കരീന മാറില്ല: ചുംബിക്കും, മുന് കാമുകന്മാര്ക്കൊപ്പം അഭിനയിക്കുകയും ചെയ്യും
വിവാഹം കഴിയുന്നതോടെ താരങ്ങളുടെ അഭിനയത്തിന് ചില നിയന്ത്രണങ്ങള് താരങ്ങള് തന്നെ വരുത്താറുണ്ട്. കുടുംബം തകരാതിരിക്കാനായി ചുംബന, കിടപ്പറ രംഗങ്ങളോട് നോ പറയുന്നവരാണ് ഏറെയും. എന്നാല് കരീന അങ്ങനെയല്ല. സെയ്ഫ് അലിഖാന്റെ ഭാര്യയായി ഏതാനും നാള് വിട്ടു നിന്ന ശേഷം ഫീല്ഡിലേക്ക് തിരിച്ചെത്തിയ കരീനയ്ക്ക് ഇത്തരം രംഗങ്ങളൊന്നും അതൃപ്തിയില്ല എന്ന് മാത്രമല്ല മുന് കാമുകന്മാര്ക്കൊപ്പം അഭിനയിക്കുന്നതിനും എതിര്പ്പില്ല.
കഴിഞ്ഞ ചിത്രം കി ആന്റ് കാ യില് അര്ജുന് കപൂറിനൊപ്പം ചുംബന രംഗങ്ങളില് പ്രത്യക്ഷപ്പെട്ട കരീന മുന് കാമുകന് ഷഹീദിനൊപ്പം അഭിഷേക് ചൗബേയുടെ ഉഡ്താ പഞ്ചാബില് അഭിനയിച്ചിരുന്നു. ഒരിക്കല് പ്രണയത്തിലായിരുന്നതിന്റെ പേരില് ഒരുമിച്ച് ജോലി ചെയ്യില്ല എന്ന തീരുമാനം പഴയ സങ്കല്പ്പമാണെന്നാണ് താരം പറഞ്ഞിരിക്കുന്നത്. അതേസമയം പ്രണയ പരാജയത്തിനും വിവാഹത്തിനും ശേഷം ഇരുവര്ക്കും ഒരുമിച്ച് അഭിനയിക്കാന് ഇതുവരെ അവസരം ലഭിച്ചിരുന്നില്ല.
കരീനയുമായി ബന്ധപ്പെട്ട് നേരത്തേ പുറത്ത് വന്ന പ്രസ്താവനകളുടെ ഘടകവിരുദ്ധമാണ് താരത്തിന്റെ പുതിയ പ്രസ്താവന. ഉഡ്ത്താ പഞ്ചാബിന്റെ പ്രമോഷന് കാര്യങ്ങളില് ഷാഹിദിനൊപ്പം ഒന്നിക്കാന് കഴിയില്ലെന്ന് കരീന നിലപാട് എടുത്തതായും സംവിധായകന് അഭിഷേകിന്റെയും നിര്മ്മാതാവ് ഏക്താ കപൂറിന്റെയും ഇടപെടലിനെ തുടര്ന്ന് താരം സമ്മതിക്കുകയായിരുന്നെന്നുമായിരുന്നു വാര്ത്തകള്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha