പ്രത്യേക ശ്രദ്ധ ആവശ്യമുള്ള കുട്ടികള്‍ക്ക് ഈ വര്‍ഷം 10, 12 ക്ലാസുകളിലെ വാര്‍ഷിക പരീക്ഷയെഴുതാന്‍ കമ്പ്യൂട്ടറുകളോ ലാപ്‌ടോപ്പുകളോ ഉപയോഗിക്കാമെന്ന് സിബിഎസ്ഇ
പ്രത്യേക ശ്രദ്ധ ആവശ്യമുള്ള കുട്ടികള്‍ക്ക് ഈ വര്‍ഷം 10, 12 ക്ലാസുകളിലെ വാര്‍ഷികപരീക്ഷയെഴുതാന്‍ കമ്പ്യൂട്ടറുകളോ ലാപ്‌ടോപ്പുകളോ ഉപയോഗിക്കാമെന്ന് സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജുക്കേഷന്‍ (സി.ബി.എസ്.ഇ) അനുമതി നല്‍കി. എന്നാല്‍ വിദ്യാര്‍ഥികള്‍ പ്രത്യേകശ്രദ്ധ ആവശ്യമുള്ളവരാണെന്ന് തെളിയിക്കുന്ന ഡോക്ടര്‍മാര്‍ സാക്ഷ്യപ്പെടുത്തിയ രേഖകള്‍ ഹാജരാക്കണം. പ്രത്യേക പരിചരണം ആവശ്യമുള്ള കുട്ടികള്‍ക്ക് പ്രത്യേക പരിഗണന നല്‍കാന്‍ അടുത്തിടെ ചേര്‍ന്ന യോഗത്തില്‍ സി.ബി.എസ്.ഇ പരീക്ഷസമിതി തീരുമാനിച്ചിരുന്നു.
ഉത്തരങ്ങള്‍ രേഖപ്പെടുത്താനും ചോദ്യങ്ങള്‍ വ്യക്തമാകാനായി ഫോണ്ട് വലുതാക്കാനും ചോദ്യങ്ങളെക്കുറിച്ച് ധാരണയുണ്ടാക്കാനും മാത്രമേ കമ്പ്യൂട്ടര്‍ ഉപയോഗിക്കാവൂ. പരീക്ഷയുടെ വിശ്വാസ്യത നിലനിര്‍ത്താന്‍ കമ്പ്യൂട്ടറുകളില്‍നലാപ്‌ടോപ്പുകളില്‍ ഇന്റര്‍നെറ്റ് സൗകര്യം നല്‍കുന്നതല്ല. വിദഗ്ധരെകൊണ്ട് പരിശോധിപ്പിച്ചശേഷമേ കമ്പ്യൂട്ടറുകള്‍ സന്റെര്‍ സൂപ്രണ്ട് വിദ്യാര്‍ഥികള്‍ക്ക് കൈമാറുകയുള്ളൂ.
ചോദ്യങ്ങള്‍ വായിക്കാന്‍ കഴിയാത്തതും എന്നാല്‍, പകര്‍പ്പെഴുത്തുകാരെ ആവശ്യമില്ലാത്തവരുമായ വിദ്യാര്‍ഥികള്‍ക്കും പ്രത്യേകം സൗകര്യമൊരുക്കും. ഇത്തരം വിദ്യാര്‍ഥികള്‍ക്ക് പരീക്ഷയെഴുതാന്‍ 50 ശതമാനത്തിനുമുകളില്‍ ഹാജര്‍ വേണമെന്ന നിബന്ധനയിലും ഇളവുണ്ട്.
https://www.facebook.com/Malayalivartha
