പഞ്ചാബ് നാഷണൽ ബാങ്കിൽ വിവിധ തസ്തികകളിലായി ഒഴിവുകൾ. ഇന്ത്യയിലെ ഡൽഹി ആസ്ഥാനമായി പ്രവർത്തിക്കുന്ന ഒരു ഇന്ത്യൻ പൊതുമേഖലാ ബാങ്കാണ്പഞ്ചാബ് നാഷണൽ ബാങ്ക്. 103 ഒഴിവുകളാണ് ആകെയുള്ളത്. വിവിധ തസ്തികകളിലേക്കുള്ള ഒഴിവുകൾക്കായി അപേക്ഷിക്കേണ്ട അവസാന തീയതി ഓഗസ്റ്റ് 30.

80 ഒഴിവുകളുമായി മാനേജർ (സെക്യൂരിറ്റി) തസ്തികയും, ഓഫീസർ (ഫയർ സേഫ്റ്റി) തസ്തികയിൽ 23 ഒഴിവുമുണ്ട്. മിഡിൽ മാനേജ്‌മന്റ് ഗ്രേഡ് സ്കെയിൽ 2 വിഭാഗത്തിലാണ് മാനേജർ (സെക്യൂരിറ്റി) അവസരം. ജൂനിയർ മാനേജ്‌മന്റ് സ്കെയിൽ 1 വിഭാഗത്തിലാണ് ഓഫീസർ (ഫയർ സേഫ്റ്റി) അവസരം. ബാച്ച്ലർ ബിരുദവും ബന്ധപ്പെട്ട സ്പെഷ്യലൈസഷനിൽ നിർദിഷ്ട യോഗ്യത അല്ലെങ്കിൽ പരിചയമുള്ളവർക്ക് അപേക്ഷിക്കാം. ഒരു തസ്തികയിലേക്ക് മാത്രം അപേക്ഷിക്കുക.

21 മുതൽ 35 വയസ്സുവരെയാണ് പ്രായപരിധി. പട്ടികവിഭാഗത്തിന് അഞ്ചും ഒ ബി സിക്ക് മൂന്നും അംഗപരിമിതർക്ക് പാത്തും വർഷം ഇളവ്. വിമുക്തഭടന്മാർക്കും ഇളവുണ്ട്. 850 രൂപയാണ് അപേക്ഷ ഫീസ്. പട്ടിക വിഭാഗം, അംഗപരിമിതർക്ക് 50 രൂപയുമാണ്. ഓഫ്‌ലൈനായി അപേക്ഷിക്കണം കൂടുതൽ വിവരങ്ങൾ അറിയുവാൻ www.pnbindia.in എന്ന വെബ്സൈറ്റ് സന്ദർശിക്കുക.