ഡൽഹി സബോർഡിനേറ്റ് സർവീസസ് സിലക്‌ഷൻ ബോർഡ് വിവിധ വകുപ്പുകളിലെ ഒഴിവുകളിലേക്കായി അപേക്ഷകൾ ക്ഷണിച്ചു. ആകെ 547ഒഴിവുകളാണ് ഉള്ളത്. ഓൺലൈനായി അപേക്ഷിക്കേണ്ട അവസാന തീയതി ഒാഗസ്റ്റ് 27.

മാനേജർ (അക്കൗണ്ട്സ്), ഡപ്യൂട്ടി മാനേജർ (അക്കൗണ്ട്സ്), ജൂനിയർ ലേബർ വെൽഫെയർ ഇൻസ്പെക്ടർ, അസിസ്റ്റന്റ് സ്റ്റോർ കീപ്പർ, സ്റ്റോർ അറ്റൻഡന്റ്, അക്കൗണ്ടന്റ്, ടെയ്‌ലർ മാസ്റ്റർ, പബ്ലിക്കേഷൻ അസിസ്റ്റന്റ്, ട്രെയിൻഡ് ഗ്രാജുവേറ്റ് ടീച്ചർ (സ്പെഷൽ എജ്യുക്കേഷൻ ടീച്ചർ), പിജിടി (മ്യൂസിക്, ഫൈൻ ആർട്സ്/ പെയിന്റിങ്, ഉറുദു, ഹോർട്ടികൾചർ, സൈക്കോളജി, കംപ്യൂട്ടർ സയൻസ്, പഞ്ചാബി, സാൻസ്ക്രിട്, ഇംഗ്ലിഷ്, ഇവിജിസി) എന്നി വകുപ്പുകളിലായിട്ടാണ് അവസരം.

364 ഒഴിവുകളുമായി ട്രെയിൻഡ് ഗ്രാജുവേറ്റ് ടീച്ചർ–സ്പെഷൽ എജ്യുക്കേഷൻ ടീച്ചർ. ഈ തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ബിരുദം, ബിഎഡ് (സ്പെഷൽ എജ്യുക്കേഷൻ) അല്ലെങ്കിൽ ബിഎഡ്, സ്പെഷൽ എജ്യുക്കേഷനിൽ 2 വർഷ ഡിപ്ലോമ അല്ലെങ്കിൽ സ്പെഷൽ എജ്യുക്കേഷനിൽ പോസ്റ്റ് ഗ്രാജുവേറ്റ് പ്രഫഷനൽ ഡിപ്ലോമ അല്ലെങ്കിൽ റീഹാബിലിറ്റേഷൻ കൗൺസിൽ ഒാഫ് ഇന്ത്യ അംഗീകരിച്ച മറ്റ് തത്തുല്യ യോഗ്യത. സിടിഇടി. പ്രായം 30 വയസ്സ് കവിയരുത്. പ്രതിമാസം 9,300–34,800+ഗ്രേഡ് പേ 4600 രൂപയാണ് ശമ്പളം.

∙54 ഒഴിവുകളുമായി എജ്യുക്കേഷനൽ ആൻഡ് വൊക്കേഷനൽ ഗൈഡൻസ് കൗൺസലർ. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത സൈക്കോളജിയിൽ പിജി, ഗൈഡൻസ് ആൻഡ് കൗൺസിലിങ്ങിൽ ഡിപ്ലോമ. പ്രായം 30 വയസ്സ് കവിയരുത്. പ്രതിമാസം 9,300–34,800+ഗ്രേഡ് പേ 4800 രൂപയാണ് ശമ്പളം.

27 ഒഴിവുകളുമായി പിജിടി–ഇംഗ്ലിഷ്. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ഇംഗ്ലിഷിൽ പിജി, ട്രെയിനിങ്/എജ്യുക്കേഷനിൽ ബിരുദം/ഡിപ്ലോമ (അർഹർക്ക് ഇളവ്). പ്രായം 30 കവിയരുത്. പ്രതിമാസം 9,300–34,800+ഗ്രേഡ് പേ 4800 ആണ് ശമ്പളം.

21 ഒഴിവുകളുമായി പിജിടി സാൻസ്ക്രിട്. സ്ത്രീകൾക്കാണ് അവസരം. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ബന്ധപ്പെട്ട വിഷയത്തിൽ പിജി/തത്തുല്യം, ട്രെയിനിങ്/എജ്യുക്കേഷനിൽ ബിരുദം/ഡിപ്ലോമ (അർഹർക്ക് ഇളവ്). പ്രായം 36 വയസ്സിൽ താഴെയായിരിക്കണം. പ്രതിമാസം 9,300–34,800+ഗ്രേഡ് പേ 4800 ആണ് ശമ്പളം.

19 ഒഴിവുകളുമായി പിജിടി കംപ്യൂട്ടർ സയൻസ്. സ്ത്രീകൾക്കാണ് അവസരം. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ബി/ബിടെക് (സിഎസ്/ഐടി), പിജിഡിസിഎ/ ബി/സി ലെവൽ ഡിപ്ലോമ (DOEACC), ഒരു വർഷ അധ്യാപന പരിചയം അല്ലെങ്കിൽ എംഎസ്‌സി കംപ്യൂട്ടർ സയൻസ്/എംസിഎ, ഒരു വർഷ അധ്യാപന പരിചയം അല്ലെങ്കിൽ മാസ്റ്റർ ഒാഫ് എൻജിനീയറിങ്/എംടെക് (സിഎസ്/ഐടി) പ്രായം 30 വയസ്സ് കവിയരുത്. പ്രതിമാസം 9,300–34,800+ഗ്രേഡ് പേ 4800 രൂപയാണ് ശമ്പളം.

18 ഒഴിവുകളുമായി ഡപ്യൂട്ടി മാനേജർ–അക്കൗണ്ട്സ്. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത രണ്ടാം ക്ലാസോടെ എംകോം/ഒന്നാം ക്ലാസോടെ ബികോം, 2 വർഷ പരിചയം ഉണ്ടായിരിക്കണം. പ്രായം 35ൽ താഴെയായിരിക്കണം. പ്രതിമാസം 9,300–34,800+ഗ്രേഡ് പേ 4600 രൂപയാണ് ശമ്പളം.

അപേക്ഷ ഫീസ് 100 രൂപയാണ്. പട്ടികവിഭാഗം, ഭിന്നശേഷിക്കാർ, വിമുക്‌തഭടൻ, സ്ത്രീകൾക്കു ഫീസില്ല. എസ്‌ബിഐ ഇ-പേ മുഖേന ഫീസ് അടയ്‌ക്കാം.

കംപ്യൂട്ടർ ബേസ്ഡ് പരീക്ഷ, സ്‌കിൽ ടെസ്‌റ്റ്/ശാരീരികക്ഷമത പരീക്ഷ/ഡ്രൈവിങ് ടെസ്റ്റ് (ബാധകമായവർ) എന്നിവ മുഖേനയായിരിക്കും തിരഞ്ഞെടുക്കുന്നത്. ഡൽഹിയിലായിരിക്കും പരീക്ഷാകേന്ദ്രം. കൂടുതൽ വിവരങ്ങൾ അറിയുവാൻ https://dsssb.delhi.gov.in എന്ന വെബ്സൈറ്റ് സന്ദർശിക്കുക.