ഭാരത് പെട്രോളിയം കോര്പറേഷന്റെ കൊച്ചി റിഫൈനറിയില് ജനറല് വര്ക്ക് മാന് (ട്രെയിനി) തസ്തികയിലെ 44 ഒഴിവുകളിലേക്ക് അപേക്ഷ ക്ഷണിച്ചു
ഭാരത് പെട്രോളിയം കോര്പറേഷന്റെ കൊച്ചി റിഫൈനറിയില് ജനറല് വര്ക്ക് മാന് (ട്രെയിനി) തസ്തികയിലെ 44 ഒഴിവുകളിലേക്ക് അപേക്ഷ ക്ഷണിച്ചു. കെമിക്കല്, മെക്കാനിക്കല്, ഇന്സ്ട്രുമെന്റേഷന് വിഭാഗങ്ങളിലാണ് ഒഴിവ്.
ജനറല് വര്ക്ക്മാന്- ബി (ട്രെയിനി)- കെമിക്കല്: 30 ഒഴിവ്.
ജനറല് വര്ക്ക്മാന്-ബി (ട്രെയിനി) മെക്കാനിക്കല്: 12 ഒഴിവ്.
ജനറല്വര്ക്ക്മാന്-ബി (ട്രെയിനി)ഇന്സ്ട്രുമെന്റേഷന്: രണ്ട്.
പ്രായം: 2018 മേയ് ഒന്നിന് 18- 30 വയസ്. എസ്സിക്കാര്ക്ക് അഞ്ചും ഒബിസിക്കാര്ക്ക് മൂന്നും വര്ഷം ഉയര്ന്ന പ്രായത്തില് ഇളവ് ലഭിക്കും.
യോഗ്യത: കെമിക്കല്/മെക്കാനിക്കല്/ഇന്സ്ട്രുമെന്റ് ടെക്നോളജി/ഇന്സ്ട്രുമെന്റേഷന് ആന്ഡ് കണ്ട്രോള്/ ഇലക്ട്രോണിക്സ്ആന്ഡ് ഇന്സ്ട്രുമെന്റേഷന് എന്ജിനിയറിംഗില് 60 ശതമാനം മാര്ക്കോടെ ഫസ്റ്റ് ക്ലാസ്എന്ജിനിയറിംഗ്/ ടെക്നോളജി ഡിപ്ലോമ. മുഴുവന് സമയ കോഴ്സ് ആയിരിക്കണം. ബിഇ, ബിടെക് പോലെയുള്ള ഉയര്ന്ന യോഗ്യത നേടിയവര് അപേക്ഷിക്കേണ്ടതില്ല. എസ്സി/ഒഎച്ച്/എച്ച്എച്ച് വിഭാഗക്കാര്ക്ക് ഡിപ്ലോമയ്ക്ക് അന്പതു ശതമാനം മാര്ക്കുണ്ടെങ്കില് അപേക്ഷിക്കാം.
പ്രവൃത്തിപരിചയം: റിഫൈനറിംഗ്/പെട്രോളിയം/പവര്/ലൂബ്/പെട്രോകെമിക്കല്/ഫെര്ട്ടിലൈസര് ഇന്ഡസ്ട്രിയില് ഒരു വര്ഷത്തെ പ്രവൃത്തിപരിചയം. അല്ലെങ്കില് ഒരു വര്ഷത്തെ അപ്രന്റീസ്ഷിപ്പ്ട്രെയിനിംഗ്.
യോഗ്യത സംബന്ധിച്ച കൂടുതല് വിവരങ്ങള്ക്ക് വെബ്സൈറ്റിലെ വിജ്ഞാപനം ശ്രദ്ധിക്കുക.
തെരഞ്ഞെടുപ്പ്: എഴുത്തുപരീക്ഷ, സ്കില്ടെസ്റ്റ് എന്നിവയിലൂടെയായിരിക്കും തെരഞ്ഞെടുപ്പ്. കൊച്ചിയിലായിരിക്കും പരീക്ഷാകേന്ദ്രം.
അപേക്ഷ: www.bhara tpetroleum.com എന്ന വെബ്സൈറ്റിലൂടെ ഓണ്ലൈനായി അയയ്ക്കുക.ഓണ്ലൈന് അപേക്ഷയുടെ പ്രിന്റൗട്ട് എടുത്ത് സൂക്ഷിക്കണം. തപാലില് അയയ്ക്കേണ്ട ആവശ്യമില്ല. ഓണ്ലൈന് പരീക്ഷാസമയത്ത് അഡ്മിറ്റ് കാര്ഡിനൊപ്പം ഇതു കൊണ്ടുവരണം.
ഓണ്ലൈന് അപേക്ഷ സ്വീകരിക്കുന്ന അവസാനതീയതി ജൂണ് 11.
കൂടുതല് വിവരങ്ങള്ക്ക് വെബ്സൈറ്റ് സന്ദര്ശിക്കുക.
https://www.facebook.com/Malayalivartha