ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ ലിമിറ്റഡിൽ IRCTC ഹോസ്പിറ്റാലിറ്റി മോണിറ്റർ ഒഴിവുകളിലേക്ക് അപേക്ഷകൾ ക്ഷണിച്ചു. 2022 ഓഗസ്റ്റ് 24, 25, 27, 28 തീയതികളിൽ IRCTC നടത്തുന്ന വാക്ക്-ഇൻ ഇന്റർവ്യൂവിലൂടെയാണ് യോഗ്യരായവരെ തിരഞ്ഞെടുക്കുന്നത് .ഈ തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ഹോസ്പിറ്റാലിറ്റി & ഹോട്ടൽ അഡ്മിനിസ്ട്രേഷനിൽ 3 വർഷ ബി എസ് സി ബിരുദമാണ്. 2021 ലോ 2022 ലോ പാസ്സായവർക്ക് മാത്രമാണ് അപേക്ഷിക്കാൻ സാധിക്കുകയുള്ളു. 2021 അല്ലെങ്കിൽ 2022-ൽ പാസ് ആയവർക്ക് മാത്രമാണ് അപേക്ഷിക്കാൻ സാധിക്കുന്നത്.

ഔദ്യോഗിക അറിയിപ്പ് അനുസരിച്ച് 60 പോസ്റ്റുകളിലാണ് ഒഴിവുകൾ ഉള്ളത്. ആഗസ്റ്റ് 24th, 25th തീയതികളിൽ ഒഡിഷയിലെ ഭുവനേശ്വറിലും, ഓഗസ്റ്റ് 27നും , 28നും ഹൈദരാബാദിലെ തെലങ്കാനയിലും വച്ചാണ് ഇന്റർവ്യൂ നടക്കുന്നത്. തെരഞ്ഞെടുക്കപ്പെടുന്നവർക്ക് ആന്ധ്രാ പ്രദേശ്, തെലങ്കാന, മഹാരാഷ്ട്ര, ഒഡിഷ, ഛത്തീസ്ഗഡ് എന്നിവിടങ്ങളിലേക്ക് ആയിരിക്കും ആദ്യ നിയമനം. 30,000 വരെ തുടക്കത്തിൽ ശമ്പളം ഉണ്ട്.

ആഗസ്റ്റ് 24ഉം, 25ഉം തീയതികളിൽ ഭുവനേശ്വറിൽ ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്‌മെന്റ് (ഐഎച്ച്എം) ഇന്ത്യൻ ഓവർസീസ് ബാങ്കിന് സമീപം, വി.എസ്.എസ്. നഗർ, ഭുവനേശ്വർ, ഒഡീഷ 751007 , എന്ന അഡ്രസ്സിൽ ആയിരിക്കും ഇന്റർവ്യൂ നടക്കുന്നത്

ഓഗസ്റ്റ് 27ഉം, 28ഉം തീയതികളിൽ വച്ച് നടക്കുന്ന ഇന്റർവ്യൂ ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്‌മെന്റ് (IHM) എഫ്-റോ, വിദ്യാനഗർ, DD കോളനി, ഹൈദരാബാദ്, തെലങ്കാന 500007 യിലും, വെച്ചായിരിക്കുമെന്നു IRCTC അറിയിച്ചു.

ഒറിജിനൽ രേഖകൾ, ആവശ്യമായ രേഖകളുടെ ഒരു സെറ്റ് സാക്ഷ്യപ്പെടുത്തിയ പകർപ്പുകൾ, അടുത്തിടെയുള്ള മൂന്ന് പാസ്‌പോർട്ട് സൈസ് ഫോട്ടോ എന്നിവ ഇന്റർവ്യൂവിനു ഹാജരാക്കേണ്ടതാണ്. വ്യക്തിഗത ഇന്റർവ്യൂയിലെ യോഗ്യതകളുടെയും പ്രകടനത്തിന്റെയും അടിസ്ഥാനത്തിൽ ഷോർട്ട്‌ലിസ്റ്റ് ചെയ്തതിനു ശേഷം അനുയോജ്യരായ ഉദ്യോഗാർത്ഥികളുടെ യോഗ്യതയും ഒഴിവുകളുടെ എണ്ണവും അടിസ്ഥാനമാക്കി, തിരഞ്ഞെടുത്ത 60 പേരെ മുന്ഗണനാടിസ്ഥാനത്തിൽ റിസർവ് പാനലിൽ ഉൾപ്പെടുത്തും ഇത്തരം രീതിയിലാണ് തിരഞ്ഞെടുപ്പ് നടക്കുന്നത് . https://drive.google.com/file/d/1LbKdq2hFgvafTRCx8jDzFHwLUWvBCoWO/view  എന്ന ലിങ്ക് വഴിയാണ് അപേക്ഷിക്കേണ്ടത്.