കേരളത്തിന്റെ ഭരണസംവിധാനത്തിൽ വീണ്ടും നിർണായക മാറ്റങ്ങൾക്ക് വഴിയൊരുങ്ങുകയാണ്. കെസ്ഇബി ചെയർമാൻ സ്ഥാനത്തുനിന്ന് എം ജി രാജമാണിക്യത്തെ മാറ്റി. പകരം എൻ പ്രശാന്തിനെ നിയമിച്ചു. കെ ആർ ജ്യോതിലാൽ ആണ് പുതിയ ആഭ്യന്തര സെക്രട്ടറി. ആഭ്യന്തര സെക്രട്ടറിയായിരുന്ന മിൻഹാജ് ആലത്തെ ധനകാര്യവകുപ്പിലേക്ക് മാറ്റി. ആരോഗ്യവകുപ്പിൽ നിന്ന് ഷർമിള മേരി ജോസഫിനെ മാറ്റി പകരം മുഹമ്മദ് ഹനീഷിനാണ് പുതിയ ചുമതല. ഗതാഗതവകുപ്പിന്റെ ചുമതലയാണ് ഷർമിള മേരി ജോസഫിന് സർക്കാർ നൽകിയത്. അതേസമയം, എം ബീനയെ വ്യവസായ വകുപ്പ് സെക്രട്ടറിയായും സ‌ർക്കാർ നിയമിച്ചു.

നേരത്തെ കായിക-യുവജനകാര്യ വകുപ്പുകളുടെ സ്പെഷ്യൽ സെക്രട്ടറിയായിരുന്ന എൻ. പ്രശാന്ത്, നികുതി വകുപ്പിന്റെ അധിക ചുമതലയും വഹിച്ചിരുന്നു. ഇപ്പോൾ കെഎസ്ഇബിയുടെ തലപ്പത്തേക്ക് അദ്ദേഹത്തെ കൊണ്ടുവരാനുള്ള നീക്കം ഭരണതലത്തിൽ ശ്രദ്ധേയമായ മാറ്റമാണ്.

നിലവിൽ കെഎസ്ഇബി ചെയർമാനും മാനേജിങ് ഡയറക്ടറുമായി പ്രവർത്തിച്ചിരുന്നത് എം.ജി. രാജമാണിക്യമാണ്. 2026 ജൂണിലെ ഐഎഎസ് പുനഃസംഘടനയിലാണ് അദ്ദേഹം ഈ സ്ഥാനത്തെത്തിയത്. അന്ന് കെഎസ്ഇബി ചെയർമാനായിരുന്ന മിൻഹാജ് ആലമിനെ കൃഷിവകുപ്പ് അഡീഷണൽ ചീഫ് സെക്രട്ടറിയായും നിയമിച്ചിരുന്നു.