ഇൻഫർമേഷൻ- പബ്ലിക് റിലേഷൻസ് വകുപ്പിന്റെ സംയോജന വാർത്താശൃഖല (പ്രിസം) പദ്ധതിയുടെ ഭാഗമായി വകുപ്പ് ഡയറക്റ്ററേറ്റിലെ കണ്ടൻറ് എഡിറ്റർ പാനലിൽ ഒഴിവുകൾ. 2 ഒഴിവുകളാണ് ആകെയുള്ളത്. 2023 വരെയാണ് പാനലിന്റെ കാലാവധി. അപേക്ഷിക്കേണ്ട അവസാന തീയതി ഓഗസ്റ്റ് 12. prdprism2023@gmail.com എന്ന ഈമെയിലിൽ ആണ് അപേക്ഷിക്കേണ്ടത്. എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തിരഞ്ഞെടുക്കുന്നത്.

ഏതെങ്കിലും വിഷയത്തിൽ ബിരുദവും അതോടൊപ്പം ജേർണലിസം/ പബ്ലിക് റിലേഷൻസ്/ മാസ്സ് കമ്മ്യൂണിക്കേഷൻ ഡിപ്ലോമ അല്ലെങ്കിൽ ജേർണലിസം/ പബ്ലിക് റിലേഷൻസ്/ മാസ്സ് കമ്മ്യൂണിക്കേഷൻ അംഗീകൃത ബിരുദം, ജേർണലിസത്തിൽ പി ജി എന്നിവയാണ് വിദ്യാഭ്യാസ യോഗ്യത. പത്ര, ദൃശ്യമാധ്യമങ്ങളിലോ വാർത്താ ഏജൻസികളിലോ സർക്കാർ, അർദ്ധ സർക്കാർ സ്ഥാപനങ്ങളുടെ പബ്ലിക് റിലേഷൻസ്- വാർത്ത വിഭാഗങ്ങളിലോ 2 വർഷത്തെ പ്രവർത്തി പരിചയം ഉണ്ടായിരിക്കണം. 35 വയസ്സാണ് പ്രായപരിധി. 17,940 രൂപയാണ് പ്രതിമാസ ശമ്പളം.