112 ട്രേഡ്‌സ്മാൻ ഒഴിവുകൾ

ഇന്ത്യൻ നേവിയിൽ 112 ട്രേഡ്‌സ്മാൻ മേറ്റ് (ജനറൽ സെൻട്രൽ സർവീസ്, ഗ്രൂപ്പ് സി, നോൺ - ഗസറ്റഡ്, ഇൻഡസ്ട്രിയൽ) ഒഴിവുകൾ. ആൻഡമാൻ ആൻഡ് നിക്കോബാർ കമാൻഡ് ഹെഡ്ക്വാട്ടേഴ്സിനു കീഴിലെ വിവിധ യൂണിറ്റുകളിലാണ് നിയമനം. സെപ്തംബർ 6 വരെ ഓൺലൈൻ ആയി അപേക്ഷിക്കാം.

പത്താംക്ലാസ് ജയം, ബന്ധപ്പെട്ട ഐ ടി ഐ സർട്ടിഫിക്കറ്റ് ഉണ്ടായിരിക്കണം. ഇതാണ് അപേക്ഷിക്കാനുള്ള യോഗ്യത.18 മുതൽ 25 വയസ്സുവരെയാണ് പ്രായപരിധി. അർഹർക്ക് ഇളവ്. 18,000 മുതൽ 56,900 രൂപവരെയാണ് പ്രതിമാസ ശമ്പളം. കൂടുതൽ വിവരങ്ങൾ അറിയുവാൻ www.andaman.gov.in, www.ncs.gov.in എന്ന വെബ്സൈറ്റുകൾ സന്ദർശിക്കുക. (ട്രേഡുകൾക്ക് സൈറ്റ് കാണുക).

50 ഓഫീസർ ഒഴിവുകൾ

ഇന്ത്യൻ നേവിയുടെ ഇൻഫർമേഷൻ ടെക്നോളജി വിഭാഗത്തിൽ (എക്സിക്യു്റ്റിവ് ബ്രാഞ്ച്) ഷോർട്ട് സർവീസ് കമ്മിഷൻ ഓഫീസറാകാൻ അവസരം. അവിവാഹിതരായ പുരുഷന്മാർക്കും സ്ത്രീകൾക്കുമാണ് അവസരം. 50 ഒഴിവുകളാണ് ആകെയുള്ളത്. അപേക്ഷിക്കേണ്ട അവസാന തീയതി ഓഗസ്റ്റ് 15.

2023 ജനുവരിയിൽ ഏഴിമല നേവൽ അക്കാദമിയിൽ കോഴ്‌സുകൾ ആരംഭിക്കും. 60% ശതമാനം മാർക്കോടെ എം എസ് സി/ ബി ഇ/ ബി ടെക്/ എം ടെക് (കമ്പ്യൂട്ടർ സയൻസ് , കമ്പ്യൂട്ടർ സയൻസ് ആൻഡ് എഞ്ചിനീയറിംഗ്, കമ്പ്യൂട്ടർ എഞ്ചിനീയറിംഗ്, ഐ ടി, സോഫ്റ്റ്‌വെയർ സിസ്റ്റംസ്, സൈബർ സെക്യൂരിറ്റി, സിസ്റ്റം അഡ്മിനിസ്ട്രേഷൻ ആൻഡ് നെറ്റ്വർക്കിങ്, കംപ്യൂർ സിസ്റ്റംസ് ആൻഡ് നെറ്വർകിങ്, ടാറ്റ അനലിറ്റിക്സ്, ആർട്ടിഫിഷ്യൽ ഇന്റലിജൻസ്) അല്ലെങ്കിൽ എം സി എ, ബി സി എ, ബി എസ് സി (കമ്പ്യൂട്ടർ സയൻസ്, ഐ ടി). അതോടൊപ്പം പത്താംക്ലാസ് അല്ലെങ്കിൽ പ്ലസ് ടുവിൽ ഇംഗ്ലീഷിന് 60% മാർക്ക് ഉണ്ടായിരിക്കണം. എന്നിവയാണ് വിദ്യാഭ്യാസ യോഗ്യത.

1998 ജനുവരി രണ്ടിനും 2003 ജൂലൈ ഒന്നിനും മദ്ധ്യേ ജനിച്ചവരായിരിക്കണം. കൂടുതൽ വിവരങ്ങൾ അറിയുവാൻ www.joinindiannavy.gov.in എന്ന വെബ്സൈറ്റ് സന്ദർശിക്കേണ്ടതാണ്.