ഇന്ന് മലയാളികൾ കൂടുതലും പഠിക്കാനും ജോലിക്കും പോകുന്നത് കാനഡ അല്ലെങ്കിൽ യൂറോപ്പ് പോലുള്ള രാജ്യങ്ങളിലേക്കാണ്. തൊഴിലന്വേഷിക്കുന്നവർക്ക് സന്തോഷവാർത്തയാണ് കാനഡയിൽ നിന്നും വരുന്നത്. കാനഡയിൽ 10 ലക്ഷത്തിലധികം തൊഴിലവസരങ്ങൾ ഒഴിഞ്ഞുകിടക്കുന്നതായി റിപ്പോർട്ട്

2021 മേയ് മാസത്തിനു ശേഷം 3 ലക്ഷത്തിലേറെ തൊഴിലവസരങ്ങൾ‌ സൃഷ്ടിക്കപ്പെട്ടു. 2022 മേയിലെ ലേബർ ഫോഴ്സ് സർവേയിലാണു വൻ തൊഴിലവസരങ്ങളുടെ കണക്കുള്ളത്

തൊഴിലാളികളുടെ കുറവ് രാജ്യത്തു വർധിക്കുകയാണെന്നു സർവേയിൽ പറയുന്നു. വർദ്ധിച്ചുവരുന്ന തൊഴിലാളി ക്ഷാമം നിരവധി വ്യവസായങ്ങൾക്ക് ബുദ്ധിമുട്ടിക്കുന്നതായാണ് റിപ്പോർട്ട്. രാജ്യത്തു തൊഴിൽ ചെയ്യുന്ന പൗരന്മാർക്കു പ്രായമാകുന്നതും കൂട്ടത്തോടെ വിരമിക്കുന്നതുമാണ്‌ ഒഴിവുകൾ കൂട്ടുന്നത്. ഇത് ഇന്ത്യയടക്കമുള്ള രാജ്യങ്ങളിൽനിന്നു കാനഡയിലേക്കുള്ള കുടിയേറ്റം വർധിക്കാനിടയാക്കും.

രാജ്യത്തെ തൊഴിലാളികൾക്ക് പ്രായമാകുകയും റിട്ടയർമെന്റിലേക്ക് പ്രവേശിക്കുകയും ചെയ്യുന്നത് ഉയർന്ന തൊഴിൽ ഒഴിവുകൾക്ക് കാരണമാകുന്നു. 2022-ൽ കാനഡ തങ്ങളുടെ എക്കാലത്തെയും വലിയ സ്ഥിരതാമസക്കാരെ സ്വാഗതം ചെയ്യാൻ തയ്യാറെടുക്കുകയാണ്.

ഈ വ‌ർഷം 4.3 ലക്ഷം പെർമനന്റ് റസിഡന്റ് വീസ നൽകാനാണു കാനഡയുടെ തീരുമാനം. ഇതു സമീപകാലത്തെ വലിയ സംഖ്യയാണ്. 2024ൽ 4.5 ലക്ഷം പേർക്കു പെർമനന്റ് റസിഡന്റ് വീസ നൽകാനാണു കാനഡ ആലോചിക്കുന്നതെന്നാണ് റിപ്പോർട്ട്.

വരും വർഷങ്ങളിലും തൊഴിലവസരം കൂടുമെന്നും കുടിയേറ്റക്കാർക്കു നല്ലതാണെന്നുമാണു വിലയിരുത്തൽ. സയൻസ്, പ്രഫഷണൽ, സാങ്കേതികത, ഗതാഗതം, വെയർഹൗസിങ്, ഫിനാൻസ്, ഇൻഷുറൻസ്, റിയൽ എസ്റ്റേറ്റ് തുടങ്ങിയ മേഖലകളിലെല്ലാം ഒഴിവുകൾ വർധിക്കും.

നിർമാണ മേഖലയിൽ‌ മാത്രം 89,900 പേരുടെ ഒഴിവാണ് ഏപ്രിലിൽ റിപ്പോർട്ട് ചെയ്തത്. താമസ സൗകര്യം, ഭക്ഷ്യ മേഖലയിലും തുടർച്ചയായ 13–ാം മാസത്തിലും തൊഴിലവസരങ്ങൾ ഉയർന്ന നിരക്കിലാണ്. വേതനത്തിന്റെ കാര്യത്തിലും കാനഡ മുന്‍നിരയിലാണ്. അമേരിക്കയില്‍ നിന്നും ഗള്‍ഫ് രാജ്യങ്ങളില്‍ നിന്നും പോലും കാനഡയിലെത്തുന്നവരുടെ എണ്ണം വര്‍ധിച്ചു വരികയാണ്. രാഷ്ട്രീയ കാലാവസ്ഥയും കാനഡ ഇമിഗ്രേഷനു ഇന്നു ഏറെ അനുകൂലമാണ്.

എങ്ങനെ കാനഡയിലെത്താം എന്നതിനെക്കുറിച്ച് വിദ്യാര്‍ഥികള്‍ക്ക് ഏറെ സംശയങ്ങളുണ്ട്. കാനഡയില്‍ രണ്ട് രീതിയില്‍ എത്താം. ഒന്ന് ഉപരിപഠനത്തിനായും രണ്ടാമതായി കാനഡ ഇമിഗ്രേഷന്‍ വഴി തൊഴിലിനായും. കാനഡയില്‍ ഉപരിപഠനം പൂര്‍ത്തിയാക്കി തൊഴില്‍ കണ്ടെത്തുന്നതാണ് കാനഡ ഇമിഗ്രേഷനേക്കാള്‍എളുപ്പം. ചിലപ്പോള്‍ കാനഡ ഇമിഗ്രേഷന് കൂടുതല്‍ സമയമെടുക്കും. കാനഡ ഇമിഗ്രേഷനു സ്‌കില്‍ വികസനത്തിനും കൂടുതല്‍ പ്രാധാന്യം നല്‍കുന്നുണ്ട്. സ്‌കില്‍ഡ് വര്‍ക്കര്‍ വിഭാഗത്തില്‍ എന്‍ജിനീയര്‍, സൂപ്പര്‍വൈസര്‍, ടെക്‌നീഷ്യന്‍ എന്നിവര്‍ക്ക് കാനഡയില്‍ അവസരങ്ങളുണ്ട്. ഉന്നത വിദ്യാഭ്യാസ മേഖലയില്‍ കാനഡയില്‍ മികച്ച സര്‍വ്വകലാശാലകളും കോളേജുകളും സ്‌കില്‍ വികസന കേന്ദ്രങ്ങളുമുണ്ട്.

ലോകോത്തര നിലവാരത്തിലുള്ള 27 സര്‍വ്വകലാശാലകള്‍ കാനഡയിലുണ്ട്. ടൊറന്റോ, മാക്ഗില്‍, ബ്രിട്ടീഷ് കൊളംബിയ, ആല്‍ബെര്‍ട്ട, ഡീമോണ്‍ട്രയല്‍, കാല്‍ഗരി, വാട്ടര്‍ലൂ, വെസ്റ്റേണ്‍, ക്വീന്‍സ്, വിക്‌ടോറിയ, സസ്‌കാഷെവന്‍, വിന്‍ഡ്‌സര്‍ യോര്‍ക്ക്, കോണ്‍കോര്‍ഡിയ തുടങ്ങിയവ ഇതില്‍പ്പെടുന്നു.

രണ്ടര ലക്ഷം ഉദ്യോഗാര്‍ഥികളാണ് ഇമിഗ്രേഷനിലൂടെ പ്രതിവര്‍ഷം കാനഡയിലെത്തുന്നത്. ഇതു മൂന്നര ലക്ഷമാക്കി ഉയര്‍ത്താനാണ് കാനഡ ലക്ഷ്യമിടുന്നത്. CRS – കോംപ്രിഹെന്‍സീവ് റാങ്കിങ് സിസ്റ്റം – അനുസരിച്ചാണ് വിസ അനുവദിക്കുന്നത്. നൂറില്‍ 67 പോയിന്റ് നേടിയിരിക്കണം. പ്രായം, വിദ്യാഭ്യാസം, ഭാഷാപ്രാവീണ്യം, പ്രവൃത്തി പരിചയം, സ്‌കില്‍ എന്നിവയ്ക്ക് പ്രത്യേകം വെയ്‌റ്റേജ് ലഭിക്കും.

ഇമിഗ്രേഷന്‍ അനുവദിച്ചാല്‍ യോഗ്യതയ്ക്കനുസരിച്ച് തൊഴില്‍ കണ്ടെത്താനും തുടര്‍ന്ന് പെര്‍മനെന്റ് റെസിഡന്‍സിക്കും അവസരങ്ങള്‍ ലഭിക്കും. സ്‌കില്‍ഡ് വര്‍ക്കര്‍ വിഭാഗത്തില്‍ ഡിപ്ലോമ, ഐ.ടി. സര്‍ട്ടിഫിക്കറ്റ്, സ്‌കില്‍ വികസന കോഴ്‌സുകള്‍ പൂര്‍ത്തിയാക്കിയവര്‍ക്കും എന്‍ജിനിയറിങ്, അക്കൗണ്ടിങ്, ഹോസ്പിറ്റാലിറ്റി, വെറ്ററിനറി സേവനം, ആരോഗ്യം തുടങ്ങിയ മേഖലകളില്‍ കോഴ്‌സ് പൂര്‍ത്തിയാക്കിയവര്‍ക്കും മികച്ച തൊഴിലവസരങ്ങള്‍ ലഭിക്കും.

40 വയസ്സില്‍ താഴെയുള്ളവര്‍ക്ക് മുന്‍ഗണന ലഭിക്കും. ബിരുദം / ബിരുദാനന്തര ബിരുദം പൂര്‍ത്തിയാക്കിയവര്‍, രണ്ട് വര്‍ഷത്തെ പ്രവൃത്തി പരിചയമുള്ളവര്‍, സ്‌കില്‍ വികസന കോഴ്‌സുകള്‍ പൂര്‍ത്തിയാക്കിയവര്‍ എന്നിവര്‍ക്ക് മികച്ച ഇംഗ്ലീഷ് പ്രാവീണ്യമുണ്ടെങ്കില്‍ കാനഡ ഇമിഗ്രേഷന് അപേക്ഷിക്കാം. IELTS ഒമ്പതില്‍ 6.5 -7 ബാന്‍ഡോടെ പൂര്‍ത്തിയാക്കിയിരിക്കണം. സ്‌കില്‍ഡ് വര്‍ക്കര്‍ വിഭാഗത്തില്‍ കാനഡയിലേക്ക് കടക്കാന്‍ വിദ്യാഭ്യാസം, പ്രവൃത്തി പരിചയം, പ്രൊഫഷണല്‍ പരിചയം, പ്രൊഫഷണല്‍ യോഗ്യത, സ്‌കില്‍ പരിചയം എന്നിവ വിലയിരുത്തും.

നിരവധി സ്വകാര്യ ഏജന്‍സികള്‍ കാനഡയിലേക്കുള്ള പെര്‍മനെന്റ് റെസിഡന്‍സി വിസ സേവനങ്ങളുമായി രാജ്യത്ത് പ്രവര്‍ത്തിക്കുന്നുണ്ട്. അംഗീകൃത ഏജന്‍സികളെ മാത്രമെ ആശ്രയിക്കാവൂ. കനേഡിയന്‍ കോണ്‍സുലേറ്റിന്റെ വെബ്‌സൈറ്റുകളില്‍ നിന്നുള്ള വിവരങ്ങള്‍ മാത്രമെ വിശ്വസിക്കാവൂ. കുറഞ്ഞ യോഗ്യതക്ക് മികച്ച അവസരം വാഗ്ദാനം നല്‍കുന്ന ഏജന്‍സികളെ ആശ്രയിക്കരുത്. ചതിക്കുഴികള്‍ കരുതിയിരിക്കണം.

ആശ്രയിക്കാവുന്ന വെബ്‌സൈറ്റുകള്‍ : ഡിസ്ക്രിപ്ഷൻ
www.canada.ca,www.cic.gc.ca, www.immigration.ca, www.workpermit.com, www.servicecanada.gc.ca