കേന്ദ്ര പോലീസ് സേനകളിൽ സബ് ഇൻസ്‌പെക്ടർ ഒഴിവുകൾ. 4300 ഒഴിവുകളാണ് ആകെ ഉള്ളത്. സബ് ഇൻസ്പെക്ടർ ഒഴിവിലേക്ക് സ്‌റ്റാഫ് സിലക്‌ഷൻ കമ്മിഷൻ (എസ്‌എസ്‌സി) അപേക്ഷകൾ ക്ഷണിച്ചു. സ്ത്രീകൾക്കും അപേക്ഷിക്കാം. സെൻട്രൽ ആർമെഡ് പൊലീസ് ഫോഴ്‌സസിൽ (സിഎപിഎഫ്) 3960 ഒഴിവും ഡൽഹി പൊലീസിൽ 340 ഒഴിവുകളുമാണുള്ളത്. ഡിപ്പാർട്മെന്റൽ, വിമുക്തഭട ഒഴിവുകൾ ഉൾപ്പെടെയാണിത്. അപേക്ഷിക്കേണ്ട അവസാന തീയതി ഓഗസ്റ്റ് 30.

ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത ബിരുദം ആണ്. ഡൽഹി പൊലീസിലേക്ക് അപേക്ഷിക്കുന്ന പുരുഷന്മാർ കായികക്ഷമതാ പരീക്ഷാവേളയിൽ നിലവിലുള്ള ഡ്രൈവിങ് ലൈസൻസ് (കാർ/ ഇരുചക്രം) ഹാജരാക്കണം.

20 മുതൽ 25 വയസ്സ് വരെയാണ് അപേക്ഷകരുടെ പ്രായപരിധി. അർഹർക്ക് ഇളവ്. 35,400 മുതൽ 1,12,400 രൂപ വരെയാണ് പ്രതിമാസ ശമ്പളം. ശാരീരികയോഗ്യതയാണ് ഇനി പറയാൻ പോകുന്നത്: പുരുഷൻമാർക്ക് ഉയരം, 170 സെ.മീ, നെഞ്ചളവ് 80–85 സെ.മീ. എസ്ടി വിഭാഗക്കാർക്ക് ഉയരം 162.5 സെ.മീ, നെഞ്ചളവ് 77–82 സെ.മീ. സ്ത്രീകൾക്ക് ഉയരം 157 സെ.മീ, എസ്ടി വിഭാഗക്കാർക്ക് ഉയരം: 154 സെ.മീ, തൂക്കം ഉയരത്തിന് ആനുപാതികം.

കാഴ്‌ചശക്‌തി: കണ്ണടയില്ലാതെ രണ്ടു കണ്ണുകൾക്കും 6/6, 6/9. കൂട്ടിമുട്ടുന്ന കാൽമുട്ടുകൾ, പരന്ന പാദം, പിടച്ച ഞരമ്പുകൾ, കോങ്കണ്ണ് എന്നിവ അയോഗ്യതയാണ്.

രണ്ടു ഘട്ടം എഴുത്തുപരീക്ഷകൾ, കായികക്ഷമതാ പരീക്ഷ, വൈദ്യപരിശോധന എന്നിവയുണ്ട്. പരീക്ഷാ സിലബസ് സൈറ്റിൽ. ആദ്യഘട്ട പരീക്ഷയിൽ വിജയിക്കുന്നവർക്ക് കായികക്ഷമതാ പരീക്ഷ; ഇതിൽ വിജയിക്കുന്നവർക്കു രണ്ടാം ഘട്ട പരീക്ഷ നടത്തും.

കണ്ണൂർ, കോഴിക്കോട്, തൃശൂർ, കോട്ടയം, കൊല്ലം, തിരുവനന്തപുരം എന്നിവിടങ്ങളിൽ ആയിട്ടായിരിക്കും കേരളത്തിലെ പരീക്ഷ കേന്ദ്രങ്ങൾ. ഒരേ റീജനിലെ 3 കേന്ദ്രങ്ങൾ മുൻഗണനാക്രമത്തിൽ തിരഞ്ഞെടുക്കാം.

100 രൂപയാണ് അപേക്ഷ ഫീസ്. സ്‌ത്രീകൾക്കും പട്ടികവിഭാഗക്കാർക്കും വിമുക്‌തഭടന്മാർക്കും ഫീസില്ല. കൂടുതൽ വിവരങ്ങൾ അറിയാൻ www.ssc.nic.in എന്ന വെബ്സൈറ്റ് സന്ദർശിക്കേണ്ടതാണ്.