ഐ എസ് ആർ ഒയ്ക്ക് കീഴിൽ ശ്രീഹരിക്കോട്ടയിലെ സതീഷ് ധവാൻ സ്പേസ് സെന്റർ SHARൽ അധ്യാപക ഒഴിവ്. 19 ഒഴിവുകളാണ് ആകെയുള്ളത്. പോസ്റ്റ് ഗ്രാജ്വേറ്റ്‌ ടീച്ചർ, ട്രെയിൻഡ് ഗ്രാജ്വേറ്റ് ടീച്ചർ, പ്രൈമറി ടീച്ചർ എന്നീ തസ്തികകളിലേക്കാണ് അപേക്ഷകൾ ക്ഷണിച്ചിരിക്കുന്നത്. ഓൺലൈനായി അപേക്ഷിക്കേണ്ട അവസാന തീയതി ഓഗസ്റ്റ് 28 വരെ.

പോസ്റ്റ് ഗ്രാജ്വേറ്റ് ടീച്ചർ (മാത്‍സ്, ഫിസിക്സ്, ബിയോളജി, കെമിസ്ട്രി) എന്ന തസ്തികയിലേക്കുള്ള വിദ്യാഭ്യാസ യോഗ്യത ബന്ധപ്പെട്ട വിഷയത്തിൽ ഇന്റഗ്രേറ്റഡ് പോസ്റ്റ് ഗ്രാജ്വേറ്റ് എം എസ് സി/ പി ജി, ബി എഡ്/ തത്തുല്യ ബിരുദം എന്നിവയാണ്. 18 മുതൽ 40 വയസ്സുവരെയാണ് പ്രായപരിധി.

ട്രെയിൻഡ് ഗ്രാജ്വേറ്റ് ടീച്ചർ (മാത്‍സ്, ഹിന്ദി, ഇംഗ്ലീഷ്, കെമിസ്ട്രി, ബിയോളജി എന്ന തസ്തികയിലേക്കുള്ള വിദ്യാഭ്യാസ യോഗ്യത ബന്ധപ്പെട്ട വിഷയത്തിൽ 4 വർഷ ഇന്റഗ്രേറ്റഡ് ബിരുദം/ ബിരുദം, ബി എഡ്/ തത്തുല്യ ബിരുദം, സിടെറ്റ് എന്നിവയാണ്. 18 മുതൽ 35 വയസ്സുവരെയാണ് പ്രായപരിധി.

ട്രെൻഡ് ഗ്രാജ്വേറ്റ് ടീച്ചർ (പി ഇ ഡി) എന്ന തസ്തികയിലേക്കുള്ള വിദ്യാഭ്യാസ യോഗ്യത ഫിസിക്കൽ എഡ്യൂക്കേഷനിൽ ബിരുദം/ തത്തുല്യം എന്നിവയാണ്. 18 മുതൽ 35 വയസ്സുവരെയാണ് പ്രായപരിധി.

പ്രൈമറി ടീച്ചർ എന്ന തസ്തികയിലേക്കുള്ള വിദ്യാഭ്യാസ യോഗ്യത പ്ലസ്ടുവും എലമെന്ററി എഡ്യൂക്കേഷനിൽ 2 വർഷ ഡിപ്ലോമയും. അല്ലെങ്കിൽ പ്ലസ്ടുവും ബി എൽ എഡും. അല്ലെങ്കിൽ പ്ലസ്ടുവും എഡ്യൂക്കേഷനിൽ (സ്പെഷ്യൽ എഡ്യൂക്കേഷൻ) 2 വർഷ ഡിപ്ലോമയും. അല്ലെങ്കിൽ ബിരുദവും ബി എഡും, സിടെറ്റ് എന്നിവയാണ്. 18 മുതൽ 30 വയസ്സുവരെയാണ് പ്രായപരിധി. കൂടുതൽ വിവരങ്ങൾ അറിയുവാൻ www.shar.gov.in, http://apps.shar.gov.in എന്നി വെബ്സൈറ്റുകൾ സന്ദർശിക്കുക.