സെന്റർ ഫോർ പഴ്സനൽ ടാലന്റ് മാനേജ്മെന്റിൽ (CEPTAM) സീനിയർ ടെക്നിക്കൽ അസിസ്റ്റന്റ്–ബി, ടെക്നിഷ്യൻ–എ തസ്തികകളിലേക്കു പ്രവേശനപരീക്ഷ നടത്തുന്നു. കേന്ദ്ര പ്രതിരോധ വകുപ്പിനു കീഴിൽ ഡിആർഡിഒയുടെ കോർപറേറ്റ് സ്ഥാപനമാണ് ഇത്. ആകെ 1901 ഒഴിവുകളാണുള്ളത്. ഓൺലൈനായി അപേക്ഷിക്കേണ്ട അവസാന തീയതി സെപ്റ്റംബർ 23 വരെ. സീനിയർ ടെക്നിക്കൽ അസിസ്റ്റന്റ്, ടെക്നിഷ്യൻ എന്നി തസ്തികകളായിട്ടാണ് ഒഴിവുകൾ.

1075 ഒഴിവുകളോടെ സീനിയർ ടെക്നിക്കൽ അസിസ്റ്റന്റ്. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത സയൻസിൽ ഡിഗ്രി/എഐസിടിഇ അംഗീകൃത ഡിപ്ലോമ (ഓട്ടമൊബീൽ, കെമിക്കൽ, സിവിൽ, കംപ്യൂട്ടർ സയൻസ്, ഇലക്ട്രിക്കൽ & ഇലക്ട്രോണിക്സ്, ഇലക്ട്രിക്കൽ, ഇലക്ട്രോണിക്സ് & ഇൻസ്ട്രുമെന്റേഷൻ, ഇലക്ട്രോണിക്സ്, ഇലക്ട്രോണിക്സ് & കമ്യൂണിക്കേഷൻ, ടെലികമ്യൂണിക്കേഷൻ, ഇൻസ്ട്രുമെന്റേഷൻ, മെക്കാനിക്കൽ, മെറ്റലർജി, അഗ്രികൾചർ, ബോട്ടണി, കെമിസ്ട്രി, ലൈബ്രറി സയൻസ്, മാത്‌സ്, എംഎൽടി, ഫൊട്ടോഗ്രഫി, ഫിസിക്സ്, പ്രിന്റിങ് ടെക്നോളജി, സൈക്കോളജി, ടെക്സ്റ്റൈൽ, സുവോളജി) എന്നിവയാണ്.

ഇതിലേക്ക് അപേക്ഷിക്കാനുള്ള പ്രായപരിധി 18 മുതൽ 28 വയസ്സ് വരെയാണ്. അർഹർക്ക് ഇളവ്. പ്രതിമാസം 35,400–1,12,400 രൂപവരെയാണ് ശമ്പളം. സ്ക്രീനിങ് ടെസ്റ്റിന്റെയും സിലക്‌ഷൻ ടെസ്റ്റിന്റെയും അടിസ്ഥാനത്തിലാണ് തിരഞ്ഞെടുപ്പ് നടക്കുന്നത്.

∙826 ഒഴിവുകളോടെ ടെക്നിഷ്യൻ. ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത പത്താം ക്ലാസ്, ഐടിഐ യോഗ്യത (ഓട്ടമൊബീൽ, ബുക് ബൈൻഡർ, കാർപെന്റർ, സിഎൻസി ഓപ്പറേറ്റർ, സിഒപിഎ, ഡ്രാഫ്റ്റ്സ്മാൻ–മെക്കാനിക്കൽ, ഡിടിപി ഓപ്പറേറ്റർ, ഇലക്ട്രിഷ്യൻ, ഇലക്ട്രോണിക്സ്, ഫിറ്റർ, ഗ്രൈൻഡർ, മെഷിനിസ്റ്റ്, മെക്കാനിക് ഡീസൽ, മിൽ റൈറ്റ് മെക്കാനിക്, മോട്ടർ മെക്കാനിക്, പെയിന്റർ, ഫൊട്ടോഗ്രഫർ, റഫ്രിജറേഷൻ/എസി മെക്കാനിക്, ഷീറ്റ് മെറ്റൽ വർക്കർ, ടേണർ, വെൽഡർ) എന്നിവയാണ്.

ഇതിലേക്ക് അപേക്ഷിക്കാനുള്ള അപേക്ഷകരുടെ പ്രായപരിധി 18 മുതൽ 28 വയസ്സുവരെയാണ്. അർഹർക്ക് ഇളവ്. പ്രതിമാസം 19,900 മുതൽ 63,200 രൂപവരെയാണ് ശബളം. സിലക്‌ഷൻ ടെസ്റ്റിന്റെയും ട്രേഡ് സ്കിൽ ടെസ്റ്റിന്റെയും അടിസ്ഥാനത്തിലായിരിക്കും തിരഞ്ഞെടുപ്പ് നടക്കുന്നത്. കൂടുതൽ വിവരങ്ങൾ അറിയാൻ https://www.drdo.gov.in എന്ന വെബ്സൈറ്റ് സന്ദർശിക്കേണ്ടതാണ്.

സെന്റർ ഫോർ പേഴ്‌സണൽ ടാലന്റ് മാനേജ്‌മെന്റ് (CEPTAM) ഡിആർഡിഒയുടെ ഒരു കോർപ്പറേറ്റ് ബോഡിയാണ്, ഒരു സ്വതന്ത്ര ചെയർമാനും ഡയറക്ടറും അതിന്റെ അഡ്മിനിസ്‌ട്രേറ്റീവ് ഹെഡാണ്. ഡിആർഡിഒയുടെ ഡിആർടിസി കേഡർ (ടെക്‌നിക്കൽ സ്റ്റാഫ്) പരിപാലിക്കുന്നതിനായി 1995 നവംബറിൽ പേഴ്‌സണൽ അസസ്‌മെന്റ് സെന്റർ (പീസ്) ആയി സ്ഥാപിതമായ ഡിആർഡിഒയുടെ ഒരു പ്രധാന സംഘടനയാണിത്. ടെക്നിക്കൽ, അഡ്മിനിസ്ട്രേറ്റീവ്, അലൈഡ് വിഭാഗത്തിലുള്ള നോൺ-ഗസറ്റഡ് ഉദ്യോഗസ്ഥരുടെ റിക്രൂട്ട്മെന്റ്, ഡിആർടിസി ഓഫീസർമാരുടെയും സ്റ്റാഫിന്റെയും വിലയിരുത്തൽ, ഡിആർഡിഒയുടെ പരിശീലന നയം അനുസരിച്ച് ഈ കേഡർ വികസിപ്പിക്കുന്നതിനുള്ള പരിശീലനം എന്നിവ CEPTAM-നെ ചുമതലപ്പെടുത്തിയിരിക്കുന്നു.