എം.ബി.ബി.എസ്/ ബി.ഡി.എസ്/ ബി.എസ്‌സി നഴ്‌സിങ് കോഴ്‌സുകളില്‍ അഖിലേന്ത്യ ക്വോട്ട, കല്‍പിത സര്‍വകലാശാലകള്‍, കേന്ദ്ര സര്‍വകലാശാലകള്‍/എയിംസ്/ ജിപ്‌മെര്‍ ഉള്‍പ്പെടെ സ്ഥാപനങ്ങളിലേക്കുള്ള കേന്ദ്ര കൗണ്‍സലിങ് നടപടികള്‍ക്കുള്ള സമയക്രമം പ്രസിദ്ധീകരിച്ചു. ഒന്നാം റൗണ്ട് അലോട്ട്‌മെന്റിനുള്ള രജിസ്‌ട്രേഷനും ഫീസടക്കലും ജൂലൈ 20 മുതല്‍ 25ന് ഉച്ചക്ക് 12വരെ നടത്താവുന്നതാണ്.

ഫീസടക്കാന്‍ 25ന് രാത്രി എട്ട് വരെ സമയം അനുവദിച്ചിട്ടുണ്ട്. ജൂലൈ 22 മുതല്‍ 26ന് രാത്രി 11.55 വരെ ചോയ്‌സ് ഫില്ലിങ് നടത്താം. 26ന് വൈകീട്ട് മൂന്ന് മുതല്‍ ചോയ്‌സ് ലോക്കിങ് നടത്താം. ജൂലൈ 29ന് ആദ്യ അലോട്ട്‌മെന്റ് പ്രസിദ്ധീകരിക്കും.

അപേക്ഷകര്‍ 30ന് രേഖകള്‍ മെഡിക്കല്‍ കൗണ്‍സലിങ് കമ്മിറ്റി (എം.സി.സി)യുടെ പോര്‍ട്ടലില്‍ അപ്‌ലോഡ് ചെയ്യണം. ജൂലൈ 31 മുതല്‍ ആഗസ്റ്റ് നാല് വരെ പ്രവേശനത്തിന് ഹാജരാകാവുന്നതാണ്.