നാഷണൽ ഹൈവേ അതോറിറ്റി ഓഫ് ഇന്ത്യ ഡെപ്യൂട്ടേഷൻ അടിസ്ഥാനത്തിൽ ജനറൽ മാനേജർ, ഡെപ്യൂട്ടി ജനറൽ മാനേജർ തസ്തികകളിലേക്ക് റിക്രൂട്ട്മെന്റിനായി ഓൺലൈൻ അപേക്ഷകൾ ക്ഷണിക്കുന്നു. സ്ഥാപനത്തിൽ ഡെപ്യൂട്ടി ജനറൽ മാനേജർ തസ്തികയിലേക്ക് 27 സീറ്റുകളും മാനേജർ തസ്തികയിലേക്ക് 22 തസ്തികകളും ഒഴിവുണ്ട്. ഡെപ്യൂട്ടേഷൻ കാലാവധി 3 വർഷമായിരിക്കും. എൻ എച്ച് എ ഐ ചെയർമാന്റെ അംഗീകാരത്തിന് ശേഷം ഇത് 2 വർഷത്തേക്ക് കൂടി നീട്ടാവുന്നതാണ്.

താൽപ്പര്യമുള്ള ഉദ്യോഗാർത്ഥികൾക്ക് എൻ എച്ച് എ ഐയുടെ ഔദ്യോഗിക വെബ്‌സൈറ്റായ https://nhai.gov.in/ വഴി അപേക്ഷിക്കാം. തസ്തികയിലേക്ക് അപേക്ഷിക്കാനുള്ള അവസാന തീയതി ഫെബ്രുവരി 2. ഡെപ്യൂട്ടി ജനറൽ മാനേജർ സ്ഥാനത്തേക്ക് തിരഞ്ഞെടുക്കപ്പെട്ട ഉദ്യോഗാർത്ഥികൾക്ക് പേ മാട്രിക്‌സ് ലെവൽ 12 അനുസരിച്ചും മാനേജർ തസ്തികയിലേക്ക് പേ മാട്രിക്‌സ് ലെവൽ 11 അനുസരിച്ചും ശമ്പളം ലഭിക്കും.

ഔദ്യോഗിക വെബ്‌സൈറ്റായ https://nhai.gov.in/ സന്ദർശിച്ച് ഹോംപേജിൽ എൻ എച്ച് എ ഐ റിക്രൂട്ട്‌മെന്റ് ഓപ്ഷനിൽ ക്ലിക്ക് ചെയ്യുക. നിങ്ങളുടെ പേര്, ഇ മെയിൽ ഐ ഡി, ഫോൺ നമ്പർ, ആധാർ കാർഡ് നമ്പർ എന്നിവ സമർപ്പിച്ച് സ്വയം രജിസ്റ്റർ ചെയ്യുക. രജിസ്റ്റർ ചെയ്ത ഐ ഡിയും പാസ്വേഡും ഉപയോഗിച്ച് അപേക്ഷാ ഫോം ആക്സസ് ചെയ്യുക. ആവശ്യമായ വിശദാംശങ്ങൾ സമർപ്പിച്ചുകൊണ്ട് അപേക്ഷാ ഫോം പൂരിപ്പിക്കുക.

ആവശ്യമായ രേഖകൾ അപ്ലോഡ് ചെയ്ത് അപേക്ഷാ ഫീസ് അടയ്ക്കുക. അപേക്ഷാ ഫോം സമർപ്പിക്കുകയും ഡൗൺലോഡ് ചെയ്യുകയും ചെയ്യുക. താൽപ്പര്യമുള്ള ഉദ്യോഗാർത്ഥികൾ റിക്രൂട്ട്മെന്റിന് യോഗ്യത നേടുന്നതിന് അംഗീകൃത സർവകലാശാലയിൽ നിന്നോ ഇൻസ്റ്റിറ്റ്യൂട്ടിൽ നിന്നോ സിവിൽ എഞ്ചിനീയറിംഗിൽ ബിരുദം നേടിയിരിക്കണം.

ഹൈവേകൾ, റോഡുകൾ, പാലങ്ങൾ എന്നിവയുമായി ബന്ധപ്പെട്ട ഇൻഫ്രാസ്ട്രക്ചർ സെക്ടർ പ്രോജക്ടുകൾ നടപ്പിലാക്കുന്നതിൽ അപേക്ഷകന് മൂന്ന് വർഷത്തെ പരിചയവും ഉണ്ടായിരിക്കണം. ഈ റിക്രൂട്ട്മെന്റ് ഡ്രൈവിന്റെ യോഗ്യതയ്ക്ക് ഉദ്യോഗാർത്ഥികളുടെ പ്രായം 56 വയസിന് താഴെയായിരിക്കണം. ഉദ്യോഗാർത്ഥികളെ മെറിറ്റിന്റെ അടിസ്ഥാനത്തിൽ ആണ് നിയമിക്കുന്നത് .തുടർന്ന് അഭിമുഖം നടത്തും. അഭിമുഖത്തിന് ശേഷം ഡോക്യുമെന്റ് വെരിഫിക്കേഷൻ നടത്തും. ഉദ്യോഗാർത്ഥികൾ റിക്രൂട്ട്മെന്റ് ഡ്രൈവ് സമയത്ത് മെഡിക്കൽ ടെസ്റ്റിന് വിധേയരാകേണ്ടി വരും.