സംസ്ഥാനത്ത് നാലു വര്ഷം ദൈര്ഘ്യമുള്ള ബിരുദ ബി.എഡ് സംയോജിത കോഴ്സ് 2019-20 അധ്യയന വര്ഷം മുതല്
സംസ്ഥാനത്ത് നാലു വര്ഷം ദൈര്ഘ്യമുള്ള ബിരുദ ബി.എഡ് സംയോജിത കോഴ്സ് 2019-20 അധ്യയന വര്ഷം മുതല് നടപ്പിലാക്കിയാല് മതിയെന്ന് ഉന്നത വിദ്യാഭ്യാസ കൗണ്സില് നിയോഗിച്ച വിദഗ്ധ സമിതിയുടെ നിര്ദേശം. കൗണ്സില് ആസ്ഥാനത്ത് ചൊവ്വാഴ്ച ചേര്ന്ന സമിതിയുടെ ആദ്യയോഗമാണ് ഇതുസംബന്ധിച്ച നിര്ദേശം മുന്നോട്ടുവെച്ചത്. നേരത്തേ അടുത്ത അധ്യയന വര്ഷം മുതല് പുതിയ കോഴ്സ് നടപ്പാക്കാനായിരുന്നു കൗണ്സില് മുന്നോട്ടുവെച്ച നിര്ദേശം. വിശദമായ പഠനം ആവശ്യമുള്ളതിനാല് പെട്ടെന്ന് കോഴ്സ് നടപ്പിലാക്കേണ്ടതില്ലെന്നാണ് വിദഗ്ധ സമിതി അഭിപ്രായപ്പെട്ടത്.
സംയോജിത കോഴ്സ് നടപ്പാക്കാനുള്ള എന്.സി.ടി.ഇ നിര്ദേശം തത്ത്വത്തില് അംഗീകരിച്ച യോഗം ഇതിന്റെ മുന്നോടിയായി നാലു സര്വകലാശാലാ തലത്തിലും പ്രത്യേകം ശില്പശാലകളും ചര്ച്ചകളും നടത്താനും തീരുമാനിച്ചു. നിലവിലെ ബി.എഡ് പാഠ്യപദ്ധതിയുടെ പ്രശ്നങ്ങള് സമിതി പ്രത്യേകം പഠന വിധേയമാക്കും. നാലു വര്ഷത്തെ സംയോജിത കോഴ്സ് ഏതു രൂപത്തില് നടപ്പിലാക്കും എന്നത് സംബന്ധിച്ച വിശദമായ റിപ്പോര്ട്ടും സമിതി സമര്പ്പിക്കും. അഞ്ചു മാസംകൊണ്ട് സമിതി റിപ്പോര്ട്ട് സമര്പ്പിക്കും.
ഏപ്രില് 22, 23 തീയതികളില് എന്.സി.ടി.ഇ ഡല്ഹിയില് വിളിച്ച വി.സിമാരുടെയും എജുക്കേഷന് ഡീനുമാരുടെയും യോഗത്തിലെ തീരുമാനങ്ങള് കൂടി വന്നശേഷം നടപടികള് തുടങ്ങാനാണ് വിദഗ്ധ സമിതി യോഗ തീരുമാനം.
https://www.facebook.com/Malayalivartha