കേന്ദ്ര പ്രതിരോധ മന്ദ്രാലയത്തിന് കീഴിലുള്ള ബോർഡർ റോഡ്‌സ് ഓർഗനൈസേഷനിൽ ജനറൽ സർവീസ് എഞ്ചിനീയർ ഫോഴ്‌സിലേക്ക് അപേക്ഷകൾ ക്ഷണിച്ചു. വിവിധ തസ്തികകളിലായി 246 ഒഴിവുകളാണ് ഉള്ളത്. ബാക്ക് ലോഗ് ഒഴിവുകൾ ഉൾപ്പെടെ ആണിത്. പുരുഷൻമാർക്കാണ് അവസരം.

14 ഒഴിവുകളുമായി ഡ്രോഡ്സ്മാൻ, 7 ഒഴിവുകളുമായി സൂപ്പർവൈസർ (അഡ്മിനിസ്ട്രേഷൻ), 13 ഒഴിവുകളുമായി സൂപ്പർവൈസർ സ്റ്റോഴ്സ്, 9 ഒഴിവുകളുമായി സൂപ്പർവൈസർ സിഫർ, 10 ഒഴിവുകളുമായി ഹിന്ദി ടൈപ്പിസ്റ്റ്, 35 ഒഴിവുകളുമായി ഓപ്പറേറ്റർ (കമ്മ്യൂണിക്കേഷൻ), 30 ഒഴിവുകളുമായി ഇലക്ട്രിഷ്യൻ, 24 ഒഴിവുകളുമായി വെൽഡർ, 22 ഒഴിവുകളുമായി മൾട്ടി സ്‌കിൽഡ് വർക്കർ (ബ്ലാക്ക് സ്മിത്ത്), 82 ഒഴിവുകളുമായി മൾട്ടി സ്‌കിൽഡ് വർക്കർ (കുക്ക്).

ഭിന്നശേഷിക്കാർക്ക് ഇലെക്ട്രിഷ്യൻ തസ്തികയിൽ മൂന്ന് ഒഴിവും, ഡോക്ടറ്സ്മാൻ, സൂപ്പർവൈസർ, സിഫർ, ഓപ്പറേറ്റർ (കമ്മ്യൂണിക്കേഷൻ), വെൽഡർ, എം എസ് ഡബ്ള്യു, ബ്ലാക്ക് സ്മിത്ത് തസ്തികകളിൽ ഓരോ ഒഴിവും നീക്കി വച്ചിട്ടുണ്ട്.

പ്രായം, യോഗ്യത, അപേക്ഷ സ്വീകരിക്കുന്ന അവസാന തീയതി എന്നിവയുൾപ്പെടെയുള്ള വിവരങ്ങൾ www.bro.gov.in എന്ന വെബ്‌സൈറ്റിൽ ഉടൻ പ്രസിദ്ധീകരിക്കും.

ബോർഡർ റോഡ്സ് ഓർഗനൈസേഷൻ (BRO) എന്നത് ഇന്ത്യയിലെ ഒരു റോഡ് നിർമ്മാണ എക്സിക്യൂട്ടീവ് സേനയാണ്.അത് ഇപ്പോൾ ഇന്ത്യൻ സായുധ സേനയുടെ ഭാഗമാണ്. BRO ഇന്ത്യയുടെ അതിർത്തി പ്രദേശങ്ങളിലും സൗഹൃദപരമായ അയൽ രാജ്യങ്ങളിലും റോഡ് ശൃംഖലകൾ വികസിപ്പിക്കുകയും പരിപാലിക്കുകയും ചെയ്യുന്നു. ഇതിൽ 19 സംസ്ഥാനങ്ങളിലെയും മൂന്ന് കേന്ദ്രഭരണ പ്രദേശങ്ങളിലെയും (ആൻഡമാൻ നിക്കോബാർ ദ്വീപുകൾ ഉൾപ്പെടെ) അയൽരാജ്യങ്ങളായ അഫ്ഗാനിസ്ഥാൻ, ഭൂട്ടാൻ, മ്യാൻമർ, താജിക്കിസ്ഥാൻ, ശ്രീലങ്ക എന്നിവിടങ്ങളിലെ അടിസ്ഥാന സൗകര്യ പ്രവർത്തനങ്ങൾ ഉൾപ്പെടുന്നു. 2015-ലെ കണക്കനുസരിച്ച്, BRO 50,000 കിലോമീറ്റർ (31,000 മൈൽ) റോഡുകളും 450-ലധികം സ്ഥിരമായ പാലങ്ങളും മൊത്തം 44,000 മീറ്ററിലധികം (27 മൈൽ) നീളവും തന്ത്രപ്രധാനമായ സ്ഥലങ്ങളിൽ 19 എയർഫീൽഡുകളും നിർമ്മിച്ചു. സ്നോ ക്ലിയറൻസ് പോലുള്ള പ്രവർത്തനങ്ങൾ ഉൾപ്പെടെ ഈ ഇൻഫ്രാസ്ട്രക്ചർ പരിപാലിക്കുന്നതിനും BRO ചുമതലപ്പെടുത്തിയിട്ടുണ്ട്.