ആർമി വെൽഫെയർ എഡ്യൂക്കേഷൻ സൊസൈറ്റിക്ക് കീഴിലെ ആർമി പബ്ലിക് സ്‌കൂളുകളിൽ അധ്യാപകരാകാൻ അവസരം. ഓൺലൈനായി അപേക്ഷിക്കേണ്ട അവസാന തീയതി ഒക്ടോബർ 5 വരെ.

പി ജി ടി (ഇംഗ്ലീഷ്, ഹിന്ദി, എക്കൊണോമിക്സ്, ഹിസ്റ്ററി, ജ്യോഗ്രഫി, പൊളിറ്റിക്കൽ സയൻസ്, സൈക്കോളജി, ഹോം സയൻസ്, മാത്‍സ്, ഫൈൻ ആർട്സ്, ഫിസിക്സ്, കെമിസ്ട്രി, ബയോളജി, ബയോടെക്കനോളജി, അക്കൗണ്ടൻസി, ബിസിനസ് സ്റ്റഡീസ്, കംപ്യുട്ടർ സയൻസ്, ഇൻഫർമാറ്റിക്‌സ് പ്രാക്ടീസസ്, ഫിസിക്കൽ എഡ്യൂക്കേഷൻ) എന്നീ വിഷയങ്ങളിലാണ് ഒഴിവുകൾ. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത 50% മാർക്കോടെ പി ജി, ബി എഡ്.

ടി ജി ടി (സാൻസ്‌ക്രിറ്റ്, ഹിന്ദി, ഇംഗ്ലീഷ്, സോഷ്യൽ സ്റ്റഡീസ്, മാത്‍സ്, സയൻസ്, കമ്പ്യൂട്ടർ സയൻസ്) എന്നീ വിഷയങ്ങളിലാണ് ഒഴിവുകൾ. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത 50% മാർക്കോടെ ബിരുദം, ബി എഡ്.

പി ആർ ടി തസ്തികയിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത 50% മാർക്കോടെ ബിരുദം, DEI.ED/ BEI.ED/ B.ED എന്നിവയാണ്.

നിയമനം ലഭിക്കുമ്പോൾ ടി ജി ടി, പി ആർ ടി കാർക്ക് സി ടി ഇ ഡി/ ടെറ്റ് യോഗ്യത ഉണ്ടായിരിക്കണം.

ഇതിലേക്ക് അപേക്ഷിക്കാനുള്ള പ്രായം, തുടക്കക്കാർക്ക് 40-ൽ താഴെ. പരിചയമുള്ളവർക്ക് 57-ൽ താഴെ. ഇവർ കഴിഞ്ഞ 10 വർഷത്തിനുള്ളിൽ 5 വർഷമെങ്കിലും അധ്യാപകരായി പ്രവർത്തിച്ചിരിക്കണം.

യോഗ്യത പ്രായം സംബന്ധിച്ച കൂടുതൽ വിവരങ്ങൾ അറിയാൻ വെബ്സൈറ്റ് സന്ദർശിക്കേണ്ടതാണ്. ഓൺലൈൻ സ്ക്രീനിംഗ് ടെസ്റ്റ്, ഇന്റർവ്യൂ, ടീച്ചിങ് അഭിരുചി, കമ്പ്യൂട്ടർ പ്രൊഫിഷൻസി എന്നിവ അടിസ്ഥാനമാക്കിയായിരിക്കും തിരഞ്ഞെടുപ്പ് നടക്കുന്നത്.

നവംബര് 5, 6 തീയതികളിലായിരിക്കും ടെസ്റ്റ് നടക്കുന്നത്. തിരുവനന്തപുരത്തും പരീക്ഷ കേന്ദ്രങ്ങളുണ്ട്. കൂടുതൽ വിവരങ്ങൾ അറിയാൻ www.awesindia.com എന്ന വെബ്സൈറ്റ് സന്ദർശിക്കുക.

ഇന്ത്യൻ സായുധ സേനാംഗങ്ങളുടെ കുട്ടികൾക്ക് വിദ്യാഭ്യാസം നൽകുന്നതിനായി സ്ഥാപിതമായ സ്വകാര്യ സ്കൂളുകളുടെ ഒരു സംവിധാനമാണ് ആർമി പബ്ലിക് സ്കൂളുകൾ (APS). രാജ്യത്തുടനീളം 137 സ്കൂളുകളുള്ള ഇത് ഇന്ത്യയിലെ ഏറ്റവും വലിയ സ്കൂളുകളുടെ ശൃംഖലകളിലൊന്നാണ്. 1983-ൽ സ്ഥാപിതമായ ആർമി വെൽഫെയർ എഡ്യൂക്കേഷൻ സൊസൈറ്റി (AWES) ആണ് ഇത് നിയന്ത്രിക്കുന്നത്, വർഷങ്ങളായി ഇന്ത്യയിലുടനീളം 135-ലധികം ആർമി പബ്ലിക് സ്കൂളുകളും 249 ആർമി പ്രീ-പ്രൈമറി സ്കൂളുകളും കൂടാതെ നിരവധി ഉന്നത വിദ്യാഭ്യാസ സ്ഥാപനങ്ങളും സ്ഥാപിച്ചിട്ടുണ്ട്.