കോളേജുകളിൽ ശാസ്ത്ര വിഷയങ്ങളിൽ അസിസ്റ്റന്റ് പ്രഫസർ ജോലിക്കും യോഗ്യത നൽകുന്ന യുജിസി നാഷനൽ എലിജിബിലിറ്റി ടെസ്റ്റിന് വിജ്ഞാപനം.. ഉടനെ അപേക്ഷിക്കു....
കോളജുകളിലും ജൂനിയർ റിസർച് ഫെലോഷിപ്പിനും സർവകലാശാലകളിലും അസിസ്റ്റന്റ് പ്രഫസർ ജോലിക്കും യോഗ്യത നൽകുന്ന സിഎസ്ഐആർ – യുജിസി നാഷനൽ എലിജിബിലിറ്റി ടെസ്റ്റിന് വിജ്ഞാപനമായി. ഓൺലൈനിൽ അപേക്ഷിക്കേണ്ട അവസ്സാന തീയതി ഓഗസ്റ്റ് 10.
അറ്റ്മോസ്ഫെറിക്/ കെമിക്കൽ, എർത്ത്/ ഓഷൻ & പ്ലാനറ്ററി, ലൈഫ്, മാത്തമാറ്റിക്കൽ, ഫിസിക്കൽ എന്നിങ്ങനെ 5 ശാസ്ത്ര ശാഖകളിലാണു നാഷനൽ ടെസ്റ്റിങ് ഏജൻസി നെറ്റ് പരീക്ഷ നടത്തുക. ജെആർഎഫിനും ലക്ചർഷിപ്പിനും കൂടിയോ ലക്ചർഷിപ്പിനു മാത്രമായോ അപേക്ഷിക്കാം. മൂന്നു മണിക്കൂർ ദൈർഘ്യമുളള ഒറ്റ എംസിക്യു ടെസ്റ്റ് പേപ്പറാണ് ഉണ്ടാവുക. പരീക്ഷാത്തീയതി പിന്നെയാണ് അറിയിക്കുന്നത്.
മേൽപ്പറഞ്ഞ വിഷയങ്ങളിൽ 55 % മാർക്കോടെ നാലു വർഷ ബിഎസ് പ്രോഗ്രാം/ ബിഇ/ ബിടെക്/ ബിഫാർമ/ എംബിബിഎസ്/ ഇന്റഗ്രേറ്റഡ് ബിഎസ്– എംസ്/ എംഎസ്സി /തത്തുല്യം (പട്ടികവിഭാഗം/ ട്രാൻസ്ജെൻഡർ/ അംഗപരിമിതർക്ക് 50 % മാർക്ക്) എന്നതാണ് വിദ്യാഭ്യാസ യോഗ്യത.എംഎസ്സിക്ക് എൻറോൾ ചെയ്ത/ മറ്റു യോഗ്യതാ പരീക്ഷകളുടെ 10+2+3 വർഷം പൂർത്തിയാക്കിയവർക്ക് റിസൾട്ട് അവെയിറ്റഡ് വിഭാഗം വഴി അപേക്ഷിക്കാം. മറ്റു യോഗ്യതാ നിബന്ധനകൾക്കു വിജ്ഞാപനം കാണുക.
ജെആർഎഫ് അപേക്ഷിക്കുന്നവരുടെ പ്രായപരിധി 28 വയസ്സാണ്. പട്ടികവിഭാഗം/ട്രാൻസ്ജെൻഡർ/അംഗപരിമിതർ/വനിതകൾ എന്നിവർക്ക് 33 വയസ്സ്. ഒബിസിക്ക് 31 വയസ്സ്. ലക്ചർഷിപ്പ് / അസിസ്റ്റന്റ് പ്രഫസറിന് ഉയർന്ന പ്രായപരിധി ഇല്ല ജനറൽ വിഭാഗക്കാർക്ക് 1000 രൂപയും, ഒബിസി -നോൺ ക്രീമിലെയർ വിഭാഗത്തിന് 500 രൂപയും പട്ടികവിഭാഗം/ഭിന്നലിംഗക്കാർക്ക് 250 രൂപയുമാണ് പരീക്ഷ ഫീസ് . ഭിന്നശേഷിക്കാർക്ക് ഫീസ് ഇല്ല. കൂടുതൽ വിശധാംശങ്ങൾക്കായി www.csirnet.nta.nic.in എന്ന വെബ്സൈറ്റ് സന്ദർശിക്കുക.
https://www.facebook.com/Malayalivartha