂമർ ഇലക്ട്രോണിക്സ്/ മെക്കാനിക് ഇൻഡസ്ട്രിയൽ ഇലക്ട്രോണിക്സ്/മെക്കാനിക് പവർ ഇലക്ട്രോണിക്സ്, ഇലക്ട്രോപ്ലേറ്റർ, സിഒപിഎ, പ്ലമർ, സർവേയർ, മേസൺ, കാർപെന്റർ, സെക്രട്ടേറിയൽ അസിസ്റ്റന്റ്, ഡ്രാഫ്റ്റ്സ്മാൻ (സിവിൽ), ഡേറ്റ എൻട്രി ഒാപ്പറേറ്റർ, ഡ്രൈവർ കം മെക്കാനിക് (ലൈറ്റ് മോട്ടർ വെഹിക്കിൾ), പമ്പ് ഓപ്പറേറ്റർ കം മെക്കാനിക് എന്നീ വിവിധ ട്രേഡുകളിലേക്കാണ് അപേക്ഷകൾ ക്ഷണിച്ചിരിക്കുന്നത്.
ബന്ധപ്പെട്ട ട്രേഡുകളിൽ ഐടിഐ ജയമാണ് വിദ്യാഭ്യാസ യോഗ്യത. പ്രായപരിധി 18-22 വരെ. 11,600 രൂപയാണ് സ്റ്റൈപൻഡ് ആയി ലഭിക്കുന്നത്. കൂടുതൽ വിവരങ്ങൾക്ക് www.rrcat.gov.in എന്ന വെബ്സൈറ്റ് സന്ദർശിക്കുക .
https://www.facebook.com/Malayalivartha