ഭാരത് പെട്രോളിയം കോപ്പറേഷൻ ലിമിറ്റഡിന്റെ കൊച്ചി റിഫൈനറി യൂണിറ്റിൽ അപ്രന്റിസ്‌ ഒഴിവുകൾ. ആകെ 102 ഒഴിവുകളാണുള്ളത്. എഞ്ചിനീയറിംഗ് ബിരുദക്കാർക്ക് അപേക്ഷിക്കാം. ഓൺലൈനായി അപേക്ഷിക്കേണ്ട അവസാന തീയതി സെപ്തംബർ 6.

കെമിക്കൽ, സിവിൽ, കമ്പ്യൂട്ടർ സയൻസ്, ഇലക്ട്രിക്കൽ, ഇലക്ട്രിക്കൽ ആൻഡ് ഇലക്ട്രോണിക്സ്, സേഫ്റ്റി, ഫയർ, മെക്കാനിക്കൽ, ഇൻസ്ട്രുമെന്റഷന്, അപ്പളായിട് ഇലക്ട്രോണിക്സ്, കൺട്രോൾ, മെറ്റലർജി എഞ്ചിനീയറിംഗ് എന്നി വിഭാഗങ്ങളിലായിട്ടാണ് ഒഴിവുകൾ.

25,000 രൂപയാണ് സ്റ്റയിഫൻഡ്. അതോടൊപ്പം ഒരു വർഷത്തെ പരിശീലനം ഉണ്ടായിരിക്കും. 60% മാർക്കോടെ എഞ്ചിനീയറിംഗ് ബിരുദമാണ് വിദ്യാഭ്യാസ യോഗ്യത. 2020, 2021, 2022 വർഷങ്ങളിൽ പാസായവർക്കാണ് അവസരം.

കൊച്ചി നഗരത്തിലെ ഒരു ക്രൂഡ് ഓയിൽ റിഫൈനറിയാണ് കൊച്ചി റിഫൈനറി (കെആർ). പ്രതിവർഷം 15.5 ദശലക്ഷം ടൺ ഉൽപ്പാദന ശേഷിയുള്ള ഇന്ത്യയിലെ ഏറ്റവും വലിയ പൊതുമേഖലാ റിഫൈനറിയാണിത്. മുമ്പ് കൊച്ചിൻ റിഫൈനറീസ് ലിമിറ്റഡ് എന്നറിയപ്പെട്ടിരുന്നു, പിന്നീട് കൊച്ചി റിഫൈനറീസ് ലിമിറ്റഡ് എന്ന് പുനർനാമകരണം ചെയ്യപ്പെട്ട ഇത് 2006-ൽ ഭാരത് പെട്രോളിയം കോർപ്പറേഷൻ ലിമിറ്റഡ് ഏറ്റെടുത്തു. നഗരമധ്യത്തിൽ നിന്ന് ഏകദേശം 12 കിലോമീറ്റർ (7.5 മൈൽ) കിഴക്കായി അമ്പലമുഗലിലാണ് റിഫൈനറി സ്ഥിതി ചെയ്യുന്നത്.