ഏതെങ്കിലും ഒരു വിദേശ രാജ്യത്തു ജോലി നേടണം എന്നത് ഒരു ശരാശരി ഇന്ത്യാക്കാരന്റെ സ്വപ്നമാണ് . പഠനത്തിനായി വിദേശത്തു പോയി അവിടെ താമസമുറപ്പിക്കുന്നവരും ഉണ്ട് .

പഠനം കഴിഞ്ഞാലും എട്ടുവർഷം കൂടി താമസിക്കാൻ വിസ ലഭിക്കുന്നതും ഉയർന്ന ശമ്പളത്തോടെയുള്ള തൊഴിൽ സാദ്ധ്യതയുമാണ് മറ്റ് വിദേശ രാജ്യങ്ങളെ അപേക്ഷിച്ച് കാനഡയുടെ പ്രധാന ആകർഷണം. അതിനാൽ ഇവിടെ ഉന്നത പഠനത്തിന് പ്രവേശനം നേടുന്നവരുടെ എണ്ണം കൂടുതലാണ്.

* രാഷ്ട്രീയ സ്ഥിരത, ശക്തമായ സാമ്പത്തിക അടിത്തറ

* വിദ്യാഭ്യാസ ഔന്നത്യം, കുറഞ്ഞ ചെലവിൽ ആരോഗ്യ രക്ഷ

* മിതമായ കോഴ്‌സ് ഫീസ്,നിരവധി സ്‌കോളർഷിപ്പുകൾ

* വേതനത്തോടു കൂടിയ ഇന്റേണ്‍ഷിപ്പ്

* പഠനാനന്തരം പോസ്റ്റ് സ്റ്റഡിവർക്ക് പെർമിറ്റ്

* പെര്‍മനന്റ് റെസിഡന്‍സി സാധ്യതകൾ എന്നിവയെല്ലാം കാനഡയ്ക്ക് അനുകൂലമായ അന്തരീക്ഷം നൽകുന്നുണ്ട്

കാനഡയില്‍ രണ്ട് രീതിയില്‍ എത്താം. ഉപരിപഠനത്തിനായും കാനഡ ഇമിഗ്രേഷന്‍ വഴി തൊഴിലിനായും. കാനഡയില്‍ ഉപരിപഠനം പൂര്‍ത്തിയാക്കി തൊഴില്‍ കണ്ടെത്തുന്നതാണ് കാനഡ ഇമിഗ്രേഷനേക്കാള്‍എളുപ്പം. ചിലപ്പോള്‍ കാനഡ ഇമിഗ്രേഷന് കൂടുതല്‍ സമയമെടുക്കും. കാനഡ ഇമിഗ്രേഷനു സ്‌കില്‍ വികസനത്തിനും കൂടുതല്‍ പ്രാധാന്യം നല്‍കുന്നുണ്ട്. സ്‌കില്‍ഡ് വര്‍ക്കര്‍ വിഭാഗത്തില്‍ എന്‍ജിനീയര്‍, സൂപ്പര്‍വൈസര്‍, ടെക്‌നീഷ്യന്‍ എന്നിവര്‍ക്ക് കാനഡയില്‍ അവസരങ്ങളുണ്ട്. ഉന്നത വിദ്യാഭ്യാസ മേഖലയില്‍ കാനഡയില്‍ മികച്ച സര്‍വ്വകലാശാലകളും കോളേജുകളും സ്‌കില്‍ വികസന കേന്ദ്രങ്ങളുമുണ്ട്.

ഇനി പലർക്കും IELTS ഒരു ബാലികേറാമല ആകാറുണ്ട് . അങ്ങനെ ഉള്ളവർക്ക് കാനഡയില്‍ IELTS ഇല്ലാത്ത അണ്ടര്‍ ഗ്രാഡുവേറ്റ്, ഗ്രാഡുവേറ്റ്, മാസ്റ്റേഴ്‌സ്, പി.എച്ച്ഡി. പ്രോഗ്രാമിന് അപേക്ഷിക്കാവുന്നതാണ് .

കാനഡയിലെ നൂറോളം സര്‍വ്വകലാശാലകളില്‍ അയ്യായിരത്തിലധികം കോഴ്‌സുകളുണ്ട്. കനേഡിയന്‍ ഗവണ്‍മെന്റിന്റെയും പബ്ലിക് യൂണിവേഴ്‌സിറ്റികളുടെയും സ്‌കോളര്‍ഷിപ്പും ലഭിയ്ക്കും.

ഇംഗ്ലീഷ് മീഡിയത്തില്‍ പഠിച്ചവര്‍ക്കു സര്‍വ്വകലാശാല നല്‍കുന്ന ഇംഗ്ലീഷ് എഡ്യുക്കേഷന്‍ സര്‍ട്ടിഫിക്കേറ്റ് മതിയാകും. IELTS നു പകരം മറ്റ് ഇംഗ്ലീഷ് പ്രാവീണ്യ പരീക്ഷകളായ TOEFL, TESOL മുതലായവയും അംഗീകൃതമാണ്.

IELTS ഇല്ലാതെ കാനഡയിൽ പഠിക്കാനുള്ള സർവ്വകലാശാലകളുടെ ഒരു ലിസ്റ്റ് ചുവടെയുണ്ട്:

ബ്രോക്ക് യൂണിവേഴ്സിറ്റി 

കാർലെൻ യൂണിവേഴ്സിറ്റി

വിന്നിപെഗ് സർവകലാശാല

കോൺകോർഡിയ സർവകലാശാല

സസ്‌കാച്ചെവൻ സർവകലാശാല

മെമ്മോറിയൽ സർവകലാശാല

അൽഗോമ സർവകലാശാല

ബ്രാൻഡൻ സർവകലാശാല

ഗുൽഫ് സർവകലാശാല

മക്ഗിൽ സർവകലാശാല

മെമ്മോറിയൽ യൂണിവേഴ്സിറ്റി ഓഫ് ന്യൂഫൗണ്ട്ലാൻഡ് ആൻഡ് ലാബ്രഡോർ

ഒക്കാനാൻ കോളേജ്

സെനെക കോളേജ്.

എന്നിവിടങ്ങളില്‍ IELTS ആവശ്യമില്ല. കാനഡയില്‍ പോകാനാഗ്രഹിക്കുന്നവര്‍ക്കു കാനഡയിലെ ESL ( English as second language ) പ്രോഗ്രാം ആറു മാസംകൊണ്ട് പൂര്‍ത്തിയാക്കി ഉപരിപഠനത്തിനു ചേരാം.

ഒട്ടാവ, വാനിയര്‍, കൊണ്‍കോര്‍ഡിയ, മോണ്‍ട്രിയല്‍, ആല്‍ബെര്‍ട്ട, സസ്‌കാഷെന്‍ സര്‍വ്വകലാശാലകളില്‍ ഗ്രാഡുവേറ്റ് സ്‌കോളര്‍ഷിപ്പുകളുണ്ട്.

കാനഡ ഇമിഗ്രേഷന്‍ അനുവദിച്ചാല്‍ യോഗ്യതയ്ക്കനുസരിച്ച് തൊഴില്‍ കണ്ടെത്താനും പെര്‍മനെന്റ് റെസിഡന്‍സിക്കും അവസരങ്ങള്‍ ഉണ്ട് . സ്‌കില്‍ഡ് വര്‍ക്കര്‍ വിഭാഗത്തില്‍ ഡിപ്ലോമ, ഐ.ടി. സര്‍ട്ടിഫിക്കറ്റ്, സ്‌കില്‍ വികസന കോഴ്‌സുകള്‍ പൂര്‍ത്തിയാക്കിയവര്‍ക്കും എന്‍ജിനിയറിങ്, അക്കൗണ്ടിങ്, ഹോസ്പിറ്റാലിറ്റി, വെറ്ററിനറി , ആരോഗ്യം തുടങ്ങിയ മേഖലകളില്‍ കോഴ്‌സ് പൂര്‍ത്തിയാക്കിയവര്‍ക്കും മികച്ച തൊഴിലവസരങ്ങള്‍ ലഭിക്കും.

പ്രതിവര്‍ഷം മൂന്നു ലക്ഷത്തിലധികം പേരാണ് ഇന്റര്‍നാഷണല്‍ പെര്‍മനെന്റ് റെസിഡന്‍സി വിസ പ്രോസസ്സിങ്ങിലൂടെ കാനഡയിലെത്തുന്നത്. 40 വയസ്സില്‍ താഴെയുള്ളവര്‍ക്ക് മുന്‍ഗണന ലഭിക്കും. ബിരുദം / ബിരുദാനന്തര ബിരുദം പൂര്‍ത്തിയാക്കിയവര്‍, രണ്ട് വര്‍ഷത്തെ പ്രവൃത്തി പരിചയമുള്ളവര്‍, സ്‌കില്‍ വികസന കോഴ്‌സുകള്‍ പൂര്‍ത്തിയാക്കിയവര്‍ എന്നിവര്‍ക്കും മികച്ച ഇംഗ്ലീഷ് പ്രാവീണ്യമുണ്ടെങ്കില്‍ കാനഡ ഇമിഗ്രേഷന് അപേക്ഷിക്കാം.