കേന്ദ്ര പ്രതിരോധ വകുപ്പിന് കീഴിൽ ജോധ്പുർ ഡിഫൻസ് ലബോറട്ടറിയിൽ അപ്രന്റിസ്‌ ഒഴിവുകൾ. 36 ഒഴിവുകളാണ് ആകെയുള്ളത്. ഒരു വർഷത്തെ പൈശീലനം ഉണ്ടായിരിക്കും. ഓൺലൈനായി അപേക്ഷിക്കേണ്ട അവസാന തീയതി ഓഗസ്റ്റ് 16.

ഇലക്ട്രോണിക്സ്, കാർപെന്റെർ, വെൽഡർ, ടണർ, മഷിനിസ്റ്, ഫിറ്റർ, ഇലക്ട്രീഷ്യൻ, കമ്പ്യൂട്ടർ ഓപ്പറേറ്റർ ആൻഡ് പ്രോഗ്രാമിങ് അസിസ്റ്റന്റ്, സ്റ്റൈനോഗ്രാഫർ ആൻഡ് സെക്രട്ടറിയൽ അസിസ്റ്റന്റ് (ഇംഗ്ലീഷ്,ഹിന്ദി) എന്നിവയാണ് വിവിധ തസ്തികകൾ. 2019-ന് മുൻപ് യോഗ്യത നേടിയവർക്ക് അപേക്ഷിക്കാം. http://apprenticeshipindia/org/course-search എന്ന ഫോമിൽ രജിസ്റ്റർ ചെയുക. കൂടുതൽ വിവരങ്ങൾ അറിയുവാൻ www.drdo.gov.in എന്ന വെബ്സൈറ്റ് സന്ദർശിക്കുക.

ആധുനിക യുദ്ധത്തിനും ആയുധ സംവിധാനങ്ങൾക്കും ആവശ്യമായ ഇലക്ട്രോണിക്സ്, മെറ്റീരിയലുകൾ എന്നിവയുടെ വികസനത്തിനും നിർമ്മാണത്തിനും ജോധ്പുർ ഡിഫൻസ് ലബോറട്ടറി  ഉത്തരവാദിയാണ്. മെറ്റീരിയലുകളും ഇലക്ട്രോണിക്‌സും ആണ് ഇതിന്റെ പ്രധാന ഗവേഷണ മേഖലകൾ. റേഡിയോ ആശയവിനിമയ സംവിധാനങ്ങൾ, ഡാറ്റ ലിങ്കുകൾ, ഉപഗ്രഹ ആശയവിനിമയ സംവിധാനങ്ങൾ, മില്ലിമീറ്റർ തരംഗ ആശയവിനിമയ സംവിധാനങ്ങൾ എന്നിവയുടെ വികസനമാണ് ഈ സ്ഥാപനത്തിന്റെ ദൗത്യം.