ബിർബൽ സാഹ്‌നി ഇൻസ്റ്റിറ്റ്യൂട്ട് ഓഫ് പാലിയോസയൻസസ് (BSIP) ൽ ഒഴിവുകൾ. ഓഗസ്റ്റ് 12 മുതൽ അപേക്ഷകൾ ക്ഷണിച്ചു തുടങ്ങി. ഓഗസ്റ്റ് 28 വരെ അപേക്ഷിക്കാം .

അപ്പർ ഡിവിഷൻ ക്ലർക്ക് (യുഡിസി), ടെക്‌നിക്കൽ അസിസ്റ്റന്റ് എന്നീ തസ്തികകളിലേക്ക് 23 ഒഴിവുകളാണ് ഉള്ളത്. ഓൺലൈൻ ആയി അപേക്ഷിക്കാം . ഔദ്യോഗിക വെബ്‌സൈറ്റായ https://bsip.res.in/-ൽ അപേക്ഷിക്കാനുള്ള ലിങ്ക് ഉണ്ട്.

ടെക്നിക്കൽ അസിസ്റ്റന്റ്-A തസ്തികയിലേക്ക് 5 ഒഴിവുകൾ ആണ് ഉള്ളത് .19,900–63,200 രൂപവരെയാണ് പ്രതിമാസ ശമ്പളം. 18 വയസ്സുമുതൽ 28 വയസ്സുവരെ ഉള്ളവർക്ക് അപേക്ഷിക്കാം .

ടെക്നിക്കൽ അസിസ്റ്റന്റ്-D തസ്തികയിലേക്ക് 13 ഒഴിവുകളാണ് ഉള്ളത്. 29,200 - 92,300 രൂപവരെയാണ് പ്രതിമാസ ശമ്പളം. 18 വയസ്സുമുതൽ 28 വയസ്സുവരെ ഉള്ളവർക്ക് അപേക്ഷിക്കാം

അപ്പർ ഡിവിഷൻ ക്ലാർക്ക് (UDC) വിഭാഗത്തിൽ 05 ഒഴിവുകളാണ് ഉള്ളത് .25,500-81,100 രൂപവരെയാണ് പ്രതിമാസ ശമ്പളം. 18 വയസ്സുമുതൽ 25 വയസ്സുവരെ ഉള്ളവർക്ക് അപേക്ഷിക്കാം

ഉയർന്ന പ്രായപരിധിയിൽ എസ്‌സി/എസ്‌ടിക്ക് 5 വർഷം ഇളവുണ്ട്; ഒബിസിക്ക് 3 വർഷവും വികലാംഗർക്ക് 10 വർഷവും (എസ്‌സി/എസ്ടി പിഡബ്ല്യുഡിക്ക് 15 വർഷവും ഒബിസി പിഡബ്ല്യുഡിക്ക് 13 വർഷവും), എക്‌സ്-സർവീസുകാർക്ക് സർക്കാർ മാനദണ്ഡങ്ങൾ അനുസരിച്ചുമുള്ള സർക്കാർ ഇളവ് ഉയർന്ന പ്രായപരിധിയിൽ നൽകും.

ടെക്‌നിക്കൽ അസിസ്റ്റന്റ്-എ തസ്തികയിലേക്ക് ഹൈസ്‌കൂൾ തലത്തിൽ 50% മാർക്കോടെ സയൻസ് അല്ലെങ്കിൽ മൊത്തം 50% മാർക്കോടെ തത്തുല്യ അംഗീകൃത യോഗ്യത ഉണ്ടായിരിക്കണം . ബന്ധപ്പെട്ട ട്രേഡിൽ 2 വർഷത്തെ ഐടിഐ സർട്ടിഫിക്കറ്റ് അല്ലെങ്കിൽ 50% മാർക്കോടെ സയൻസിനൊപ്പം 10 + 2 അല്ലെങ്കിൽ മൊത്തത്തിൽ 50% മാർക്കോടെ പ്രസക്തമായ സാങ്കേതിക വിഷയങ്ങളിൽ തത്തുല്യ അംഗീകൃത യോഗ്യത ഉണ്ടായിരിക്കണം. 

ടെക്‌നിക്കൽ അസിസ്റ്റന്റ്-ഡി തസ്തികയിലേക്ക് ഒന്നാം ക്ലാസ് ബിഎസ്‌സി/ബി. ലിബ് അല്ലെങ്കിൽ അംഗീകൃത തത്തുല്യ യോഗ്യതയോ 3 വർഷത്തെ മുഴുവൻ സമയ ദൈർഘ്യമുള്ള എൻജിനീയറിങ്/ അല്ലെങ്കിൽ ടെക്‌നോളജിയിൽ ഒന്നാം ക്ലാസ് ഡിപ്ലോമയോ അല്ലെങ്കിൽ അംഗീകൃത തത്തുല്യ യോഗ്യതയോ ഉണ്ടായിരിക്കണം.

അപ്പർ ഡിവിഷൻ ക്ലർക്ക് (UDC) അവശ്യ യോഗ്യത: അംഗീകൃത സർവകലാശാലയിൽ നിന്നുള്ള ബിരുദവും കമ്പ്യൂട്ടറിൽ ഇംഗ്ലീഷിൽ 35 wpm /അല്ലെങ്കിൽ ഹിന്ദിയിൽ 30 wpm ടൈപ്പിംഗ് വേഗതയും ആണ്.

ബിർബൽ സാഹ്നി ഇൻസ്റ്റിറ്റ്യൂട്ട് ഓഫ് പാലിയോസയൻസസിലെ ഏറ്റവും പുതിയ ഈ 23 ഒഴിവുകളിലേക്ക് അപേക്ഷിക്കാൻ ഉദ്യോഗാർത്ഥികൾക്ക് നോട്ടിഫൈഡ് മോഡിൽ ഇപ്പോൾ അപേക്ഷാ ഫീസ് അടയ്ക്കാം..ഓർക്കുക, ഒരിക്കൽ അടച്ച അപേക്ഷാ ഫീസ് തിരികെ ലഭിക്കില്ല.

ഫീസ് ഇളവ് ക്ലെയിം ചെയ്യുന്ന അപേക്ഷകർ ബന്ധപ്പെട്ട സർട്ടിഫിക്കറ്റ് കൈവശം വയ്ക്കണം. ക്രെഡിറ്റ് കാർഡ്/ഡെബിറ്റ് കാർഡ്/നെറ്റ് ബാങ്കിംഗ് വഴി ഓൺലൈനായാണ് പേയ്‌മെന്റ് അടയ്‌ക്കേണ്ടത്. അപേക്ഷാ ഫീസ് അടക്കാതെ അപേക്ഷാ ഫോം മാത്രം അയക്കുന്നവരുടെ അപേക്ഷ നിരസിക്കും. ജനറൽ/ ഒബിസിക്കാർക്ക് 500/- രൂപയാണ് ഫീസ് . SC/ST/PH/വനിതകൾ എന്നിവർക്ക് ഫീസില്ല. കൂടുതൽ റഫറൻസിനായി BSIP ഔദ്യോഗിക അറിയിപ്പ് 2022 പരിശോധിക്കുക. അപേക്ഷിക്കാനുള്ള ലിങ്ക് ഔദ്യോഗിക വെബ്‌സൈറ്റായ https://bsip.res.in/ -ൽ ഉണ്ട്.