കൊൽക്കത്തയിലെ സത്യജിത് റായ് ഫിലിം ആൻഡ് ടെലിവിഷൻ ഇൻസ്റ്റിറ്റിയൂട്ടിൽ വിവിധ തസ്തികകളിലായി അഞ്ച് ഒഴിവിലേക്ക് അപേക്ഷകൾ ക്ഷണിച്ചു.അപേക്ഷിക്കേണ്ട അവസാന തീയതി സെപ്റ്റംബർ 11.

1 ഒഴിവുമായി ചീഫ് അക്കൗണ്ട്സ് ഓഫീസർ , 1 ഒഴിവുമായി പ്രൊജക്ഷൻ റൂം ഓപ്പറേറ്റർ, ഹിന്ദി ടൈപ്പിസ്റ്റ്, അഡ്മിനിസ്‌ട്രേറ്റീവ് ഓഫീസർ കം സെക്യൂരിറ്റി/ എസ്റ്റേറ്റ് മാനേജർ, അസിസ്റ്റന്റ് എന്നി തസ്തികകളിൽ ഓരോ ഒഴിവാണുള്ളത്.

അഡ്മിനിസ്‌ട്രേറ്റീവ് ഓഫീസർ കം സെക്യൂരിറ്റി/ എസ്റ്റേറ്റ് മാനേജർ, അസിസ്റ്റന്റ് തസ്തികകളിലേത് ഡെപ്യുട്ടേഷൻ നിയമനവും മറ്റുള്ളവയിൽ നേരിട്ടുള്ള നിയമനവുമാണ്. ഹിന്ദി ടൈപ്പിസ്റ്റ് ഒഴിവ് ഭിന്നശേഷി (എച് എച്/ വൺ ലെഗ്) വിഭാഗക്കാർക്കുള്ള സ്പെഷ്യൽ റിക്രൂട്ട്മെന്റ് ആണ്.

കൂടുതൽ വിവരങ്ങൾ അറിയുവാൻ www.srfti.ac.in എന്ന വെബ്സൈറ്റ് സന്ദർശിക്കുക.

സത്യജിത് റേ ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ട് (SRFTI) ഇന്ത്യയിലെ പശ്ചിമ ബംഗാളിലെ കൊൽക്കത്തയിൽ സ്ഥിതി ചെയ്യുന്ന ഒരു ചലച്ചിത്ര-ടെലിവിഷൻ സ്ഥാപനമാണ്. ഇന്ത്യൻ ചലച്ചിത്ര നിർമ്മാതാവ് സത്യജിത് റേയുടെ പേരിലുള്ള ഈ സ്ഥാപനം, ചലച്ചിത്ര നിർമ്മാണം, ടെലിവിഷൻ നിർമ്മാണം എന്നിവയുടെ കലയിലും സാങ്കേതികതയിലും ഉന്നതവും പ്രൊഫഷണൽ വിദ്യാഭ്യാസവും സാങ്കേതിക വൈദഗ്ധ്യവും നൽകുന്നു. 1995-ൽ സ്ഥാപിതമായ ഈ സ്ഥാപനം ഇന്ത്യാ ഗവൺമെന്റിന്റെ ഇൻഫർമേഷൻ ആന്റ് ബ്രോഡ്കാസ്റ്റിംഗ് മന്ത്രാലയത്തിന്റെ ധനസഹായത്തോടെയുള്ള ഒരു സ്വയംഭരണ സ്ഥാപനമാണ്.