പോലീസുകാർക്ക് പഠിക്കുവാൻ അവസരമൊരുക്കികൊണ്ട് കൊച്ചി ശാസ്ത്ര സാങ്കേതിക സർവകലാശാല (കുസാറ്റ്). സർവീസിലുള്ള പോലീസുകാരിൽ പത്തു പേർക്ക് വീതം ഓരോ വർഷവും കുസാറ്റിൽ എം എസ സി കമ്പ്യൂട്ടർ പഠനത്തിന് മന്ധ്രിസഭ അനുമതി നൽകി.എൻട്രൻസ് പരീക്ഷ വഴിയായിരിക്കും പ്രവേശനം. പഠനകാലം ഡെപ്യുട്ടെഷനായി കണക്കാക്കും. പഠിക്കുന്നതിനുള്ള ട്യൂഷൻ ഫീസ് സ്വയം നൽകണം.

കോഴ്സ് പഠിച്ചു കഴിഞ്ഞതിനു ശേഷം 15 വർഷ സർവീസ് ബാക്കി വേണം. ഇത്രെയും കാലം തുടർന്നില്ലെങ്കിൽ നഷ്ടപരിഹാരം ഈടാക്കുന്നതാണ്. പോലീസിൽ പ്രൊഫഷണലിസം കൊണ്ടുവരുന്നതിന്റെ ഭാഗമായിട്ടാണ് ഈ പദ്ധതി ഒരുക്കിയിരിക്കുന്നത്. സൈബർ വിശകലനത്തിന് പ്രത്യേകം തസ്തിക സൃഷ്ടിക്കുന്നതിന് പകരം പൊലീസിലെ യോഗ്യരെ ഉപയോഗപ്പെടുത്തുന്നതാണ് ലക്ഷ്യം.