ഇൻഡോ – ടിബറ്റൻ ബോർഡർ പൊലീസിൽ കോൺസ്‌റ്റബിൾ(ട്രേഡ്‌സ്‌മാൻ) തസ്‌തികയിലെ ഒഴിവുകളിലേക്ക് അപേക്ഷ ക്ഷണിച്ചു. ടെയ്‌ലർ, ഗാർഡ്‌നർ, കോബ്ലർ, വാട്ടർ കാരിയർ, സഫായ് കർമചാരി, കുക്ക്, വാഷർമാൻ, ബാർബർ വിഭാഗങ്ങളിലാണ് ഒഴിവുകൾ. ഗ്രൂപ്പ് സി നോൺ ഗസറ്റഡ്, നോൺ മിനിസ്‌റ്റീരിയൽ തസ്‌തികയാണിത്. സ്‌ത്രീകൾക്കും അപേക്ഷിക്കാം. ഓഗസ്റ്റ് എട്ടു മുതൽ ആണ് അപേക്ഷിക്കേണ്ടത്. ഓൺലൈൻ അപേക്ഷ സ്വീകരിക്കുന്ന അവസാന തീയതി: സെപ്റ്റംബർ ഏഴ്.
യോഗ്യത: ടെയ്‌ലർ, ഗാർഡ്‌നർ, കോബ്ലർ: പത്താം ക്ലാസ് ജയം. ബന്ധപ്പെട്ട ട്രേഡിൽ രണ്ടു വർഷം പ്രവൃത്തിപരിചയം അല്ലെങ്കിൽ ഐടിഐ/വൊക്കേഷനൽ ഇൻസ്‌റ്റിറ്റ്യൂട്ടിൽ നിന്നു നേടിയ ഒരു വർഷത്തെ സർട്ടിഫിക്കറ്റും ഒരു വർഷം പ്രവൃത്തിപരിചയവും. അല്ലെങ്കിൽ ഐടിഐയിൽ നിന്നു ബന്ധപ്പെട്ട ട്രേഡിൽ നേടിയ ദ്വിവൽസര ഡിപ്ലോമ ഉണ്ടായിരിക്കണം.
പ്രായം: 18– 23 വയസ്സ്.
വാട്ടർ കാരിയർ, സഫായ് കർമചാരി, കുക്ക്, വാഷർമാൻ, ബാർബർ:പത്താംക്ലാസ് ജയം.
പ്രായം: 18– 25 വയസ്സ്. പട്ടികവിഭാഗക്കാർക്ക് അഞ്ചും ഒബിസി വിഭാഗക്കാർക്കു മൂന്നും വർഷം ഉയർന്ന പ്രായപരിധിയിൽ ഇളവു ലഭിക്കും.
ശാരീരിക അളവു പരിശോധന, കായികക്ഷമതാ പരീക്ഷ, ട്രേഡ് ടെസ്‌റ്റ്, എഴുത്തു പരീക്ഷ എന്നിവയുടെ അടിസ്‌ഥാനത്തിലായിരിക്കും തിരഞ്ഞെടുപ്പ്. വൈദ്യപരിശോധനയുമുണ്ടാകും.
അപേക്ഷാഫീസ്: 100 രൂപ. ഓൺലൈനായാണ് ഫീസ് അടയ്ക്കേണ്ടത്. എസ്‌സി/ എസ്ടി വിഭാഗക്കാർക്കും സ്‌ത്രീകൾക്കും വിമുക്‌ത ഭടൻമാർക്കും ഫീസില്ല.
ഓൺലൈൻ അപേക്ഷക്കും കൂടുതൽ വിവരങ്ങൾക്കും www.recruitment.itbpolice.nic.in എന്ന വെബ്സൈറ്റ് നോക്കുക.