ഒഴിവുകൾ കെ എസ് സി ബിയിലേക്കുള്ള നേരിട്ടുള്ള നിയമനം ആണ് . 131 (ഇലക്‌ട്രിക്കൽ) സബ് എഞ്ചിനീയർ ഒഴിവുകളാണ് ഉള്ളത് 30 നവംബർ 2021 നു വന്ന നോട്ടിഫിക്കേഷൻ ആണെങ്കിലും അപേക്ഷിക്കാനുള്ള തീയ്യതി ഇപ്പോൾ 25 ഓഗസ്റ്റ് 2022 വരെ നീട്ടിയിട്ടുണ്ട്. 41,600 മുതൽ 82,400 രൂപയാണ് പ്രതിമാസ ശമ്പളം. കേരളത്തിൽ എവിടെയും നിയമനം പ്രതീക്ഷിക്കാം. ഓൺലൈൻ ആയാണ് അപേക്ഷിക്കേണ്ടത് .

18 വയസ്സിനും 36 വയസ്സിനും ഇടയിൽ ഉള്ളവർക്ക് അപേക്ഷിക്കാം . അതായത് 02.01.1985 നും 01.01.2003 നും ഇടയിൽ ജനിച്ച ഉദ്യോഗാർത്ഥികൾക്ക് മാത്രമേ ഈ തസ്തികയിലേക്ക് അപേക്ഷിക്കാൻ അർഹതയുള്ളൂ. എസ്‌സി/എസ്‌ടി, ഒബിസി ഉദ്യോഗാർത്ഥികൾക്ക് പ്രായത്തിൽ നിയമാനുസൃതമായ ഇളവ് ലഭിക്കും.

ഓൾ ഇന്ത്യ കൗൺസിൽ ഫോർ ടെക്നിക്കൽ എജ്യുക്കേഷൻ AICTE അംഗീകരിച്ച 3 വർഷത്തെ റെഗുലർ / പാർട്ട് ടൈം ഇലക്ട്രിക്കൽ / ഇലക്ട്രിക്കൽ & ഇലക്ട്രോണിക്സ് എഞ്ചിനീയറിംഗിൽ ഡിപ്ലോമ ആണ് അടിസ്ഥാന യോഗ്യത . എഞ്ചിനീയറിംഗ് ബിരുദം അല്ലെങ്കിൽ ഇലക്ട്രിക്കൽ / ഇലക്ട്രിക്കൽ & ഇലക്ട്രോണിക്സ് എഞ്ചിനീയറിംഗിൽ ബിരുദാനന്തര ബിരുദം ഉള്ളവർക്കും പോസ്റ്റിന് അപേക്ഷിക്കാൻ അർഹതയുണ്ട്.

ഓൺലൈനായി അപേക്ഷിക്കാനുള്ള അവസാന തീയതി 2022 ഓഗസ്റ്റ് 25 വരെയാണ് . https://thulasi.psc.kerala.gov.in/. പി എസ സി യുടെ ഒദ്യോഗിക വെബ്സൈറ്റ് വഴി അപേക്ഷിക്കാം.