പ്ലസ് വണ്‍ ആദ്യ ഘട്ട അലോട്ട്മെന്റ് പൂര്‍ത്തിയായി. ഇന്നലെ വൈകിട്ട് അഞ്ച് മണിവരെയായിരുന്നു പ്രവേശനം നേടാനുള്ള സമയം. മെരിറ്റില്‍ 2,41,104 പേര്‍ ഇടം നേടി. അതില്‍ 1,6,954 പേര്‍ക്ക് ആദ്യ ഓപ്ഷന്‍ തന്നെ ലഭിച്ചു. ആകെ മെരിറ്റ് സീറ്റുകള്‍ 3,03,409 ആണ്. വിവിധ സംവരണ വിഭാഗങ്ങളില്‍ അപേക്ഷകരില്ലാത്ത 62,305 സീറ്റുകള്‍ മൂന്നാമത്തെ അലോട്ട്മെന്റില്‍ മെരിറ്റിലേക്ക് മാറ്റും.

രണ്ടാംഘട്ട അലോട്ട്മെന്റ് 26 നും മൂന്നാമത്തെ അലോട്ട്മെന്റ് ജൂലായ് ഒന്നിനും പ്രസിദ്ധീകരിക്കും. ഇതുവരെ അപേക്ഷിക്കാത്തവര്‍ക്കും ഒന്നാം ഘട്ടത്തില്‍ തെറ്റായ വിവരങ്ങള്‍ നല്‍കിയതിനാലും ഫൈനല്‍ കണ്‍ഫര്‍മേഷന്‍ നല്‍കാത്തതിനാലും അലോട്മെന്റിനു പരിഗണിക്കപ്പെടാത്ത അപേക്ഷകര്‍ക്കും സപ്ലിമെന്ററി അലോട്മെന്റിനു പുതുതായി അപേക്ഷിക്കാം.